CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Sunday, January 26, 2014
အမှုမှန် မပေါ်ပေါက်ပါက ဆေးတက္ကသိုလ်ကျောင်းသူများ အားလုံး ယခုကဲ့သို့ ကျောင်းသားကဒ်များကို ဆုတ်ဖြဲ၍ ကျောင်းမတက်ပဲ လမ်းပေါ်ထွက် ဆန္ဒပြမည်
ဆေးကျောင်းတွင် ကျောင်းသူတစ်ဦးအား ဆေးကျောင်းသားတစ်စုမှ အဖွဲ့လိုက် မုဒိမ်းကျင့် သတ်ဖြတ်ခဲ့သော်လည်း တရားစီရင်ရေးပိုင်းဆိုင်ရာ အားနည်းမှုကြောင့် တရားခံများမှာအမှုမှလွတ်မြောက်လျက်ရှိရာ
သေဆုံးသူ ဆေးကျောင်းသူလေး၏ အမနှင့် သူမ၏ သူငယ်ချင်းများမှ အမှုမှန်ပေါ်ပေါက်ရေး ကြိုးပမ်းလျက်ရှိကြောင်း သိရသည်။
ဒုတိယမြောက် မုဒိမ်းကျင့်သူ ဆေးကျောင်းသား ရဲမင်းဦးဆိုသူသည် ဆွေမျိုးများ၏ အကူအညီဖြင့်
ယခုအခါ သြစတေးလျနိုင်ငံသို့ တိမ်းရှောင်ရန် စီစဉ်လျက်ရှိကြောင်း သိရသည်။
ဖြစ်စဉ်အကျဉ်း
============
၂၀၁၃ ဧပြီလ လောက်က ဆေးဖက်ကျောင်းသူလေး တစ်ယောက်ဟာ ဘုရင့်နောင်တံတားပေါ်က ခုန်ချပြီး သတ်သေသွားတယ်လို့ ရဲတပ်ဖွဲ့က ဆိုပါတယ် ။
အဲ့ဒီကျောင်းသူလေးနာမည်က နော်မေသူသူဇော်ဖြစ်ပြီး အသက် ၁၉ နှစ်သာ
ရှိပါသေးတယ် ။ နော်မေသူသူဇော် ရဲ့ ရည်းစားဖြစ်သူက ရဲမင်းဦးလို့ခေါ်တဲ့
ဆေးကျောင်းသားတစ်ယောက်ဖြစ်ပါတယ် ။
ကောင်မလေးသေတဲ့နေ့က သူဟာ သူ့ချစ်သူရဲမင်းဦးနဲ့
လျှောက်လည်ရာကဲပြန်လာပြီး စော်ဘွားကြီးကုန်း
ကနေ မှော်ဘီကို ည ၇ နာရီ ၄၅မိနစ်မှာ ပြန်သွားတယ်
လို့ရဲမင်းဦးက စစ်ချက်ပေးပါတယ် ။
ရဲတပ်ဖွဲ့ကမေသူဇော်ရဲ့ လွယ်အိတ်ကို ဘုရင့်နောင်တံတားပေါ်မှာ တွေ့ရတာည ၈ နာရီလို့ ပြောပါတယ် ။
တွေ့တာကတော့လေညှင်းခံထွက်လာတဲ့ရွာမရပ်ကွက်က မိန်းခလေးသုံးယောက်ပါ ။
ဇော်ဘွားကြီးကုန်းကနေ မှော်ဘီကို သူ့ရည်းစားရှေ့မှာ ပြန်သွားတဲ့ မိန်းခလေးဟာ ဘုရင့်နောင်တံတား ပေါ်မှာ ည ၈ နာရီမှာ ဘယ်လို ကိုယ့်ဟာကိုယ် သတ်သေ နိုင်မလဲ ဆိုတာ စဉ်းစာစရာပါ။
ဇော်ဘွားကြီးကုန်းနဲ့ ဘုရင့်နောင်ဆိုတာ ဆန့်ကျင့်ဘက်ပါ ။ ရဲတပ်ဖွဲ့ကတော့ သေဆုံးသူ မိန်းခလေးဟာ ဇော်ဘွားကြီးကုန်းကလာပြီး ခရေပင်လမ်းခွဲမှာ ဆင်းတက်စီဌားပြီး ဘုရင့်နောင်တံတားကိုလာ ၊ပြီးမှ လွယ်အိတ်ကို တံတားမှ ချပြီး မြစ်ထဲကို ခုန်ဆင်းသတ်သေတယ်လို့ ယူဆပါသတဲ့ ။
စော်ဘွားကြီးကုန်းကနေ ခရေပင်လမ်းခွဲ ကို ဟိုင်းလတ်စီးရင် အနည်းဆုံး
ငါးမိနစ်နဲ့ ဆယ်မိနစ်ကြားပါ ။ ခရေပင်လမ်းခွဲက ဘုရင်နောင် တံတား- ပေါက်တောဝ ကိုတက်စီဌားရင်လည်း အနည်းဆုံး ၁၅ မိနစ်က နာရီဝက်လောက်ကြာနိုင်ပါတယ် အင်းစိန်ပန်းခြံ ကစပြီး ဂုံးတံတား ၊
အင်းစိန်ဈေး ၊ ပေါက်တောဝ မီးပွိုင့် အထိ လမ်းတောက်လျှောက်ပွင်
့နေတာတောင် ငါး မိနစ်က ဆယ်မိနစ်လောက်ထိကြာ
ပါတယ် ။
ကဲ . . . ည ၇ နာရီ ၄၅ မှာ ရည်းစားနဲ့ လမ်းခွဲလာတဲ့ မိန်းခလေးည ၈ နာရီမှာ
ကိုယ့်ကို ကိုယ် ဘုရင့်နောင် တံတားမှာ သတ်သေတယ်ဆိုတဲ့ ရဲတပ်ဖွဲ့ရဲ့
ရှင်းလင်းချက်ကို လက်ခံနိုင်ဖွယ်ရှိပါသလား ။
အဲ့ဒီနောက်မှာတော့ ကောင်မလေးရဲ့အလောင်းပေါ်လာတယ် ။ရဲက နှစ်ရက်
ထားပြီးတော့ ပိုင်ရှင်မဲ့ဆိုပြီး သဂြိုလ်လိုက်တယ်လို့ဆိုတယ် ။ ဆေးရုံက သုံးရက်
ထားမဲ့ဟာကို ရဲက အမိန့်စာထုတ်ပြီးသဂြိုလ်ပါသတဲ့ ။
ပြီးတော့မှ ရဲမင်းဦးအိမ်က အရင်သိပြီး ကောင်မလေး
အိမ်ကိုအကြောင်းကြားတယ်လို့ဆိုတယ် ။
ကောင်မလေးတံတားမှာချန်ခဲ့တဲ့ အိတ်နဲ့ဖိနပ် ။ အိတ်မှာ ကောင်မလေး
ရဲ့ကျောင်းသားကတ်ဒ် ရှိပါတယ်။
ကျောင်းသားကတ်ဒ်ထဲမှာ နေရပ်လိပ်စာလည်း
ပါတယ် ။ဒါပေမယ့် ကောင်မလေးကို ပိုင်ရှင်မဲ့ဆိုပြီးသဂြိုလ်လိုက်တယ် ။
ဆေးစာကိုရေးတာက အင်းစိန်က မူ့ခင်းဆရာဝန်ကြီး
ဒေါက်တာရဲဝင်းဖြစ်တယ် ။
ဆေးစာမှာတော့ ကောင်မလေးမှာ ပြင်ပ ဒဏ်ရာမတွေ့ရပဲ အဆုတ်ထဲရေ၀င်
သေဆုံးတယ်လို့ ဆိုပါတယ် ။ ပြီးတော့ကောင်မလေးဟာ အပျိုစစ်စစ်လို့ဆိုပါတယ်
ကောင်မလေးရဲ့အပျိုမှေးတောင်မပျက်စီးတဲ့သဘောပေါ့ ။
ဒါပေမယ့် ရဲတပ်ဖွဲ့က ပေးတဲ့ ပုံမဟုတ် ပဲ မိသားစုက စုံစမ်းပြီးရထားတဲ့ အလောင်း ဘေးတိုက်ပုံမှာ ကောင်မလေးရဲ့နောက်ကျောမှာသွေးစွန်းနေတယ်လို့ ယူဆနိုင်တဲ့ အနီကွက်ကိုတွေ့ရသလို ၊ ရဲ ကပေးတဲ့ပုံမှာလည်း လက်ဝဲဘက်လက်ကျိုးနေတယ်လို့ ယူဆနိုင်ပါတယ် ။
မူ့ခင်းဆရာဝန်ကြီးက အပျိုစစ်စစ်လို့ ထွက်ချက်ပေးပေမယ့်
သေဆုံးသူရဲ့ဖုန်းထဲမှာ သူ့ရည်းစား ရဲမင်းဦး နဲ့
ပို့ထားတဲ့ မက်ဆေခ်ျ့တွေ မှာတော့ကောင်မလေးဟာ
သူ့ရည်းစားနဲ့လွန်ကျုးထားတယ်လို့ တွေ့ရှိရပြီးကောင်မလေးဟာ တားဆေးစားနေရပါသတဲ့ ။
တားဆေးစားနေရတဲ့မိန်းခလေးဟာ အပျိုစစ်စစ်ဖြစ်ပါ့မလား ။ အမှု့ရှုပ်ထွေးလာပါပြီ ။
ဒါဆို ဘာလို့ ရဲတပ်ဖွဲ့နဲ့ မှု့ခင်းဆရာဝန်ကြီး ၊ တရားသူကြီးတွေ ကဒီလို သံသယ ၀င်စရာတွေကို ပြုမှုခဲ့ကြပါသလဲ ။
ဆေးကျောင်းသား ရဲမင်းဦးရဲ့ ဖခင်ဟာ ဂျီအီး ( အင်ဂျင်နီယာ )တပ်က အရာခံဗိုလ်ကြီးတစ်ဦးဖြစ်ပါတယ် ။
ဂျီအီးတပ်ကဆာဂျင်တွေ ၊ အင်ဂျင်နီယာတွေ ဘယ်လောက်ပိုက်ဆံရတယ် ၊ချမ်းသာတယ် ဆိုတာ နီးစပ်သူတွေ သိကြမှာပါ ။ ဒါကြောင့် များလား။ စဉ်းစားစရာပါ။
ဒါတင်မကပဲ ရဲမင်းဦးနဲ့ သေဆုံးသူကောင်မလေးတို့ဟာ အဲ့နေ့ကရွှေတိဂုံဘုရားနဲ့ ဂျန်းရှင်းစကွဲယားတို့ကိုလည်ပတ်ခဲ့ကြပါသတဲ့ ။ တိတိကျကျဆို ရဲမင်းဦ ၊ သူ့အစ်ကိုတစ်ယောက်နဲ့ ၊ သေဆုံးသူကောင်မလေးပါ ။
ဒါပေမယ့် ရဲမင်းဦးရဲ့ သူငယ်ချင်းတွေဟာ အဲ့နေ့က သေဆုံးသူကောင်မလေး
ဝတ်တဲ့ ဂါဝန် နဲ့ အရောင်ကို ပါ သိကြပါသတဲ့ ။
နောက်ဆုံး သံသယဖြစ်စရာအကောင်းဆုံးကတော့
ကောင်မလေးအလောင်းပေါ်တဲ့ လှိုင်မြစ်ကမ်းနဲ့ နှစ်လမ်းအကွာ မှာ ရှိတာကတော့ လူသတ်သမားလို့ စွပ်စွဲခံရတဲ့
ကောင်မလေးရဲ့ ချစ်သူရဲမင်းဦး ရဲ့ အိမ်ပဲ ဖြစ်ပါတော့တယ် ။
ဒီလို သံသယတွေ ၊ ထောက်ပြစရာတွေ ၊ လျို့ဝှက်ချက်နေတဲ့ ပြည့်လျှမ်းနေတဲ့အမှု့ ကိုလူသေမှု့ဆိုပြီး အမှု့ပိတ်လိုက်တာဟာ ရဲတပ်ဖွဲ့ရဲ့ စွမ်းရည်ကို ဝေဖန်စရာဖြစ်လာ
နေပြီး ၊ ဆိုရှယ်မီဒီယာတွေဖြစ်တဲ့ဖေ့ဘုတ်နဲ့ ၀က်ဘ်ဆိုက်တွေမှာကျယ်ကျယ်
ပြန့်ပြန့် ဝေဖန်လာကြပါတယ် ။
လူအများစုကတော့ မြန်မာ့တရားစီရင်ရေးကို
ကိုင်လှုပ်လာမလားဆိုတာ စောင့်ကြည့်နေကြရင်း ယခုအချိန်မှာ အမှုမှန်
မပေါ်ပေါက်ပါက ဆေးတက္ကသိုလ်ကျောင်းသူများအားလုံးယခုကဲ့သို့
ကျောင်းသားကဒ်များကို ဆုတ်ဖြဲ၍ ကျောင်းမတက်ပဲ လမ်းပေါ်ထွက် ဆန္ဒပြမည်လို. ထွက်ပေါ်လာခဲ့ပါပြီ။
ဒါကြောင့် ဆေးတက္ကသိုလ်ကျောင်းသူများ အားလုံးရဲ.တောင်းဆိုချက်အတိုင်း
အမှန်တရားတစ်ခုပြန်လည်ပေါ်ပေါက်ပါစေလို.ဆုတောင်းတင်ပြ
လိုက်ပါတယ်။
Thit Htoo Lwin blog
Credit To : Myanmar News Media>
အမှုမှန် မပေါ်ပေါက်ပါက ဆေးတက္ကသိုလ်ကျောင်းသူများ အားလုံး ယခုကဲ့သို့ ကျောင်းသားကဒ်များကို ဆုတ်ဖြဲ၍ ကျောင်းမတက်ပဲ လမ်းပေါ်ထွက် ဆန္ဒပြမည်
Reviewed by VC
on
January 26, 2014
Rating: 5
![](http://4.bp.blogspot.com/-Uz-g0REknHE/UuYIJ17OfJI/AAAAAAAAkGg/sdtkGcLX5fA/s72-c/139.jpg)
Subscribe to:
Post Comments (Atom)
No comments:
Post a Comment