တက္ကသိုလ်ပါမောက္ခများ ဌာနဆိုင်ရာအကြီးအကဲဖြစ်ရန်ထက် ပညာရှင်ဖြစ်ရန် အဓိကလိုအပ်ဟုဆို

တက္ကသိုလ်ပါမောက္ခများမှာ ဌာနဆိုင်ရာအကြီးအကဲ၊ ညွှန်ကြားရေးမှူးများဖြစ်ရန်မလိုအပ်ဘဲ ပညာရှင် များဖြစ်ရန်သာ အဓိကလိုအပ်ကြောင်း တက္ကသိုလ်အသိုင်းအဝိုင်းမှ ဆရာများကပြောသည်။

ပါမောက္ခဆိုသည်မှာ တက္ကသိုလ်တွင်သင်ကြားရေးတာဝန်နှင့် သက်ဆိုင်ရာဘာသာရပ်၏ သုတေသန ပိုင်းဆိုင်ရာ အသစ်များကိုထုတ်လုပ်နိုင်စွမ်းရှိသူများဖြစ်ရန်လိုအပ်ပြီး ပါမောက္ခဆိုသည်မှာ ရာထူး မဟုတ်ဘဲ ဘွဲ့တစ်ခုသာဖြစ်ကြောင်း၊ လက်ရှိဖြစ်နေသည်မှာ တက္ကသိုလ်များရှိပါမောက္ခများ နှစ်အ လိုက်ရာထူးတက်နေသဖြင့် ပါမောက္ခများဖြစ်နေရကြောင်း ယင်းအသိုင်းအဝိုင်းက ထောက်ပြပြော သည်။

"ဒီလိုမျိုးနှစ်အလိုက်ရာထူးတိုးနေတာက မြန်မာပြည်စံနှုန်းပဲလေ။ လုပ်လုပ်မလုပ်လုပ် အချိန်တန်ရင် ပါမောက္ခဖြစ်လာတာပဲ။ ဒီလိုတွေဖြစ်နေရတာဟာ အဆင့်ဆင့်ချုပ်ကိုင်မှုတွေများနေလို့ပဲ။ ပါမောက္ခ တွေကလဲ အထက်ကခိုင်းတဲ့ဟာတွေပဲ လုပ်နေရတယ်။ သုတေသနဆိုတဲ့ ပညာရတနာဟာလုံးဝ ထွက်မလာဘူး။ ပါမောက္ခတွေလုပ်နေတဲ့ သုတေသနစာတမ်းတွေဆိုတာ ပြည်သူတွေကြားထဲမှာပြန့် နေရမယ်။ တချို့ထွန်းပေါက်တဲ့သူတွေတော့ ရှိတယ်။ ဒါပေမဲ့နည်းတော့သူတို့က မြုပ်နေတယ်" ဟု အရှေ့ပိုင်းတက္ကသိုလ်မှာ တက္ကသိုလ်ဆရာများအသင်း ဥက္ကဋ္ဌဆရာသန်းထိုက်အောင်က ပြောသည်။

တက္ကသိုလ်ပါမောက္ခများတွင် ပင်စင်ဟူ၍မရှိဘဲ ယင်းတို့တာဝန်ထမ်းဆောင်သည့် တက္ကသိုလ်၏ သဘောကျနှစ်ခြိုက်မှုသာလိုအပ်ပြီး သင်ကြားရေးပိုင်းနှင့် သုတေသနပိုင်းဆိုင်ရာများကို အသစ်များ ဖန်တီးနေနိုင်သရွေ့ ပါမောက္ခတာဝန်ကို ထမ်းဆောင်ခွင့်ရှိကြောင်း သိရသည်။

"အသက် ၆၀ ပင်စင်ယူတာ ဝန်ထမ်းပဲရှိတယ်။ တက္ကသိုလ်မှာ ပင်စင်မရှိဘူး။ ပါမောက္ခတစ်ဦးက အသက် ၈၀၊ ၉၀၊ အထိသူတတ်နိုင်သရွေ့ တာဝန်ထမ်းဆောင်လို့ရတယ်။ တက္ကသိုလ်က လက်ခံနိုင်ဖို့ ပဲ အရေးကြီးတယ်။ တက္ကသိုလ်အရည်အသွေး၊ ကျတယ်ဆိုတာကတော်တဲ့ဆရာကြီးတွေက အသက် ၆၀ ဆို အပြင်ရောက်ကုန်တယ်။ တဖြည်းဖြည်းနဲ့တော်တဲ့သူတွေ နည်းကုန်တယ်။ အဲဒီဆရာကြီးတွေရှိ နေမှ သူတို့ဆီက ထပ်ထပ်ယူ သုတေသနတွေထုတ် အဲဒါမျိုးဖြစ်ရမယ်လို့ မြင်တယ်။ သူတို့လာကူချင် ပေမယ့် ကူလို့မရဘူး။ ဒါကစနစ်ကြောင့်ပါ" ဟု ရန်ကုန်တက္ကသိုလ်ဆရာများအသင်းဥက္ကဋ္ဌ ဒေါက်တာ သက်နိုင်က ပြောသည်။

လက်ရှိပါမောက္ခများမှာ ပါမောက္ခအစစ်များ မဟုတ်ကြောင်းခန့်အပ်သည့် ပါမောက္ခများသာဖြစ် ကြောင်း၊ အရည်အသွေးရှိ ပါမောက္ခများ မထုတ်လုပ်နိုင်ခဲ့သည့်အတွက် ယင်းကဲ့သို့နှစ်အလိုက် ရာထူးတိုးနေသည့် ပါမောက္ခများ ဖြစ်နေရခြင်းဖြစ်ကြောင်း ယင်းကဆက်လက်ပြောသည်။

ပါမောက္ခများ အရည်အသွေး တိုးတက်လာစေရန်အတွက် တော်သည့်ဆရာကို တက္ကသိုလ်များမှ လာရောက်ကမ်းလှမ်းခြင်းများ၊ ကမ်းလှမ်းခံရသည့်ဆရာမလည်း လွတ်လပ်စွာဆုံးဖြတ်ပိုင်ခွင့်ရှိရမည် ဖြစ်ကြောင်း၊ ယင်းကဲ့သို့ပြုလုပ်မည်ဆိုပါက တက္ကသိုလ်များမှ အပြိုင်အဆိုင်ခေါ်ယူရန်အတွက် ဆရာ များကြိုးစားမှုများ ရှိလာမည်ဖြစ်သောကြောင့် အရည်အသွေးများ တိုးတက်လာနိုင်မည်ဟု ယင်းအ သိုင်းအဝိုင်းကသုံးသပ် ပြောကြားသည်။

The Yangon Times Daily

အတွဲ(၁)၊ အမှတ်(၁၄၉)၊ အောက်တိုဘာ ၂၃၊ ၂၀၁၃