မြန်မာနိုင်ငံ၏ ပထမဦးဆုံးသော Documentary Film Library အား Human Dignity Film Institute ရုံးခန်း၌ ယနေ့စတင် ဖွင့်လှစ်လိုက်ပြီ ဖြစ်သည်။
နိုင်ငံတကာမှ မှတ်တမ်းရုပ်ရှင်ကားအရေအတွက် ၃၀၀ ခန့်အား ကွန်ပျူတာများထဲ၌ သိုလှောင်ထားရှိပြီး ယင်းရုပ်ရှင်များကို ရုံးချိန်အတွင်း မည်သူမဆို အခမဲ့လာရောက်ကြည့်ရှု့နိုင်မည်ဖြစ်သည်။
ကွန်ပျူတာများထဲရှိ မှတ်တမ်းရုပ်ရှင်အချို့ကို မြန်မာစာတန်းထိုးဖြင့် ကြည့်ရှု့နိုင်မည်ဖြစ်ပြီး ကျန်ရှိနေသော ရုပ်ရှင်ကားများကိုလည်း မြန်မာစာတန်းထိုးရန် ဆက်လက်ဆောင်ရွက်သွားမည်ဖြစ်သည်။
![](http://1.bp.blogspot.com/-MbJ9D_XZytk/UtezSgrWUFI/AAAAAAAAT9Y/aRzKh6xd8DI/s200/234g.jpg)
မှတ်တမ်းရုပ်ရှင်အသစ်များ ထပ်မံဖြည့်စွက်နိုင်ရန်လည်း ဆက်လက်ကြိုးစားသွားမည် ဖြစ်သည်။
မြန်မာနိုင်ငံသား အဖွဲ့အစည်းတစ်ခုဖြစ်သော Human Dignity Film Institute အနေဖြင့် မြန်မာနိုင်ငံတွင် လူ့အခွင့်အရေး လူ့ဂုဏ်သိက္ခာ နိုင်ငံတကာရုပ်ရှင်ပွဲတော်ကို ၂၀၁၃ ခုနှစ် ဇွန်လတွင် ကျင်းပနိုင်ခဲ့သည်။
ယင်းရုပ်ရှင်ပွဲတော်သည် မြန်မာနိုင်ငံ၏ ပထမဦးဆုံးသော နိုင်ငံတကာ ရုပ်ရှင်ပွဲတော်တစ်ခုအဖြစ် နိုင်ငံတကာမှတ်တမ်းရုပ်ရှင် အသိုင်းအ၀ိုင်း၏ အသိအမှတ်ပြုခြင်းကို ရရှိခဲ့၏။ ယခုနှစ် ၂၀၁၄ ခုနှစ်တွင် ဒုတိယအကြိမ် လူ့အခွင့်ရေး လူ့ဂုဏ်သိက္ခာ နိုင်ငံတကာ ရုပ်ရှင်ပွဲတော်ကို ဆက်လက်ကျင်းပရန်အတွက် ပြည်တွင်းပြည်ပ ရုပ်ရှင်ကားများ စတင်ဖိတ်ခေါ်နေပြီ ဖြစ်သည်။
ထို့အပြင် မြန်မာနိုင်ငံ၏ ပထမဦးဆုံးသော ခရီးသွားရုပ်ရှင်ပွဲတော်ကို မြန်မာနိုင်ငံ တိုင်းနှင့်ပြည်နယ် မြို့ကြီးများတွင် ကျင်းပလျက်ရှိရာ မြို့ကြီး (၉) မြို့၌ အောင်မြင်စွာ ကျင်းပနိုင်ခဲ့ပြီး နောက်ထပ်မြို့ကြီး (၅) မြို့တွင် ဆက်လက်ကျင်းပရန် စီစဉ်လျက်ရှိသည်။
မြန်မာနိုင်ငံသား အဖွဲ့အစည်းတစ်ခုဖြစ်သည့် Human Dignity Film Institute က ဦးစီးစီစဉ်သည့် ပထမဦးဆုံးသော မှတ်တမ်းရုပ်ရှင် ရိုက်ကူးမှုသင်တန်းကို စီစဉ်ပို့ချလျက်ရှိရာ ယခုအခါ သင်တန်းသား (၁၂) ယောက်သည် လူ့အခွင့်အရေးမှတ်တမ်းရုပ်ရှင်များ စတင်ရိုက်ကူးနေကြပြီ ဖြစ်သည်။
ယခုတစ်ဖန် မြန်မာနိုင်ငံ မှတ်တမ်းရုပ်ရှင်လောက၏ လိုအပ်ချက်အရ ဤ မှတ်တမ်းရုပ်ရှင် Library တစ်ခုကို စတင်ဖွင့်လှစ်လိုက်ခြင်း ဖြစ်သည်။
Human Dignity Film Institute
16th January 2014
(Human Dignity Film Institute အဖွဲ့အစည်းက ထုတ်ပြန်တဲ့ Documentary Film Library စတင် ဖွင့်လှစ်ခြင်း ဆိုတဲ့ ကြေညာချက်ကို ကူးယူ ဖော်ပြပါတယ်။
အပေါ်ပုံကတော့ ၂၀၁၃ ဇွန်လမှာ ဒီအဖွဲ့အစည်းက စီစဉ်တဲ့ အခမ်းအနားတခုရဲ့မြင်ကွင်း ဖြစ်ပါတယ်)
The Irrawaddy
No comments:
Post a Comment