မြန်မာနိုင်ငံကို အလည်လာတဲ့ ဒိန်းမတ် မင်းသမီး မာရီ၊ ဓာတ်ပုံ- cphpost.dk
TUESDAY, JANUARY 14, 2014
ဒိန်းမတ်မင်းသမီး မာရီက မြန်မာနိုင်ငံကို အလည်အပတ်လာတဲ့ ခရီးစဉ် အတွင်း လိင်ကိစ္စအကြောင်း ပြော ဆိုပြီး လိင်နဲ့ ဆက်စပ် ကျန်းမာရေး ကဏ္ဍအတွက် ဒိန်းမတ်နိုင်ငံရဲ့ ရံပုံငွေသစ် ခရိုနာ ၈၅ သန်း ပေးမယ် လို့ ကြေညာလိုက်ပါတယ်။
ဒိန်းမတ် မင်းသမီး မာရီဟာ ဒိန်းမတ်ဖွံ့ဖြိုးရေး ဝန်ကြီး Rasmus Helveg Petersen တို့ဟာ ပြီးခဲ့တဲ့
သောကြာနေ့ က မြန်မာ နိုင်ငံကို အလည်လာရင်း အခုလို ဒိန်းမတ်က မြန်မာကို ခရိုနာ ၈၅ သန်း ကူညီမယ်ဆိုတာ ကြေညာခဲ့တာလည်း ဖြစ်ပါတယ်။
ဒီရံပုန်ငွေသစ်ဟာ HIV ပိုး ကူးစက်ခံထားရသူတွေနဲ့ အမျိုးသမီး မိခင်ငယ်တွေကို ထောက်ပံ့ဖို့နဲ့ မိသားစု စီမံကိန်းတွေ အတွက်လည်း ပါဝင်ပြီး မလိုချင်တဲ့ ကိုယ်ဝန်ဆောင်မှုနဲ့ လိင်ကြောင့် ကူးစက်တဲ့ ရောဂါ တိုက်ဖျက်ရေးတွေ၊ ကိုယ်ဝန် ဆောင် စဉ် မိခင်သေးဆုံးမှုတွေ စတဲ့ အခြား ကျန်းမာရေး လိင် ပညာပေး ကဏ္ဍတွေမှာ အသုံးပြုဖို့ ဖြစ်တယ်လို့ ဒိန်းမတ် အွန်လိုင်း သတင်း တပုဒ်က ဆိုပါတယ်။
“သူတို့ရဲ့ ရိုးရာ ယဉ်ကျေးမှုသဘာဝအရ လိင်ကျန်းမာရေး ကိစ္စအကြောင်း ပြောဆိုဖို့ အဟန့်အတားတွေ ရှိနေတယ်။ ဒါ ဟာ သူတို့ရဲ့ ကိုယ်ခန္ဓာအပေါ် နာလည်းဖို့တောင်ပိုခက်ခဲစေတာပေါ့။ ပြီးတော့ လိင်ဆက်ဆံ မှုကြောင့် နောက်ဆက်တွဲ တွေနဲ့ ပတ်သက်လို့လို့ မှန်မှန်ကန်ကန်ဆုံးဖြတ်ချက်တွေ ချဖို့လည်း ခက်ခဲစေ တာဘဲ” လို့ မင်းသမီး မာရီက မှတ်ချက် ပေးပါတယ်။
လိင်ကျန်းမာရေး မြှင့်တင်ရေးအတွက် ရန်ကုန်မှာ အခြေစိုက် လှုပ်ရှားကူညီပေးနေတဲ့ Marie Stopes International ကို အခုလို လှူဒါန်းတာဖြစ်ပြီး အဲဒီ အန်ဂျီအို အဖွဲ့ဟာ နိုင်ငံပေါင်း ၄၀ မှာ ကျန်းမာရေး
ဆေးခန်းပေါင်း ၆၂ဝ ရှိကာ ရွှေ့ပြောင်း မိုဘိုင်း ဆေးခန်း ပေါင်း ၃၇ဝ ရှိပြီး အမျိုးသား၊ အမျိုးသမိး ၁၃. ၆ သန်းကို ကျန်းမာရေး ဆိုင်ရာ ကူညီထောက်ပံ့မှု လုပ်နေ တာပါ။
“ကျန်းမာရေး ဆေးပေးခန်းတွေကနေ မလိုလားတဲ့ ကိုယ်ဝန်ဆောင်မှု ရှောင်ရှားဖို့ မြန်မာနိုင်ငံက အမျိုး သမီးတွေကို သတင်းအချက်အလက်ပညာပေးမှုတွေနဲ့ အထောက်အကူပြုမှာပါ။ ဒါဟာ မြန်မာနိုင်ငံလို နိုင်ငံ တခုမှာ နောက်ဆက်တွဲ ဆိုးကျိုးတွေ ရှိတဲ့ တရားမဝင် ကိုယ်ဝန်ဖျက်ချမှုကိုလည်း ပိုနည်းလာစေမှာ ဖြစ် တယ်” လို့ ဒိန်းမတ်ဖွံ့ဖြိုးရေး ဝန်ကြီးက ဆိုပါတယ်။
အခု ဒီသတင်းပတ်ထဲမှာပဲ ဒိန်းမတ်ဖွံ့ဖြိုးရေး ဝန်ကြီး ပီတာဆန်က မြန်မာသမ္မတ ဦးသိန်းစိန်နဲ့ တွေ့ခဲ့ပြီး ဒိန်းမတ်နိုင်ငံကို မြန်မာနိုင်ငံက ပေးဖို့ ရှိတဲ့ အကြွေး ခရိုနာ ၂၉၅ သန်းကိုလည်း ကနဦး လျှော်ပေးခဲ့ တယ် လို့ ဒိန်းမတ်သတင်းက ဖော်ပြပါ တယ်။
အိမ့်သံစဉ် ~
No comments:
Post a Comment