Cut The Mustard – Nwe Nwe

Cut ဟူသော စကားလုံးသည် တိုတောင်းသော်လည်း စိတ်ဝင်စားဖွယ် အဓိပ္ပာယ်ကြွယ် လှသော ဝေါဟာရ ဖြစ်သည်။ အခြားစကားလုံးများနှင့် တွဲ၍လည်း အမျိုးမျိုးသုံးနိုင်သည်။ 'Cut the mustard' သည် ထိုကဲ့သို့ သော စကားစုဖြစ်သည်။ တိုက်ရိုက်အဓိပ္ပာယ်မှာ “မုံညင်းပင်ကို ဖြတ်သည်၊ ရိတ်သည်” ဟူ၍ဖြစ်သော် လည်း အမေရိကန်အင်္ဂလိပ်စကားတွင်မူ ထိုအဓိပ္ပာယ်နှင့် လုံးဝမတူသော “လုပ်ကိုင်ဆောင်ရွက်နေသော လုပ်ငန်းအောင်မြင်သည် (သို့) တစ်စုံတစ်ခုကို မျှော်လင့်သည့် အတိုင်းဆောင်ရွက်နိုင်သည်” ဟု ဆိုလို သည်။

"Mustard" မုံညင်းပင်၊ မုံညင်းစေ့သည် ရှေးယခင်မှစ၍ အဆင့်ဆင့်ပြောင်းလဲ လာသော ဝေါဟာ ရ ဖြစ်သည်။ ရှေးခေတ်ရောမလူမျိုးများက "mustus" ဟု ရေး၍ "လတ်ဆတ်သစ်လွင်သော” ဟူ၍လည်း ကောင်း၊ ရှေးပြင်သစ်ဘာသာစကားတွင် "moust" ဟု ရေး၍ “လတ်လတ်ဆတ် ဆတ်ဖောက်ပြီးစ စပျစ်ဝိုင်” ကို ခေါ်သည်။ ထိုမှ တဖြည်းဖြည်း "mustard" သို့ ပြောင်းလဲသွားခဲ့သည်။

ရှေးခေတ်က ပြင်သစ်စားဖိုမှူးများသည် အနံ့အလွန်မွှေးကြိုင်သော အစေ့တစ်မျိုးကိုတွေ့ရှိခဲ့ပြီး ၎င်းကိုကျိတ်၍ ဝိုင်နှင့်ရောလိုက်သောအခါ “စေးပျစ်သောဟင်းခတ်အမွှေးအကြိုင်” တစ်မျိုးကိုရသည်။ ၎င်း ကို 'moustarde' ဟုခေါ်ပြီး အသားဟင်းများတွင် ယခုခေတ် မဆလာကဲ့သို့ ဟင်းရနံ့မွှေးရန် သုံးခဲ့ကြ သည်။ "moustarde" သည် နှစ်ပေါင်း ၁၀၀ ခန့်ကြာသောအခါ "mustard" ဟူ၍ပြောင်း လဲသွားခဲ့ပြီး အဓိပ္ပာယ်မှာလည်း စစ်မှန်သော၊ အစစ်ဖြစ်သောဟူ၍ ဖြစ်လာသည်။ ထိုခေတ် က ဟင်းခေတ်အမွှေး အစစ် မှာ ရှားပါးပြီး အရောအနှောများသော ပေါသောကြောင့် အစစ် အမှန် mustard ဖြစ်သည်ကို "It's a real mustard" ဟု သုံးနှုန်းရာမှ အကြောင်းအရာအဖြစ်အပျက်တစ်ခု အမှန်တကယ်ဖြစ်သည်ကို "I think it's a proper mustard." ဟု ရေးသားလာခဲ့သည်။ ထိုမှတဆင့် "cut the mustard" ဟူ၍ ပြောင်းလဲခဲ့သည်။

"Cut the mustard" ၁၉၀၇ ခုနှစ်က အမေရိကတွင် အလွန်ခေတ်စား၍ လူသုံးများလှသည်။ ဝတ္ထု တိုရေးဆရာကြီး O.Henry ကပင် ၁၉၀၇ ခုနှစ်ထုတ် ဝတ္ထုတိုတစ်ပုဒ်၌ I looked round and found a proposition that exactly cut the mustard ဟူ၍ တိကျပြတ်သားမှန်ကန်သော အဆိုပြုချက်တစ်ခုတွေ့ ရသည်ကို "Cut the mustard" ဖြင့် ဖော်ပြခဲ့သည်။ ယခုခေတ်တွင် တစ်ဦးတစ်ယောက်၏ လုပ်ငန်းဆောင် ရွက်မှုကို ဝေဖတ်ပြောဆိုရာတွင် ဤစကားစုကို မကြာခဏသုံးသည်။ လုပ်ငန်းတာဝန်အောင်မြင်၍ ချီးမြှင့်ခံ ရသည်ကို He was rewarded as he could cut the mustard ဟူ၍လည်းကောင်း၊ အလုပ်မအောင်မြင်၍ အလုပ်မှ ထုတ်ပယ်ခြင်းခံရသည်ကို He is dismissed from the job as he can't cut the mustard ဟူ၍ ရေးသားနိုင်သည်။

အခြားအသုံးများသော cut စကားစုမှာ cut and dried ဖြစ်သည်။ တင်ကြိုပြင်ဆင်ထားသည်ဟု အဓိပ္ပာယ်ရှိပြီး ၁၆ ရာစုခန့်က စတင်ပေါ်ပေါက်လာခဲ့သည်။ ထိုခေတ်က ဆေးဆရာ၊ ဆရာဝန်တို့က လူနာ များကို ဆေးပင်ဆေးရွက်များပေး၍ ကုသခြင်းမှ ဆက်နွယ်ပေါ်ပေါက် လာသော ဝေါဟာရဖြစ် သည်။ ဆေးပင်ဆေးရွက်များကို အပင်အတိုင်း အရွက်အတိုင်းပေး၍ စားစေခြင်းထက် ဆရာက လတ်လတ်ဆတ် ဆတ် ဆရာက လတ်လတ်ဆတ်ဆတ် ဖြတ်တောက် အခြောက်လှန်း၍ ချေမွပြီးပေးပါ က စားသောက်ရာ တွင် ပိုမိုအဆင်ပြေ ကောင်းမွန်လွယ်ကူသောကြောင့် cut and dried ပြုသည်မှစ၍ ဤစကားစုကို သုံးစွဲခဲ့ ကြသည်။ ယခု cut and dried ၏ အဓိပ္ပာယ်မှာ တင်ကြိုပြင်ဆင်ညှိနှိုင်းထားသည်ဟူ၍ ဖြစ်သည်။ အရေး ကြီးသော စီးပွားရေးလုပ်ငန်းများ၊ နိုင်ငံတကာဆက်ဆံရေးများ စသည်တို့နှင့် သက်ဆိုင်သော ဆေွးနွေးပွဲ ကြီးများတွင် အဖွဲ့ဝင်ကိုယ်စားလှယ်အားလုံး စုံညီစွာမကျင်းပမီက ကြိုတင်၍ လုပ်ငန်းအစီအစဉ်များကို ညှိ နှိုင်းဆွေးနွေးထားခြင်းကို cut and dried ဟု သုံး၍ In business or international relations, an agreement that is cut and dried 'is sure to be a success' ဟူ၍ အဖွဲ့ဝင်ကိုယ်စားလှယ်များ စုံညီ စည်းဝေးပွဲများ၌ ကြိုတင်ညှိနှိုင်းထားသောအချက်များကို အခက်အခဲမရှိ တညီတညွတ်တည်း အောင်မြင်စွာ ချမှတ်နိုင်သည်ကို ရေးသားဖော်ပြသည်။

Cut နှင့်တွဲသော အခြားဝေါဟာရတစ်ခုမှာ "cut and run" ဖြစ်၍ နှစ်ရာပေါင်းများစွာက လှေ သင်္ဘောများ သွားလာခြင်းနှင့် ဆက်နွယ်သုံးစွဲခဲ့သော စကားစုဖြစ်ကြောင်း တွေ့ရသည်။ သင်္ဘောတစ်စင်း အကြောင်းတစ်ခုခုကြောင့် ဆိပ်ကမ်း (သို့) ဆိပ်ခံ၌ ချည်ထားသောကြိုး ကိုဖြတ် ၍ ကျောက် ဆူးကိုပင် မတင် နိုင်ဘဲ အရေးတကြီး ခုတ်မောင်းပြေးခြင်းကို cut and run ဟု သုံးသည်။ ယခုအချိန်အထိ သင်္ဘောများ ဆိပ်ကမ်းမှ အမြန်ထွက်ခွာသွားလျှင် cut and run ဟု ဖော်ပြသည်။ ထို့အပြင် တစ်စုံတစ်ခုကို ရှောင်တိမ်း၍ အလျင်အမြန်ထွက်သွားခြင်းကိုလည်း cut and run သုံးသည်။

"When he saw the police he cut and ran from the scence."

သူသည် ရဲကိုမြင်သောအခါ သုတ်သီးသုတ်ပျာ ထွက်ပြေးသည်။

( 1992 ထုတ် American Mosaic မှ Words and Their Stories, Cut the Mustard ကို မှီငြမ်းပြု ဘာသာပြန်ပါသည်။)

နွယ်နွယ်