၂၀၁၂ ခုနှစ် အမျိုးသားစာပေ တစ်သက်တာဆုရှင် ဦးအောင်သင်းနှင့် တွေ့ဆုံခြင်း

Written by  ဝေမာသိမ့်

“သရက်ထောင်ဖောက်ခဲ့စဉ်က” ဆောင်းပါးဖြင့် စာပေလောကသို့ စတင်အခြေချခဲ့သူ သုတရသစာပေ၊ လူငယ်စာပေတို့ကို အစဉ်တစိုက် ရေးသားခဲ့ပြီး စာပေဟောပြောပွဲများတွင် လူငယ်ထုကို အဓိကထား လမ်းညွှန်ဟောပြောပေးသူ၊ အသက်(၈၇)နှစ်အရွယ်ရှိ စာရေးဆရာကြီးဦးအောင်သင်း (အောင်သင်း) သည် နိုဝင်ဘာလ(၁၇)ရက်တွင် ၂၀၁၂ခုနှစ် အမျိုးသားစာပေ တစ်သက်တာဆုရှင်အဖြစ် ရွေးချယ်ခြင်း ခံခဲ့ရသည်။ ဆရာကြီးဦးအောင်သင်းနှင့် အမျိုးသားစာပေ တစ်သက်တာဆု ချီးမြှင့်ခံရသည့်အပေါ် ဆရာ ကြီး၏သဘောထား၊ အစိုးရ၏ပြုပြင်ပြောင်းလဲရေး ဆရာကြီး၏သဘောထား၊ မျက်မှောက် နိုင်ငံရေးနှင့် တပ်မတော်အခန်းကဏ္ဍ စသည့် အကြောင်းအရာများထဲမှ ဆရာကြီးနှင့် တွေ့ဆုံ မေးမြန်းခဲ့သည်များကို ကောက်နုတ် ဖော်ပြအပ်ပါသည်။

ဒီအစိုးရလက်ထက်မှာမှ ဆရာကြီးအနေနဲ့ အမျိုးသားစာပေ တစ်သက်တာဆုရှင်အဖြစ် ချီးမြှင့်ခံရတဲ့အပေါ် ဆရာကြီး ဘာများ ပြောချင်ပါသလဲ။
ဆရာရေးတဲ့စာပေထဲမှာ စာပေသဘောတရား၊ ကဗျာသဘောတရား၊ ၀တ္ထုသဘောတရား၊ စာပေဝေဖန်ရေး၊ ကဗျာဝေဖန်ရေး၊ ၀တ္ထုဝေဖန်ရေးတွေ အများကြီး ရေးခဲ့ပါတယ်။ နောက်ကျတော့ လူငယ်တွေရဲ့ အခြေအနေတွေ ကြည့်ပြီးတော့ သူတို့ရဲ့ ဘ၀လမ်းကြောင်း၊ ပညာရေးလမ်းကြောင်းကို တည့်မတ်စေချင် တဲ့စိတ်နဲ့ မျိုးဆက်သစ်တို့ တိုးတက်မြင့်တက်ဖို့ဆိုတဲ့ စာကစပြီး လူငယ်တွေအတွက် စရေးခဲ့တယ်။ လူ ငယ်မျိုးဆက်သစ်တွေအတွက် အကြံဉာဏ်ပေးတိုက်တွန်းတဲ့စာတွေပါပဲ။ တော်တော်အောင်မြင်ခဲ့တယ်။ ဆရာအနေနဲ့ ဆရာစာနဲ့ပတ်သက်ပြီး ကျေးဇူးတုံ့ပြန်မှုတွေကို မကြာခဏရတဲ့အတွက် အလွန်ပီတိဖြစ်ပါ တယ်။ ကိုယ့်စာဖတ်ပရိသတ်က ကိုယ်စာနဲ့ပတ်သက်ပြီး ချီးကျူးတာလောက်၊ ကန်တော့တာလောက် အရသာရှိတာ ဘယ်မှာရှိမလဲ။
ဆရာကြီးရှင့် တစ်သက်တာစာပေဆုနဲ့ စာဖတ်ပရိသတ်က ဆရာကြီးရဲ့စာပေတွေဖတ်ပြီး ဘ၀အတွက် အကျိုးကျေးဇူးတွေဖြစ်သွားကြတာနဲ့ ဘယ်ဟာကို ပိုပြီး ပီတိဖြစ်ပါသလဲ။
စာဖတ်ပရိတ်သက်ကတော့ ဘ၀ကို ပြောင်းပြစ်ခဲ့နိုင်တယ်။ ဒီနေ့ပေးတဲ့ဆုက ဆရာကြီးကို လူငယ်တွေ ရဲ့ဘ၀တွေကို လမ်းပြပေးနိုင်ခဲ့လို့၊ တိုးတက် ပြောင်းလဲလာအောင် လုပ်ပေးနိုင်ခဲ့လို့ တိုင်းပြည်ကိုယ်စား ပညာရှင်တွေကပေးတဲ့ ဆုလို့ ယုံကြည်ပါတယ်။
အရင်တုန်းကတော့ ဆရာကြီးတို့လို စာပေပညာရှင်ကြီးတွေကို အမျိုးသားစာပေဆု၊ တစ်သက်တာ စာပေဆုတွေ ချီးမြှင့်လေ့မရှိတာ တွေ့ရပါတယ်။ အခုလို အမျိုးသားစာပေ တစ်သက်တာဆု ရခဲ့တဲ့အပေါ် ဘာများ မှတ်ချက်ပြုလိုပါသလဲ။
အရင်အစိုးရတုန်းက ငါက လူငယ်တွေကို ပြောတော့ တရားလမ်းကျကျပြောတော့ မကြိုက်ကြဘူး။ ငါ့ ဟောပြောခွင့်တွေ ပိတ်တာတွေ တော်တော်များတယ်။ မှတ်မှတ်ရရဆိုရင် ငါ့ဟောပြောနေတုန်း ဟင်္သာတမှာ မီးပိတ်ပစ်တာတွေ လုပ်တာတွေရှိတယ်။ ရုံထဲမှာတော့ မီးနည်းနည်း လင်းနေတယ်။ အပြင်ဈေး ဆိုင်တန်းတွေမှာ မီးလင်းနေတယ်။ အဲ့ဒီမှာ အခမ်းနားမှူးကောင်လေးက ကုန်းကုန်းတက်လာပြီး ဆရာကြီး လျှော့ပြောပါလို့ ပြောတယ်။ ငါလည်း အေးအေး လျှော့မယ်ကွာလို့ ပြောလိုက်တော့မှာ မီးပြန်လင်းလာတယ်။ ဒါမျိုး မကြာခဏ ကြုံခဲ့ရတယ်။ လူငယ်တွေရဲ့ကောင်းရာကောင်းကျိုးကို ပြောလိုက်ရင် သူတို့နဲ့ သွားသွားငြိနေတယ်။
ဆရာကြီးကို အခုလို အမျိုးသားတစ်သက်တာ စာပေဆုထဲမှာ ထည့်သွင်းစဉ်းစားလာတဲ့အပေါ် ဆရာကြီး ဘာများ ပြောလိုပါသလဲ။
အမှန်အတိုင်းပြောရရင် အမှောင်ထဲကနေ အလင်းရောက်သလိုပဲ။ ငါ သိပ်ကျေးဇူးတင်တယ်။ တကယ် ကျေးဇူးတင်တယ်။ သူတို့ဟာ အင်မတန် ခက်ခဲတဲ့ လုပ်ငန်းကြီးကို လုပ်နေရတယ်။ သူတို့ တော်တော် ပင်ပန်းတယ်။ စိတ်ဆင်းရဲတယ်။
ဆရာကြီးအနေနဲ့ အခြားရသစာရေးဆရာတွေထက်စာရင် လူငယ်စာပေတွေ အရေးများခဲ့တယ် အခုလို ဆုရတဲ့အပေါ်မှာ ဝေဖန်တာတွေ ရှိပါတယ်။ ဆရာကြီး အဲ့ဒီဝေဖန်မှုအပေါ်မှာ ဘာများ ပြောချင်ပါသလဲ။
တစ်သက်တာစာပေဆိုတာ ဘာစာပေ၊ ညာစာပေဆိုပြီး ခွဲထားတာမရှိဘူး။ ရသစာပေနဲ့ ပြောမယ်ဆိုရင် ဆရာကြီး ရသစာပေနဲ့ပတ်သက်ပြီး အများကြီးလုပ်ခဲ့တယ်။ Creative စာပေဆိုရင် ရွှေယုံနဲ့ရွှေကျား၊ ချို တကူးနဲ့ဂုဏ်ရည်မတူ ဒါတွေကို ပြဋ္ဌာန်းခဲ့ဖူးတာပဲ။ ရသစာပေထဲတောင် အဆင့်မြင့်စာပေထဲမှာ ပါတယ်။ နောက် အက်ဆေးတွေ၊ ရသလုံးချင်းတွေ၊ နောက် ၀တ္ထုဆိုတာ ဘာလဲ သိအောင်လို့ ရေးခဲ့တာ။
အခုဆိုရင် လက်ရှိအစိုးရ စာပေပညာရှင်တွေမှာ ချီးမြှောက်သင့်တဲ့သူတွေကို မှန်မှန်ကန်ကန် ချီးမြှောက်လာတယ်။ အစိုးရက ပြုပြင်ပြောင်းလဲရေးကို အမှန်တကယ် သွားနေပြီလို့ ဆရာကြီးအနေနဲ့ ယုံကြည်လား။
နှစ်ပိုင်း ဆရာကြီးကို ချီးမြှောက်တာ ၀မ်းသာသလားဆိုရင် ငါ့ကို သူတို့ မချီးမြှောက်လည်း ငါ့ဖာသာ အောင်မြင်နေတာပဲ။ ဒီအစိုးရက ချီးမြှောက်ရကောင်းမှန်းသိလာလို့ ၀မ်းသာတယ်။ သူ(အခု အစိုးရ) စစ်အာဏာရှင် အမွေခံပဲ။ ဒါပေမဲ့ သူတို့ပြောလာတာ စစ်အာဏာရှင်လမ်းကြောင်း မဟုတ်ဘဲ ဒီမိုကရေစီ လမ်းကြောင်းကို သွားမယ်လို့ ပြောလာတယ်။ ငါလည်း မသင်္ကာလို့ စောင့်ကြည့်နေတယ်။ သူတို့ ပြန် ဆုတ်လို့မရတော့ဘူး။ ဘာလို့လဲဆိုတော့ ကမ္ဘာက အသိအမှတ်ပြုပြီ။ ကမ္ဘာက လာနေပြီ။ ရင်းနှီးမြှုပ်နှံမှုတွေ လာနေပြီ။ သူတို့ ရှောင်လို့ မရတော့ဘူး။ အခုတော့မှ ဆောရီးဆိုရင် ခွေးဖြစ်မှာပေါ့။ လွန်ပြီးနေပြီ ကမ္ဘာအနှံ့ကို ကြေညာပြီးပြီ။ အခု ဒီမိုကရေစီကိုသွားဖို့တော့ ခက်ခက်ခဲခဲနဲ့ သွားရဦးမယ်။ ပြန်ဆုတ်လို့ မရတော့ဘူး။ တိုင်းပြည်အတွက် မျှော်လင့်ချက်ကြီးစွာ ဖြစ်တယ်လို့ ငါက ပြောချင်တယ်။ ကမ္ဘာကလည်း မျှော်လင့်ချက်ကြီးစွာ ထားနေတယ်။ ခေတ်ပြောင်းခေတ်ကူးမှာ ဒီလို ဖြစ်တတ်လို့ တို့တွေအားလုံး သည်းခံပြီး စောင့်ရမယ်။
ဆရာကြီးဟာ စစ်တက္ကသိုလ်မှာလည်း စာသင်ခဲ့ပြီး ဆရာကြီးတပည့်တွေလည်း များစွာ ရှိခဲ့တော့ စစ်တပ်ရဲ့နိုင်ငံရေးအခန်းကဏ္ဍာမှာ ပါဝင်ပတ်သက်မှုနဲ့ပတ်သက်ပြီး ဆရာကြီးအနေနဲ့ ဘယ်လိုများ သုံးသပ်လိုပါသလဲ။
စစ်တပ်က နိုင်ငံရေးမှာ ၀င်ရောက်ခွင့်မရှိဘူး။ အစိုးရက ဒီမိုကရေစီနဲ့ တင်မြှောက်ထားလို့ အစိုးရ ဖြစ်တယ်။ စစ်တပ်က နိုင်ငံရေးထဲမှာ ပါဝင်ခွင့်မရှိဘူး။ တပ်မတော်ရဲ့အခန်းကဏ္ဍဟာ ပြည်ပရန် ကာကွယ်ရေး။ ဒါဟာ တပ်မတော်ရဲ့ပဓာနအချက်ကြီးပဲ။ ပြည်တွင်းစစ် သောင်းကျန်းရင်တောင် သောင်းကျန်းသူတွေ များလွန်းလွန်းလို့ဆိုရင် တပ်မတော်ကို ထုတ်သုံးတယ်ဆိုရင်လည်း မသုံးကောင်းဘူး။ တပ်မတော်ကို ပြည်တွင်းကိစ္စမှာ မသုံးရဘူး။ သူတို့က စိတ်မချသေးဘူး။ သူတို့ကို သူတို့ (လက်ရှိ အစိုးရ) စိတ်မချသေးလို့ တပ်မတော်သား ကိုယ်စားလှယ်တွေ လွှတ်တော်ထဲထိ ပါနေတာ။ အခုပြီးလို့ ၂၀၁၅ ခုနှစ် ရွေး ကောက်ပွဲပြီးရင် သူတို့ဘာမှမဆိုင်တော့ဘူး။ နောက်၂၀၁၅ အပြီးမှာ တပ်မတော်က ဖြုတ်ကိုပေးရမယ်။ ဒီလိုမဟုတ်ရင် ဒီမိုကရက်တစ်ရီပါ့ဘလစ် မဖြစ်နိုင်ဘူး။
သမ္မတဦးသိန်းစိန်အစိုးရ သွားနေတဲ့ ပြုပြင်ပြောင်းလဲရေးကို ဆရာကြီး လက်ခံပါသလား။
လက်ခံတယ်။ အခုချိန်ထိ လက်ခံတယ်။ ငါ့ကို အခုအချိန်မှာ သမ္မတလုပ်စမ်းပါဆိုရင် ယူကို မယူဘူး။ သူ တို့ကြည့်ပြီး ဘေးကနေစိတ်ဆင်းရဲနေလို့။ ငါ့မှာရှိတာတွေသိမ်းရင်သိမ်း ငါကတော့ မလုပ်နိုင်ဘူး။သမ္မတ မလုပ်ရရေးအတွက် လာဘ်တောင်ထိုးလိုက်ဦးမယ်။
ခုလိုဖြေကြားပေးတဲ့ ဆရာကြီးကို ကျေးဇူးတင်ပါတယ်ရှင့်။