ပါတီရုံးဖွင့်ရာတွင် မတော်တဆဖြစ်စဉ်ကြောင့် လက်နှစ်ဖက်ဆုံးရှုံးသွားသော ပါတီဝင်တစ်ဦးအား ဒေါ်အောင်ဆန်းစုကြည်၏ အကူအညီတောင်းခံမှုကြောင့် ဂျာမနီအစိုးရက လက်နှက်ဖက် အစားထိုးပြန်လည်တပ်ဆင်ပေးခဲ့ကြောင်း သတင်းရရှိသည်။
ပြီးခဲ့သည့်နှစ် စက်တင်ဘာလအတွင်း အင်းစိန်မြို့နယ်ရှိ အမျိုးသားဒီမိုကရေစီအဖွဲ့ချုပ် ရပ်ကျေးရုံးဖွင့်လှစ်ရန်အတွက် ပါတီအလံ တက်ရောက်တပ်ဆင်ရာတွင် အနီးရှိ ဗို့အား ၃၃၀၀ ခန့်ရှိ လျှပ်စစ်ဝိုင်ယာကြိုးဖြင့် ငြိမိကာ အင်းစိန်မြို့နယ် ကမ်းနားလယ်ရပ်ကွက် ရပ်ကျေးအသင်း အလုပ်အမှုဆောင် ဒုဥက္ကဋ္ဌ ဦးဇင်မင်းဦးသည် လက်နှစ်ဖက်စလုံး တံတောင်ဆစ်နေရာမှ ပြတ်တောက်ဆုံးရှုံးခဲ့ရခြင်းဖြစ်သည်။
““အန်တီကနေ ဂျာမနီအစိုးရကို ကျွန်တော်ဆေးရုံတက်နေစဉ်မှာ ပြတ်သွားတဲ့လက်နှစ်ဖက်ကို အစားထိုးကုသဖို့ အကူအညီတောင်းတယ်။ ဂျာမနီအစိုးရအကူအညီနဲ့ ကျွန်တော်လက်နှစ်ဖက်ပြန်ရတယ်။ ဘယ်လောက်ကုန်လဲမသိပါဘူး””ဟု ဦးဇင်မင်းဦးက ပြောသည်။
ပြတ်သွားသော လက်နှစ်ဖက်စလုံးကို အစားထိုးတပ်ဆင်ရန်အတွက် ပြီးခဲ့သည့် အောက်တိုဘာ ၁၃ ရက်တွင် ရန်ကုန်မှ ဂျာမနီနိုင်ငံသို့ထွက်ခွာခဲ့ပြီး ဂျာမနီနိုင်ငံတွင် ဆေးကုသခံယူကာ နိုဝင်ဘာ၁၀ ရက်တွင် ရန်ကုန်သို့ ပြန်လည်ရောက်ရှိလာခြင်းဖြစ်သည်။ လက်ရှိအချိန်တွင် ဦးဇင်မင်းဦး၏ အစားထိုးလက်နှစ်ဖက်သည် သာမန်ပကတိလက်ကဲ့သို့ပင် လှုပ်ရှားအသုံးပြုနိုင်သည်ကို တွေ့ရသည်။
7DAY DAILY
No comments:
Post a Comment