ဖိနှိပ်ခံ ဂျူးကလေးငယ် တစ်ဦးမှသည် ကာတွန်း ရုပ်ရှင်ဖန်တီးသူဖြစ်လာသူရဲ့ မှတ်တမ်းဇာတ်လမ်း

မှတ်တမ်းကားကို မစ္စတာ Yoram က မြေးတွေကို သူ့ဘ၀ဇာတ်ကြောင်းတွေ ပြန်ပြောပြနေပုံကို ဖန်တီးရိုက်ကူးထားတာ ဖြစ်ပါတယ်။ ဓာတ်ပုံ – piermarton.info
Koala ကာတွန်းဇာတ်ကောင်လေး Blinky Bill ပါဝင်တဲ့ ကာတွန်းစီးရီးတွေဟာ ကလေးငယ်
တော်တော်များများရဲ့ အကြိုက်ဆုံးကာ တွန်းဇာတ်လမ်းတွဲတွေထဲမှာ တစ်ခုအပါအ၀င်ပါ။
မျက်လုံးပြူးပြူး၊ နားရွက်ကားကားနဲ့ ချစ်စဖွယ် Blinky Bill ကာတွန်းဇာတ်ကောင်လေးကို ဖန်တီးသူ
တွေထဲက တစ်ဦးဖြစ်သူ မစ္စတာ Yoram Gross က သူ့ဘ၀ဇာတ်လမ်းတွေကို သူဖန်တီးတဲ့
ကာတွန်းရုပ်ရှင်တွေမှာ ထပ်ဟပ်စေခဲ့ပါတယ်။
“Blinky and me” လို့ အမည်ရတဲ့ မှတ်တမ်းရှပ်ရှင်ကားလေးကတော့ ဒုတိယကမ္ဘာစစ်အတွင်း
နာဇီတို့ မျိုးတုံးသတ်ဖြတ်ခြင်း (Holo-caust) မှ လွတ်မြောက်လာခဲ့သူ Yoram Gross ရဲ့ ဘ၀
ဇာတ်ကြောင်းကို မှတ်တမ်းတင်ရိုက်ကူးထားတဲ့ ဇာတ်လမ်းလေးဖြစ်ပါတယ်။
မြန်မာနိုင်ငံဆိုင်ရာ အစ္စရေးသံရုံးနဲ့ ကုလသမဂ္ဂမှ မျိုးဖြုတ်သတ်ဖြတ်ခြင်းခံရသော ဂျူးလူမျိုးများကို
အမှတ်ရတဲ့အနေနဲ့ အဲဒီမှတ်တမ်းရုပ်ရှင်ကို ပြင်သစ်ယဉ်ကျေးမှုစင်တာမှာ ဇန်န၀ါရီလ နောက်ဆုံး
ပတ်အတွင်းမှာ ပြသခဲ့ပါတယ်။
ကမ္ဘာ့ကုလသမဂ္ဂမှ ဇန်န၀ါရီ ၂၇ ရက်နေ့ကို ဒုတိယကမ္ဘာစစ်အတွင်း နာဇီတို့ရဲ့ အစုလိုက်အပြုံလိုက်
သတ်ဖြတ်ခြင်းခံရတဲ့ ဂျူးလူမျိုးတွေကို အမှတ်ရတဲ့အနေ့အဖြစ် သတ်မှတ်ပေးခဲ့ပါတယ်။
အဲဒီနေ့ဟာ ၁၉၄၅ ခုနှစ်တွင်းက ပိုလန်နိုင်ငံရှိ နာဇီရဲ့ သေမင်းတမန်အကျဉ်းစခန်း တစ်ခုဖြစ်တဲ့
Auschwitz Birkenau (အော့စ်ဝစ်ဇ် အကျဉ်းစခန်း)မှာ ဖမ်းဆီးချုပ်နှောင်ထား သူတွေကို
လွတ်လပ်ခွင့်ပေးခဲ့တဲ့ နေ့တစ်နေ့လည်း ဖြစ်ပါတယ်။
“Blinky and me” ကိုရိုက်ကူးသူ ဩစတြေးလျနိုင်ငံသား ဒါရိုက်တာ Tomasz Magierski က
“Holocaust ဆိုတာ သမိုင်းမှာ တော်တော် အံ့ဩဖို့ ကောင်းတဲ့ဖြစ်ရပ်တစ်ခုပါ။ ယုံကြည်မှုနဲ့
မျိုးနွယ်မတူလို့ဆိုတဲ့ အကြောင်းအချက်ကြောင့် လူတွေကပဲ လူတွေကိုသတ်ဖို့ စက်ရုံတွေ၊
စက်ယန္တရားတွေ ဖန်တီးခဲ့တယ်။ အဲဒီအချက်ကပဲ တခြားလူမျိုးတုံး သတ်ဖြတ်မှုတွေနဲ့ မတူဘဲ
Holocaust ကို ပိုထူးခြားနေစေတာပါ” လို့ဆိုပါတယ်။
သူက မှတ်တမ်းကားကို ဩစတြေးလျနိုင်ငံမှာ နေထိုင်နေပြီး Yoram Gross Productions ကို
တည်ထောင်ထားသူ မစ္စတာ Yoram Gross က မြေးတွေကို သူ့ရဲ့ဘ၀ဇာတ်ကြောင်းတွေ
ပြန်ပြောပြနေပုံ ဖန်တီးထားပါတယ်။
ပြသချိန် ၇၅ မိနစ်အတွင်း ငြီးငွေ့စရာမဖြစ်စေဖို့  Blinky ကာတွန်းဇာတ်ကောင်လေးကို Yoram
Grossရဲ့ ငယ်ဘ၀ဇာတ်ကောင်လေးအဖြစ် အခန်းတချို့တွေမှာ ထည့်သွင်းရိုက်ကူးထားပါတယ်။
ဒီမှတ်တမ်းရုပ်ရှင်ကို ၂၀၁၁ ခုနှစ်မှာ ရိုက်ကူးထုတ်လုပ်ခဲ့တာ ဖြစ်ပါတယ်။
နာဇီပါတီလို့ လူသိများတဲ့ The National Socialist German Workers’ Party ဟာ ၁၉၂၀ ပြည့်
နှစ်မှ ၁၉၄၅ ခုနှစ်ထိ ဂျာမနီနိုင်ငံမှာ သက်ဝင်လှုပ်ရှားခဲ့တဲ့ နိုင်ငံရေးပါတီတစ်ခုဖြစ်ပါတယ်။
ပါတီဦးဆောင်သူတစ်ဦးဟာ Adolf Hitler ဖြစ်ပြီး ဂျူးလူမျိုးခြောက်သန်းခန့် မျိုးတုန်းသတ်ဖြတ်ခံရမှု
အတွက် အဓိကတရားခံလည်း ဖြစ်ပါတယ်။
အဲဒီအချိန်က ဥရောပနိုင်ငံများအတွင်း ဂျူးလူမျိုး ကိုးသန်းခန့် နေထိုင်ကြပြီး သုံးပုံနှစ်ပုံမှာ မျိုးတုံး
သတ်ဖြတ်ခြင်းခံခဲ့ရပါတယ်။
Tomasz Magierski ဟာ နယူးယော့ခ်မြို့ မှာ နေထိုင်နေရင်း ပိုလန်သတင်းစာတစ်စောင်မှာ Yoram
Grossအကြောင်း ရေးသားထားတာကို ဖတ်ရှုရပြီးတဲ့နောက် ဒီမှတ်တမ်းရုပ်ရှင်ဇာတ်ကားလေးကို
ရိုက်ကူးဖို့ အကြံဉာဏ်ပေါ်ပေါက်လာခဲ့တယ်လို့ ပြောပါတယ်။
မစ္စတာ Yoram ။ ဓာတ်ပုံ – bumerangmedia.com
“ကျွန်တော် အမြဲတမ်း အင်္ဂလိပ်ဘာသာ ပြန်ထားတဲ့ ပိုလန်ဇာတ်လမ်းတွေကို စိတ်ဝင်စားတယ်။
ဒါကလည်း အဲဒီထဲက တစ်ခုပဲလေ။ သူဖန်တီးထားတဲ့ကာတွန်းရုပ်ရှင်တွေနဲ့ သူ့ရဲ့အင်တာဗျူးတွေ
ကိုလည်း ရှာကြည့်ခဲ့တယ်။ အင်တာဗျူးတွေထဲမှာ သူအမြဲပြောတတ်တာက သူဖန်တီးတဲ့ ကာတွန်း
ရုပ်ရှင်တွေက သူ့ဘ၀ရဲ့ တစ်စိတ်တစ်ပိုင်းကို ဖော်ပြနေတယ်ဆိုတဲ့ စကားပါပဲ။ သူ့ကာတွန်း
ဇာတ်ကောင်တွေဟာ တိရစ္ဆာန်လေးတွေ ဖြစ်နေပေမယ့် ကျွန်တော်ကတော့ လူတွေရဲ့စိတ်ခံစားမှု
တွေကို အဲဒီထဲမှာ တွေ့ခဲ့ရတယ်။ အရမ်း စိတ်ဝင်စားဖို့ကောင်းပါတယ်”လို့ Tomasz က
ပြောပါတယ်။
့Yoram Gross ကို ၁၉၂၆ ခုနှစ် ပိုလန်နိုင်ငံမှာ မွေးဖွားခဲ့ပြီး မှတ်တမ်းရုပ်ရှင်မှာ သူ့ရဲ့မြေး ငါးဦးနဲ့အတူ
အခု သူနေထိုင်ရာ ဩစတြေးလျ နိုင်ငံကနေ မွေးရပ်မြေဖြစ်တဲ့ ပိုလန်နိုင်ငံဆီ ခရီးထွက်ပြီး ဒုတိယ
ကမ္ဘာစစ်အတွင်း ဂျူးကလေး ငယ်တစ်ယောက် အသက်ရှင်နေထိုင်ဖို့ ကြိုးပမ်းရပုံတွေကို မြေးတွေ
ကို ပြန်လည်ပြောပြခဲ့ပါတယ်။
မှတ်တမ်းရုပ်ရှင်ထဲမှာ အဲဒီခေတ်က ရိုက်ကူးထားတဲ့ သမိုင်းဝင်ဓာတ်ပုံများစွာနဲ့ သမိုင်းဝင်နေရာတွေ
ကိုလည်း ထည့်သွင်း ဖော်ပြထားပါတယ်။
ဒီမှတ်တမ်းရုပ်ရှင်ကို ဖန်တီးဖို့အတွက် အဓိကအခက်အခဲဟာ အသုံးစရိတ်ငွေကြေးနဲ့ အချိန်ပဲ
ဖြစ်တယ်လို့ Tomasz က ပြောပါတယ်။
နောက်ဆုံးမှာတော့ ဒီမှတ်တမ်းရုပ်ရှင်အတွက် သူရဲ့ကိုယ်ပိုင်ဝင်ငွေကို စိုက်ထုတ်ရိုက်ကူးခဲ့ရတယ်
လို့ဆိုပါတယ်။
“မော်ကွန်းတင်ထားတဲ့ ဓာတ်ပုံတွေ၊ ရုပ်ရှင်တွေရဖို့ကိုလည်း အချိန်တော်တော် စောင့်လိုက်ရတယ်။
ကျွန်တော် က လူတွေအရင်က မမြင်ခဲ့ဖူးတဲ့ တကယ့်သမိုင်း ၀င်ဓာတ်ပုံတွေ၊ ရုပ်ရှင်တွေကို Yoram
Gross ရဲ့ဘ၀မှာ ကြုံတွေရတာတွေနဲ့ ချိတ်ဆက်ပြီး ပြချင်လို့ ကြိုးစားခဲ့တယ်” လို့လည်း ရှင်းပြပါ
တယ်။
နာဇီတပ်တွေ ပိုလန်နိုင်ငံအတွင်း ၀င်ရောက်လာတဲ့အခါ Yoram Gross နဲ့ သူ့မိသားစုတို့ဟာ
ပုန်းခိုဖို့ နေရာရှာခဲ့ရပြီး ပညာဆက်လက် သင်ယူနိုင်ဖို့အတွက် ဂျူးဘာသာက ခရစ်ယာန်ဘာသာကို
ပြောင်းခဲ့ရပါတယ်။
ဒုတိယကမ္ဘာ စစ်အတွင်း ပြေးလွှားရင်း ပိုလန်နိုင်ငံက ထွက်ခွာခဲ့ကာ အစ္စရေးသို့ ရောက်ရှိခဲ့ပြီး
အဲဒီမှာ သူ့ရဲ့ ကာတွန်း ရုပ်ရှင်ထုတ်လုပ်မှုကို စတင်ခဲ့တာ ဖြစ်ပါတယ်။
ရိုက်ကူးသူ ဒါရိုက်တာက ဒုတိယ ကမ္ဘာစစ်အတွင်းမှာ အသက်ရှင်သန်နိုင်ဖို့ Yoram Gross ကြိုးစား
ရုန်းကန်ရတာတွေ ကသာမကဘဲ သူ့ရဲ့ အနုပညာဖန်တီးမှုများကိုလည်း ထည့်သွင်းပြသထားပါ
တယ်။
Yoram Gross ရဲ့ ကာတွန်းရုပ်ရှင်ထုတ်လုပ်မှုများ အဆင့်ဆင့် တိုးတက်လာတာတွေကိုလည်း
ထည့်သွင်းဖော်ပြထားပါတယ်။
မှတ်တမ်းရုပ်ရှင်ကို လာရောက်ကြည့်ရှုသူတစ်ဦးဖြစ်တဲ့ ကိုမြတ်နိုးအောင်က “ကျွန်တော်က
မှတ်တမ်းရုပ်ရှင်တွေကို အရမ်းကြိုက်လို့ ကြည့်ဖြစ်တာပါ။ ဒီမှတ်တမ်းရုပ်ရှင်ကို ကြည့်ရတာ
Hotel Rwanda ဇာတ်လမ်းကို ကြည့်ရသလိုပဲ ခံစားရတယ်။ မှတ်တမ်းရုပ်ရှင်တွေမှာ သူတို့
ပေးချင်တဲ့ မက်ဆေ့ခ်ျတစ်ခုတော့ အမြဲရှိပါတယ်။ ဒီကားကတော့ အဲဒီအချိန်က မျိုးတုံးသတ်ဖြတ်မှု
တွေကို ပြန်လည် သင်ခန်းစာယူစရာပါ”လို့ ဆိုပါတယ်။
ဘာသာပြန်စာရေးဆရာ မောင်မိုးသူက ကမ္ဘာပေါ်က တချို့နေရာမှာ ဖြစ်ပွားနေတဲ့ မျိုးတုံး
သတ်ဖြတ်မှုတွေရဲ့ အဓိကအကြောင်းရင်းမှာ အသိပညာနည်းပါးမှုနဲ့ ဆင်းရဲနွမ်းပါးမှုတို့ကြောင့်
ဖြစ်တယ်လို့ ဆိုပါတယ်။
“နာဇီပါတီရဲ့ အဓိက၀ါဒက အမျိုးသားရေးဝါဒ။ အဲဒါက ဒီမိုကရေစီတို့လို နိုင်ငံရေးယုံကြည်ချက်
ထက်ပိုပြီး လူတွေကို ဆွဲဆောင်နိုင်တယ်။ အမှန်တော့ ဒဿနဗေဒက ကြည့်ရင် စကားလုံး
သက်သက်ပဲ။ လူဆိုတာ ဖြူချင်ဖြူမယ်၊ မည်းချင်မည်းမယ်။ မျက်လုံးညိုချင် ညိုမယ်၊ စိမ်းချင်
စိမ်းမယ်။ လူမျိုးမတူလို့၊ ကိုးကွယ်ရာမတူလို့ဆိုတဲ့ အချက်တွေနဲ့ လူမျိုး တုံးသတ်ဖြတ်မယ်ဆိုတာ
ဟာ အသိဉာဏ်ပညာ ချင့်ချိန်နိုင်စွမ်း နည်းပါးတာပါ”လို့ ဆိုပါတယ်။
Tomasz က လူမျိုးရေးနဲ့ ဘာသာရေးကြောင့်ဖြစ်တဲ့ ပဋိပက္ခတွေနဲ့ ပတ်သက်ပြီး “ကျွန်တော်
မြန်မာနိုင်ငံအကြောင်းတော့ သိပ်မသိဘူး။ ဂျပန်နဲ့ ဖိလစ်ပိုင်ကလွဲရင် အာရှက တခြားနိုင်ငံတွေ
ကိုလည်း မရောက်ဖူးပါဘူး။ ဒါပေမဲ့ ကျွန်တော်သိသလောက် ပဋိပက္ခတွေအများစုက ဘာသာရေးနဲ့
ပတ်သက်နေကြတယ်။ ဘာသာရေးပြဿနာကြောင့် သေဆုံးရတဲ့လူတွေဟာ ရောဂါကြောင့်
သေရတဲ့သူတွေ ထက်တောင် ပိုများမယ်ထင်တယ်”လို့ ပြောပါတယ်။
လက်ရှိမှာ Tomasz ဟာ ၁၉၄၀ ပြည့်နှစ်အတွင်းက ဗြိတိန်စစ်ပွဲမှာ ပါဝင်ခဲ့သူ ပိုလန်နိုင်ငံသား
လေသူရဲဦး တစ်ဦးရဲ့ ငြိမ်းချမ်းရေးအတွက် ဆောင်ရွက်ခဲ့ပုံများအကြောင်းကို မှတ်တမ်းရုပ်ရှင်
ရိုက်ကူးဖို့ ပြင်ဆင်နေပါတယ်။
Blinky and me မှတ်တမ်းရုပ်ရှင်မှာ Chagrin Falls Film Festival 2013 မှာ အကောင်းဆုံး
နိုင်ငံတကာမှတ်တမ်းရုပ်ရှင်ဆု အပါအ၀င် နိုင်ငံတကာရုပ်ရှင်ဆုပေါင်း ငါးဆုကို ဆွတ်ခူးနိုင်ခဲ့တဲ့
ဇာတ်လမ်းတစ်ခုလည်း ဖြစ်ပါတယ်။
Credit: mm times