Saturday, January 4, 2014

လွတ်ငြိ်မ်းချမ်းသာခွင့်ဖြင့် ပြန်လည်လွတ်မြောက်လာတော့မည့် အကျဉ်းသားနှစ်ဦး ထွက်ပြေးခဲ့ရာတွင် ကားကြိတ်ပြီး တစ်ဦးသေဆုံး

By VC January 04, 2014 crime

၅.၁.၂၀၁၄၊ တနင်္ဂနွေနေ့

လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်မည့် စာရင်းထဲတွင်ပါရှိသည့် အကျဉ်းသားနှစ်ဦးသည် လှည်းကူးမြို့နယ် လှေလှော်အင်းစိုက်ပျိုးမွေးမြူရေးနှင့် အသက်မွေးမှုအတတ်သင်စခန်းမှ ထွက်ပြေးခဲ့ရာ တစ်ဦးမှာ ကားကြိတ်ခံရ၍ သေဆုံးသွားကြောင်း သိရသည်။

ဖြစ်စဉ်မှာ ဇန်န၀ါရီ ၃ ရက် နံနက် ၅ နာရီခန့်က လှည်းကူးမြို့နယ် လှည်းကူး- ဖောင်ကြီးလမ်းအတိုင်း လှည်းကူးမှ ဖောင်ကြီးဘက်သို့ မောင်းနှင်လာသော ယာဉ်တစ်စီးသည် ငပိတဲရွာအရောက်တွင် လမ်းဘေး၌ အိပ်နေသော အဆိုပါထွက်ပြေးလာသူ အမျိုးသားနှစ်ဦးမှ တစ်ဦးအား ကြိတ်မိခဲ့၍ ယင်းအမျိုးသားမှာ သေဆုံးသွားခဲ့ပြီး ယာဉ်မောင်းမှာ ဆက်လက်မောင်းနှင်ထွက်ပြေးသွားသည်ဟုသိရ၍ သက်ဆိုင်ရာတာဝန်ရှိသူများက လာရောက်စစ်ဆေးခဲ့ကြောင်း သိရသည်။

ယင်းသို့စစ်ဆေးစဉ် တာဝန်ရှိသူများမှ အနီးရှိ ချုံထဲတွင်အိပ်နေသော မှော်ဘီမြို့နယ် ၄ ရပ်ကွက်နေ ရန်နောင်စိုး ၃၄ နှစ်အား စစ်ဆေးမေးမြန်းရာ သေဆုံးသူမှာ ဒဂုံတောင်မြို့နယ်နေ သန်းဆွေ(ခ)သန်းဝင်း ၄၃ နှစ်ဖြစ်ပြီး ၎င်းတို့နှစ်ဦးမှာ လှေလှော်အင်း စိုက်ပျိုးမွေးမြူရေးနှင့် အသက်မွေးမှု အတတ်သင်တန်းစခန်း(အကျဉ်းဦးစီး)မှ ပြစ်ဒဏ်ကျခံနေရသူများဖြစ်ကြောင်း သိရသည်။

ရန်နောင်စိုးမှာ ပြစ်မှုပုဒ်မ ၃၀၄-က ဖြင့် ထောင်ဒဏ်ငါးနှစ်ကျခံနေရသူဖြစ်ပြီး သန်းဆွေ(ခ)သန်းဝင်းမှာ လောင်းကစား ဥပဒေပုဒ်မ ၁၅-က ဖြင့် ထောင်ဒဏ်တစ်နှစ်နှင့်ခြောက်လ ကျခံနေရသူဖြစ်ကြောင်း၊ ထို့အပြင် ၎င်းတို့နှစ်ဦးသည် ဇန်န၀ါရီ ၃ ရက်တွင် လွတ်ငြိမ်းချမ်းသာခွင့်ဖြင့် ပြစ်ဒဏ်မှ လွတ်မြောက်မည်ဖြစ်ကြောင်း သိရသည်။

၎င်းတို့သည် ဇန်န၀ါရီ ၂ ရက်တွင် လှေလှော်အင်းစိုက်ပျိုးမွေးမြူရေးနှင့် အသက်မွေးမှု အတတ်သင်စခန်းမှ ထွက်ပြေးလာပြီး လှည်းကူးမြို့နယ်၊ ငပိတဲကျေးရွာအနီး ကားလမ်းစပ်တွင် သန်းဆွေမှာအိပ်ခဲ့ပြီး ရန်နောင်စိုးမှာ အနီးရှိခြုံထဲတွင် အိပ်နေစဉ် သန်းဆွေ(ခ)သန်းဝင်းမှာ ကားကြိတ်ခံရ၍ သေဆုံးသွားခြင်းဖြစ်ကြောင်း သိရသည်။

ယင်းဖြစ်စဉ်အား လှည်းကူးမြို့မရဲ စခန်းက ယာဉ်(ပ)၁/၁၄၊ ပြစ်မှုပုဒ်မ ၃၀၄ -က/၂၀၂ ဖြင့်အမှုဖွင့်ကာ ထွက်ပြေးသွားသော ယာဉ်မောင်းအား ဖမ်းဆီးရမိရေးစုံစမ်းလျက်ရှိပြီး လှေလှော်အင်းစိုက်ပျိုးမွေးမြူရေးနှင့် အသက်မွေးမှုအတတ်သင်စခန်းမှ ထွက်ပြေးသူ ရန်နောင်စိုးနှင့် သေဆုံးသူ သန်းဆွေ(ခ)သန်းဝင်းအား လှည်းကူးမြို့နယ်၊ ငါးဆူးတောင်ရဲစခန်းတွင် အကျဉ်းဦးစီးဌာနမှ ပြစ်မှုဆိုင်ရာ ပုဒ်မ-၂၂၄ ဖြင့် အမှုဖွင့်စစ်ဆေးလျက်ရှိကြောင်း သိရသည်။

EMG