လှိုင်သာယာ ဘုရင့်နောင်တံတားမှာ ဘာတွေ ဖြစ်နေလဲ?

လှိုင်သာယာဘုရင့်နောင်တံတား၌ ယာဉ်စည်းကမ်းမလိုက်နာမှုများ ပိုမိုဆိုးလာ ဆိုတဲ့ ပေးစာတစောင် ဧရာဝတီက လက်ခံရရှိထားပါတယ်။ ဘုရင့်နောင်တံတားမှာ ဘာတွေ ဖြစ်နေလဲဆိုတာ သိနိုင်ဖို့ အပြည့်အစုံကို ပြန် လည် တင်ပြပေးလိုက်ပါတယ်။

ဘုရင့်နောင်တံတားတစ်လျောက် အထူးသဖြင့် လှိုင်သာယာမှ ဘုရင့်နောင်လမ်းဆုံသို့ မောင်းသော ယာဉ်မောင်းများသည် တစ်နေ့ တခြား ပို၍ပို၍ ဆိုးရွားစွာစည်းကမ်းမဲ့အတင့်ရဲလာကြသည်။

အထူးသဖြင့် DYNA လိုင်းကားများနှင့် တရားမဝင်ပြေးဆွဲ၍ ဥပဒေမဲ့စွာ စီးပွားရှာလျက်ရှိသော ပုဂ္ဂလိက ယာဉ် Town Ace များသည် တံတားပေါ်တွင် ယာဉ်တစ်ဖက်လမ်းမှ ပြောင်းပြန်နှစ်ထပ်၊ သုံးထပ်အထိ
ကျော်တက်ကာ ထင်တိုင်းကြဲနေပါသည်။

ဤစည်းကမ်းမဲ့ယာဉ်များသည် တံတားသို့မရောက်ခင်၌ပင် ပြောင်းပြန်ကျော်တက်ကာ ယာဉ်နောက် လိုက်(စပယ်ယာ)သည် စည်းကမ်းအတိုင်း စနစ်တကျသွားနေသောယာဉ်များ အရှေ့တွင် ရပ်၍ အတင်းကာ ထားပြီး ကြားဖြတ်ဝင်ကြပါသည်။

ထိုကြောင့်လည်း ယာဉ်တိုက်မှုအသေးစားများ၊ စကားများမှုများ၊ ခိုက်ရန်ဖြစ်ပွားမှုများ နေ့စဉ်ဖြစ်ပွား လျက်ရှိသည်ကိုမြင်တွေ့နေရပါသည်။

ထိုတင်မကပဲ ဤလိုင်စင်မဲ့ ပုဂ္ဂလိကယာဉ် Townace လိုင်းကား များသည် အလွန်ကားကျပ်သော ဘုရင့်နောင် လမ်းဆုံထောင့်ရှိ " ဤနေရာသည်ကားမှတ်တိုင်မဟုတ်ပါ" ဆိုင်းဘုတ်ရှေ့တွင် ပိတ်ရပ်ကာ ခရီးသည်အတင်အချလုပ်သောကြောင့် နောက်ရှိအခြားကားများက ကျော်တက်ရန်မလွတ်သဖြင့် ရပ်စောင့် ရသောကြောင့် မလိုအပ်ပဲယာဉ်ကြောပိတ်ဆို့မှုများဖြစ်ပွားစေပါသည်။

ရာထောင်ချီသော မော်တော်ဆိုင်ကယ်များကလဲ မောင်းနှင်စီးနင်းခွင့်မရှိသော်လဲ ဤတံတားတလျောက် စည်းကမ်းမဲ့စွာ အရှိန်ပြင်းပြင်းဖြင် ကားကြိုကားကြားတွင် တဝီဝီမောင်းနေကြပါသည်။

ထိုကြောင့်လဲ ဘုရင့်နောင်တံတားနှင့်လမ်းဆုံတဝိုက်တွင် ဆိုင်ကယ် accident များဖြစ်ပွားပြီး နာမည်ကျော် အဆိုတော်တစ်ယောက်ပင် အသက်ဆုံးရှုံးခဲ့ရသော သာဓကလည်းရှိခဲ့ပါသည်။

ယာဉ်ကြောပိတ်ဆို့မှုများ၏ အဓိကအကြောင်းရင်းမှာ စည်းကမ်းမဲ့စွာမောင်းနှင်ကြခြင်းအပြင် လမ်း အင်မတန် ဆိုးသောကြောင့် ကားများအရှိန်လျော့ကာ တလိမ့်ချင်းလိမ့်၍ မောင်းရသောကြောင့်လဲ ဖြစ်ပါ သည်။

တာဝန်ရှိသူများအားလုံး (စည်ပင် အပါအဝင်) ဤလမ်းကိုစမ်းမောင်းကြည့်စေချင်ပါသည်။ အထက်ပါ အချက် များကို သက်ဆိုင်ရာတာဝန်ရှိသူများမှ ပြုပြင်ပေးမည်ဆိုပါက ပြည်သူများ အတိုင်းထက် အလွန် ကျေးဇူး တင်မိမှာ အမှန်ပင်။

သို့သော် တနေ့တခြားဆိုးရွားလာသော အခြေအနေကို မည်သည့်သက်ဆိုင်ရာကမှ တာဝန်ယူ ထိန်းသိမ်းခြင်းမရှိပါ။

လှိုင်သာယာမှ ဘုရင့်နောင်တံတားတလျောက် ယာဉ်ထိန်းတစ်ယောက်မှ မတွေ့ရပါ။ ပါရမီလမ်းဆုံ
ရောက်မှသာ ယာဉ်ထိန်းလေးငါးဦးခန့် ကားတစ်စီးဖြင့်မတ်တပ်ရပ်ကာ မီးပွိုင့်မှ ဖြတ်လာသော ကားများ ကို စောင့်ကြည့်နေကြသည်ကိုတွေ့ရပါသည်။

ဤနေရာတွင်ရပ်ကြည့်နေမည့်အစား လှိုင်သာယာမှ ဘုရင့်နောင်တံတားအတက်တဝိုက်တွင် ဝင်ထိန်းပေး လျှင် ကောင်းမည်ဟု တွေးမိပါသည်။ ဓါတ်ပုံအချို့ကို သက်သေအဖြစ်တင်ပေးထားပါသည်။

တာဝန်သိပြည်သူတစ်ဦး
Irrawaddy