ယခုနှစ်များအတွင်း မြန်မာနိုင်ငံ၌ မုဒိမ်းမှု ကျူးလွန်မှုများသည် ပိုမိုများပြားလာပြီး အရွယ်မရောက်သေးသည့် ကလေးများကို မုဒိမ်းမှု ကျူးလွန်သည့် ဖြစ်ရပ်များ မကြာခဏ ကြားသိနေရပြီး ဖခင်အရင်းကပင် သမီးဖြစ်သူကို လိင်ကိစ္စ စော်ကားခြင်းများ ရှိလာကြောင်း၊ ယင်းကဲ့သို့ ဖြစ်စဉ်များသည် သတင်းစာနှင့် ဂျာနယ်များတွင် ဖြစ်ပွားသည့် ကိစ္စများသာ တွေ့ရှိရပြီး ထိရောက်သော အရေးယူမှုများကို မတွေ့ရကြောင်း၊ ထို့ကြောင့် လက်ရှိကလေးသူငယ် ဥပဒေတွင် ဖြည့်စွက် ပြင်ဆင်ရခြင်း ဖြစ်ကြောင်း ဦးသိန်းညွန့်က အောက်တိုဘာ ၂၁ ရက်တွင် ကျင်းပသည့် ပြည်သူ့လွှတ်တော် အစည်းအဝေးတွင် တင်ပြ ပြောကြားခဲ့သည်။
အဆိုပါဥပဒေ ပြင်ဆင်မှုနှင့် ပတ်သက်သော အဆိုကို ရခိုင်ပြည်နယ် ရသေ့တောင် မဲဆန္ဒနယ်မှ ဒေါ်ခင်စောဝေက ထောက်ခံ တင်ပြခဲ့သည်။
ယင်းအဆိုသည် ပြည်သူများနှင့် ပြည်သူ့အကျိုးစီးပွားကို လိုလားသော ကိစ္စရပ်ဖြစ်သောကြောင့် ဝမ်းမြောက်မှု ရှိသော်လည်း ဦးသိန်းညွန့် အဆိုတင်သွင်းစဉ် တရားစီရင်ရေးက မှားယွင်းစွာ ဆုံးဖြတ် ခြင်းဆိုသည့် စကားလုံးကို အသုံးပြု ပြောကြားခဲ့သဖြင့် ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဦးသိန်းညွန့် အပါအဝင် ပြည်သူ့လွှတ်တော် ကိုယ်စားလှယ်များကို နောက်နောင်တွင် အဖွဲ့အစည်းတစ်ခု၏ ဂုဏ်သိက္ခာ ထိခိုက်စေသော စကားလုံးကို အသုံးမပြုရန် ပြင်းထန်စွာ မောင်းထု၍ သတိပေးလိုက်ကြောင်း ကိုယ်စားလှယ်များက ဆိုသည်။
ဦးသိန်းညွန့် တင်သွင်းသော ဥပဒေ ပြင်ဆင်ရေးအဆိုကို လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန ဒုတိယဝန်ကြီး ဒေါ်စုစုလှိုင်က ဆွေးနွေးရန် မသင့်ကြောင်းနှင့် ဒုတိယ ရှေ့နေချုပ် ဦးထွန်းထွန်းဦးနှင့် ပြည်ထောင်စု တရားသူကြီးချုပ် ဦးမြင့်အောင်တို့က လက်ခံဆွေးနွေးရန် စဉ်းစားစေလိုကြောင်း၊ (၆၇) ကြိမ်မြောက် ကုလသမဂ္ဂ အထွေထွေ ညီလာခံ၏ အပြည်ပြည်ဆိုင်ရာ စံနှုန်းများအရ သေဒဏ်ချမှတ်သည့် ပြစ်ဒဏ်နှင့် ရင်ဆိုင်နေရသူများအား အကာအကွယ်ပေးရန်၊ သေဒဏ်ချမှတ်ခြင်းကို ပယ်ဖျက်ရန် ဆုံးဖြတ်ခဲ့ခြင်းတို့အပေါ် အလေးအနက်ထား စဉ်းစားစေလိုကြောင်း လွှတ်တော်သို့ တင်ပြ ပြောကြားခဲ့သည်။
သေဒဏ် ချမှတ်နိုင်သည့် ဥပဒေ ပြဋ္ဌာန်းထားသော်လည်း လက်တွေ့ကျင့်သုံးခြင်း မရှိသည့် နိုင်ငံများ အပါအဝင် သေဒဏ် မကျင့်သုံးသည့် နိုင်ငံပေါင်း ၁၄၀ ရှိပြီး သေဒဏ်ကို ဆက်လက်ကျင့်သုံးသည့် နိုင်ငံပေါင်း ၅၈ နိုင်ငံ ရှိသည်ဟု ဒုတိယ ရှေ့နေချုပ် ဦးထွန်းထွန်းဦးက ဆိုသည်။
ဦးသိန်းညွန့် တင်သွင်းသော အဆိုနှင့် ပတ်သက်၍ မဲခွဲဆုံးဖြတ်ရာတွင် အမျိုးသား ဒီမိုကရေစီ အဖွဲ့ချုပ်မှ လွှတ်တော် ကိုယ်စားလှယ်အများစု အပါအဝင် ကိုယ်စားလှယ်ပေါင်း ၁၉ ဦးက မတ်တတ်ရပ် ထောက်ခံခဲ့ကြောင်း ပြည်သူ့လွှတ်တော် ကိုယ်စားလှယ်များထံမှ သိရသည်။
အဆိုပါ ဥပဒေနှင့် ပတ်သက်သော အဆိုကို သတ္တမအကြိမ် ပြည်သူ့လွှတ်တော် အစည်းအဝေးတွင် ဦးသိန်းညွန့်က တင်သွင်းခဲ့သော်လည်း အောင်မြင်ခဲ့ခြင်းမရှိဘဲ ယခုတင်သွင်းမှုသည် ဒုတိယအကြိမ်မြောက် ရှုံးနိမ့်မှု ဖြစ်သည်ဟု ဦးသိန်းညွန့်က ထပ်လောင်း ပြောကြားသည်။
The Voice Weekly
No comments:
Post a Comment