.jpg)
ရန်ကုန်မြောက်ပိုင်း ခရိုင် လှိုင်သာယာ မြို့နယ် အမှတ်(၆၉၃/ ၆၉၄) သုဓမ္မာလမ်း အမှတ်(၅) ရပ်ကွက်ရှိ Music ကာရာအိုကေ ဆိုင်တွင် ယနေ့နံနက်ပိုင်းက နှစ်လောင်းပြိုင် လူသတ်မှုတစ်ခု ဖြစ်ပွား ခဲ့ကြောင်း သိရသည်။
ယနေ့နံနက် ၇ နာရီခန့်က လှိုင်သာယာမြို့ နယ် ရဲတပ်ဖွဲ့စခန်းရှိ တာဝန်မှူး ဒုတိယ ရဲအုပ် ကျော်ခိုင်သက်ထံသို့ (၅) ရပ်ကွက် လှိုင်သာယာမြို့နယ် နေသူ ဦးတင်သိန်းမှ တယ်လီဖုန်းဖြင့် ဆက်သွယ်၍ အမှတ်(၅)ရပ်ကွက်ရှိ Music ကာရာ အိုကေဆိုင်တွင် သားဖြစ်သူ မောင်ဇော်နှင့် ၎င်း၏ သူငယ်ချင်းဖြစ်သူ ကိုသူတို့ နှစ်ဦးမှာ အသတ်ခံ ထားရကြောင်း သတင်းပေး တိုင်တန်းခဲ့သည်။
သတင်းပေးတိုင်တန်းချက်အရ အခင်း ဖြစ်ပွားရာ နေရာသို့ သွားရောက်စစ်ဆေးရာ ကာရာအိုကေဆိုင် ပထမထပ်ရှိ အခန်း ဠ(၂) တွင် မောင်ဇော် (၃၅) နှစ် (ဘ)ဦးတင်သိန်းအား မျက်နှာ ဝဲ/ယာ၊ ယာရင်အုံ၊ ဝမ်းဗိုက် ဝဲ/ယာ၊ ပေါင်ဝဲ/ ယာ၊ ဒူးခေါင်းဝဲ/ ယာနှင့် ခန္ဓာကိုယ် အနှံ့အပြားတွင် စုတ်ြပ၊ဲ ထိုးသွင်း ဒဏ်ရာများဖြင့် လည်းကောင်း၊ အခန်းအမှတ် ဠ(၉) တွင် ကိုသူ (၂ဝ) နှစ် (ဘ)ဦးညွန့်ဝင်းအား မျက်နှာနှင့်ဦးခေါင်း နောက်တွင် စုတ်ပြဲ၊ ထိုးသွင်း ဒဏ်ရာများဖြင့် လည်းကောင်း အသီးသီးဒဏ်ရာများ ရရှိလျက် သေဆုံးနေကြောင်း စစ်ဆေး တွေ့ရှိရသည်။
အဆိုပါ အမှုနှင့် ပတ်သက်၍ လှိုင်သာယာမြို့နယ် ရဲတပ်ဖွဲ့စခန်းမှ ပြစ်မှု အမှတ် ပ/ ၁၁၃၁ /၂ဝ၁၃ ပုဒ်မ ၃ဝ၂အရ အမှု ဖွင့်လှစ်၍ ပြစ်မှု ကျူးလွန်သူ များအား ဖမ်းဆီးရမိရေး အတွက် စုံစမ်း စစ်ဆေး ဖော်ထုတ်လျက် ရှိကြောင်း သတင်း ရရှိသည်။
http://myawady.com.mm/
.jpg)
No comments:
Post a Comment