၁။ သိုင်းရွိုက် ပြဿနာများ
သိုင်းရွိုက်ဆိုတာ သင့်လည်ပင်းရဲ့ အခြေလေးမှာ ရှိနေတဲ့ လိပ်ပြာပုံသဏ္ဌာန် ဂလင်းတစ်ခုပါ။ သိုင်းရွိုက်ဂလင်းက ခန္ဓာကိုယ်ရဲ့ လုပ်ဆောင်မှု အတော်များများကို ပုံမှန်ဖြစ်အောင် ထိန်းညှိပေးတဲ့ ဟော်မုန်းတွေကို ထုတ်ပေးပါတယ်။ အဲဒီဂလင်းက ပုံမှန် မဟုတ်ဘဲ သိုင်းရွိုက်ဟော်မုန်း ထုတ်လုပ်မှု နည်းတာ၊ များတာတွေ ဖြစ်တဲ့အခါ ဆံပင်ပေါက်တဲ့ ဖြစ်စဉ်ကလည်း လွဲချော် သွားတတ်ပါတယ်။ ဒါပေမဲ့ သိုင်းရွိုက်ရောဂါကြောင့် ဆံပင်ကျွတ်တာကို တခြား ရောဂါလက္ခဏာတွေ ဖြစ်တဲ့ ကိုယ်အလေးချိန် တက်တာ၊ ကျတာ၊ အပူ၊ အအေးဒဏ် မခံနိုင်တာနဲ့ နှလုံးခုန်နှုန်း ပြောင်းလဲတာတွေလောက် မတွေ့ရတတ်ပါဘူး။
၂။ ခန္ဓာကိုယ် ခုခံအားစနစ်က တိုက်ခိုက်ခြင်း
ခန္ဓာကိုယ်ရဲ့ ခုခံအားစနစ်က ဆံချည်မျှင် အိတ်တွေကို မှားယွင်း တိုက်ခိုက်တာကြောင့် ဆံပင်ကျွတ်ရတာပါ။ တွေ့ရခဲတဲ့ ရောဂါ တစ်ခုပါ။ ဒါပေမဲ့ ကျွတ်သွားတဲ့ ဆံပင်နေရာမှာ နောက်ခြောက်လကနေ တစ်နှစ်အတွင်း ဆံပင်အသစ်တွေ ထပ်ထွက်လာပါတယ်။
၃။ ပွေးပေါက်ခြင်း
ဦးရေပြားမှာ ပွေးပေါက်တဲ့အခါ မှိုပိုးကြောင့် ဦးရေပြား ယားယံတာ၊ ဆံပင်ကျွတ်တာတွေ ဖြစ်စေပါတယ်။ မှိုပိုးသတ်ဆေးနဲ့ ကုသရပါမယ်။ မှိုပိုးက တိုက်ရိုက် ထိမိတဲ့ နေရာတွေကို အလွယ်တကူ ကူးစက်နိုင်ပါတယ်။
၎။ ကလေးမွေးဖွားခြင်း
တချို့ မိန်းကလေးတွေက ကိုယ်ဝန်ဆောင်ချိန်မှာ ဆံပင်တွေ များလာတတ်တာကို သတိပြုမိတတ်ကြပါတယ်။ ကိုယ်ဝန်ဆောင်ချိန်မှာ ဟော်မုန်းတွေ များလာတာကြောင့် ဆံပင်တွေ မကျွတ်ဘဲ ခဏတာ ရပ်တန့်နေတာပါ။ ဒါဟာ ပုံမှန်ပါပဲ။ ကလေးမွေးပြီးချိန်မှာတော့ ဟော်မုန်း ပမာဏက ပုံမှန် အခြေအနေကို ပြန်ရောက်သွားတာကြောင့် ရပ်တန့်နေတဲ့ ဆံပင်တွေက အလျင်အမြန် ကျွတ်ကျလာပါတယ်။ တစ်ချိန်တည်းမှာ ဆံပင်တွေ အများကြီး ကျွတ်သွားတာကြောင့် အံ့အားသင့်နိုင်ပါတယ်။ နောင်နှစ်နှစ် ကြာတဲ့အခါ ဆံပင်တွေ နဂိုအတိုင်း ပြန်ဖြစ်သွားနိုင်ပါတယ်။
၅။ ဆေးဝါးများ သောက်သုံးရခြင်း
ပဋိသန္ဓေတားဆေးတွေက ဆံပင် ကျွတ်စေပါတယ်။ သားဥကြွေတဲ့ ဖြစ်စဉ်ကို ဖိနှိပ်ထားတဲ့ ဟော်မုန်းတွေက တချို့ မိန်းကလေးတွေမှာ ဆံပင် ကျွတ်စေပါတယ်။ မိဘမျိုးရိုးမှာ ဆံပင်ကျွတ်ဖူးတဲ့ ရာဇဝင်ရှိရင် သင်လည်း ဆံပင်ကျွတ်တတ်ပါတယ်။ တချို့ မိန်းကလေးတွေကတော့ ပဋိသန္ဓေတားဆေး သုံးနေရာမှ ဖြတ်လိုက်တဲ့အခါ ဆံပင် ကျွတ်တတ်ပါတယ်။ သွေးကျဲဆေး၊ သွေးပေါင် ထိန်းညှိပေးတဲ့ တချို့ ဆေးဝါးတွေ၊ နှလုံးရောဂါ၊ စိတ်ကျရောဂါ၊ အရိုးအဆစ် ရောင်ရမ်းနာတွေအတွက် အသုံးပြုရတဲ့ တချို့ ဆေးတွေကလည်း ဆံပင်ကျွတ်တာနဲ့ ဆက်စပ်မှု အနည်းငယ်ရှိပါတယ်။
၆။ အစာ လျှော့စားခြင်း
သင်က ကိုယ်အလေးချိန် လျှော့ချချင်လို့ အစားအသောက်တွေ လျှော့ချ စားသောက်နေတာကြောင့်လည်း ဆံပင်ကျွတ်တာကို ဖြစ်စေပါတယ်။ ကိုယ်အလေးချိန် လျှော့ချလိုက်တာ ၁၅ ပေါင် လျော့ကျသွားပြီး သုံးလကနေ ခြောက်လအတွင်း ဆံပင် ကျွတ်လာတာကို သင်သတိထားမိမှာပါ။ ကျန်းမာရေးနဲ့ ညီညွတ်တဲ့ အစားအသောက်တွေကို စားသုံးရင် ဆံပင်တွေ ပြန်ပေါက်လာနိုင်ပါတယ်။
၇။ ဆံပင်စတိုင်
ဦးရေပြားကနေ ကျစ်ဆံမြီး သေးသေးလေးတွေကို တင်းတင်း ကျစ်ထားတာကလည်း ဆံပင်ကျွတ်စေပါတယ်။ ကျစ်ဆံမြီးကို ဖြေလိုက်ပါက တဖြည်းဖြည်းနဲ့ ပုံမှန် ဆံပင် အနေအထားကို ပြန်ရောက်နိုင်ပါတယ်။ ဒီဆံပင်စတိုင်ကို ကြာရှည် စွဲမြဲစွာ ပြုလုပ်ထားပါက ဆံပင် ကျွတ်တာကို ပိုဆိုးစေပါတယ်။
၈။ ကင်ဆာရောဂါ
ကုသနေခြင်း ကင်ဆာရောဂါ ကုသမှုနှစ်ခုဖြစ်တဲ့ ခီမိုဆေးတွေ ပေးတာနဲ့ ဓာတ်ရောင်ခြည်နဲ့ ကုသတာတွေရဲ့ ဘေးထွက်ဆိုးကျိုး အနေနဲ့ ဆံပင် ကျွတ်စေပါတယ်။ ဒီကုသမှု နှစ်ခုစလုံးက ဆံချည်မျှင် အိတ်တွေကို ထိခိုက်စေတာကြောင့် ဆံပင်ကျွတ်စေပါတယ်။ ဆံပင်ကျွတ်တာက အမြဲဖြစ်နေမှာတော့ မဟုတ်ပါဘူး။ ကုသမှု ပြီးမြောက်လို့ ဆေးဖြတ်လိုက်တဲ့အခါ ဆံပင် ပြန်ပေါက်လာပါတယ်။
၉။ ဖိစီးမှု များလွန်းခြင်း
ကိုယ်ပင်ပန်း၊ စိတ်ပင်ပန်းမှုတွေ အလွန်အမင်း များလွန်းတဲ့အခါ ဦးရေပြားမှာ ရှိနေတဲ့ ဆံပင်တွေရဲ့ လေးပုံတစ်ပုံလောက်က ရုတ်တရက် ကျွတ်နိုင်ပါတယ်။
၁၀။ ကျန်းမာရေး မကောင်းခြင်း
ကျန်းမာရေး မကောင်းတာကြောင့် ဆံပင်ကျွတ်တာက ခြောက်လကနေ ရှစ်လအထိ ဖြစ်နိုင်ပါတယ်။ ဥပမာ- အလွန်အမင်း နေမကောင်းဖြစ်ခြင်း၊ အကြီးစားခွဲစိတ်မှု ပြုလုပ်ထားခြင်း၊ ထိခိုက်မှုကြောင့် သွေးဆုံးရှုံးမှု ဖြစ်ပေါ်ခြင်း၊ စိတ်ဒဏ်ရာ ကြီးကြီးမားမား ရခြင်း စတာတွေကြောင့်လည်း ဆံပင် ကျွတ်နိုင်ပါတယ်။
ဆံပင်ကျွတ်ခြင်းအတွက် ကုသမှု
၁။ ဆေးဝါးဖြင့် ကုသခြင်း
မိန်းကလေးတွေမှာ ဆံပင်ကျွတ်တာအတွက် ကုသဖို့ အစားအသောက်နဲ့ ဆေးဝါးကွပ်ကဲရေး ဌာနက Minoxidil ဆေးကို အတည်ပြု ထားပါတယ်။ ဒီဆေးက မိန်းကလေးအများစုမှာ ဆံပင်ကျွတ်တာကို နှေးသွားစေတာ ဒါမှမဟုတ် လုံးဝ ရပ်တန့်သွားစေပါတယ်။ ဒါ့အပြင် ဆံပင် ပြန်ပေါက်စေဖို့လည်း အားပေးပါတယ်။ ဆံပင်ကျွတ်တဲ့ တချို့ မိန်းကလေးတွေမှာ ကော်တီကိုစတီးရွိုက်ဆေးက ဆံပင် ပြန်ပေါက်စေပါတယ်။ ခန္ဓာကိုယ်မှာ တခြားရောဂါတွေ ခံစားနေရပါက ကုသမှု ခံယူတာ၊ အာဟာရ မျှတအောင် စားတာတွေကလည်း ဆံပင် ပြန်ထွက်စေပါတယ်။
၂။ လေဆာဖြင့် ကုသခြင်း
ဆံပင်ကျွတ်တာအတွက် လေဆာနဲ့ ကုသမှု ခံယူနိုင်ပါတယ်။ လေဆာရောင်ခြည် အနည်းငယ် ပေးပြီး ဆံပင်ပြန်ထွက်စေဖို့ လှုံ့ဆော်မှု ပြုလုပ် တာပါ။ ဆေးခန်း မှာ ပြုလုပ်နိုင် သလို အိမ်မှာ ကိုယ့်ဘာသာ ပြုလုပ်နိုင်တဲ့ ပစ္စည်းတွေလည်း ပေါ်နေပါပြီ။ အစားအသောက်နဲ့ ဆေးဝါးကွပ်ကဲရေး ဌာနက စမ်းသပ် မှုတွေ ပြုလုပ်နေ ပါတယ်။ မကြာခင်မှာ တိကျတဲ့ အဖြေထွက်ပေါ်လာမှာပါ။ ဆံပင်ကျွတ်တာအတွက် ရေရှည် သုံးစွဲပါက ထိရောက်မှု ရှိ၊ မရှိနဲ့ ဘေးအန္တရာယ် ကင်းရှင်းမှု ရှိ၊ မရှိကတော့ မသိရှိရသေးပါဘူး။
၃။ လိမ်းဆေးများဖြင့် ကုသခြင်း
ဆေးတွေကတော့ အမျိုးစုံ ပေါ်နေတာပါ။ သင်နဲ့ သင့်တော်မှုရှိတဲ့ အမျိုးအစားကို ရွေးချယ် အသုံးပြုရမှာပါ။ ဝယ်ယူတဲ့အခါ အရေပြား အထူးကုရဲ့ ထောက်ခံမှု၊ အစားအသောက်နဲ့ ဆေးဝါးကွပ်ကဲရေး ဌာနရဲ့ ထောက်ခံမှုတွေပါ ရှိ၊ မရှိ သေချာအောင် စစ်ဆေး ကြည့်ပြီးမှ ဝယ်ယူ သုံးစွဲပါ။
ပန်းနွယ်လေး (ဆေးဝါးတက္ကသိုလ်)
No comments:
Post a Comment