14.1.2014
ပထမဆုံးမြန်မာနိုင်ငံ သမ္မတ စဝ်ရွှေသိုက်၏ ဇနီးတော် စဝ်နန်းမြဝင်း သက်တော် ၉၅ နှစ် ပြည့် မွေးနေ့အား တောင်ကြီး ရှိနေအိမ်၌ အာရုဏ် ဆွမ်းကပ်၍ ဧည့်သည်နှင့် ဆွေတော် မျိုးတော်များအား ဧည့်ခံ ကျွေးမွေး ခဲ့ကြောင်း ကြားသိရပါသည်။
“လူငယ်တွေ အခုလိုမျိုး တက်ကြွလှုပ်ရှားတာတွေ့လို့ ဝမ်းသာတယ်။ လိုတာရှိတာ ဝိုင်းဝန်း ကူညီပေးမယ်။ စိတ်ရှည်သီးခံပြီး အလုပ်လုပ်ကြပါ”- ဟု မွေးနေ့ပွဲတွင် ၎င်းအား လာရောက် ကန်တော့သည့် လူငယ်များကို စဝ်နန်းမြဝင်းက ပြောကြားခဲ့သည်ဟု လူငယ်များကပြောသည်။
ဂျန္နဝါရီ ၁၃ ရက် ၂၀၁၄ စဝ်နန်းမြဝင်း၏ သက်တော် ၉၅ နှစ် ပြည့်မွေးနေ့ ၌ နေအိမ်သို့ ပင့်သံဃာ ၁၀ ပါး နှင့်အတူ ဆွေတော်မျိုးတော် ဧည့်သည်တော် များ တက်ရောက်ကြောင်း၊ တောင်ကြီးမြို့ရှိ ကျားဖြူပါတီ လူငယ်များလည်း ပါဝင်ဝင်ကြောင်း ကြားသိရပါသည်။
“အမေက ကျန်းမာရေးကောင်းပါတယ်။ ဘာရောဂါမှ မရှိပါဘူး။ အသက်က ကြီးလာပြီ ဆိုတော့ သက် ကြီး ရောဂါပေါ့။ ဒီနှစ်က မြန်မာနှစ် အင်္ဂလိပ်နှစ် ရက်တွေ အကုန်တိုက်တယ်လေ။ ဒါကြောင့် နည်းနည်း လေး ပိုလုပ်လိုက်တာ အသိမိတ်ဆွေတွေဖိတ်ပြီးတော့” - ဟု သမီးတော် စဝ်ဟေမာသိုက် ကပြောသည်
စဝ်နန်းမြဝင်းသည် ညောင်ရွှေစော်ဘွား စဝ်ရွှေသိုက် နှင့် သားသမီး နှစ်ဦး ထွန်းကားခဲ့သည်။ စဝ်နန်းဆိုင်ခံ (စဝ်ဟေမာသိုက်)နှင့် စဝ်ဆိုင်ဝမ်း တို့ဖြစ်ပါသည်။ ၁၉၆၂ ခုနှစ် မတ်လ ၂ ရက် နေ့ ဗိုလ်ချုပ်ကြီးနေဝင်း တော်လှန်ရေးကောင်စီအစိုးရ အာဏာ သိမ်းစဉ် နိုင်ငံတော် သမ္မတ ဟောင်း သျှမ်းပြည်တောင်ပိုင်း ညောင်ရွှေစော်ဘွား စဝ်ရွှေသိုက် လည်း သျှမ်းစော်ဘွားများ နှင့်အတူ အဖမ်းခံရပါသည်။ အင်းစိန်ထောင်၌ ၁၉၆၂ နိုဝင်ဘာလ ၂၁ ရက်နေ့တွင် နတ်ရွာ စံခဲ့သည်။ ၄င်း၏မဟာဒေဝီ စဝ်နန်းဟိန်းခမ်းကမူ တောခိုကာသျှမ်း ပြည်တပ်မတော် SSA ( ယခု သျှမ်းပြည်တပ်မတော် SSPP/SSA ) တည်ထောင်ကာ စစ်အစိုးရ ကို တော်လှန်ခဲ့သည်။
သျှမ်းသံတော်ဆင့်
![](http://3.bp.blogspot.com/-qzsLFy6j4LA/UtSpmnbU6kI/AAAAAAAAIak/qrntTQoLz_8/s1600/5.jpg)
No comments:
Post a Comment