Wednesday, October 23, 2013
ရီးယဲမက်ဒရစ် ကစားသမား ခရစ္စတီယာနို ရော်နယ်ဒိုသည် ချန်ပီယံလိဂ် သွင်းဂိုးအများဆုံး စာရင်းတွင် ရုဒ်ဗန်နစ္စတယ်ရွိုင်းကို ကျော်ဖြတ်ရန် တစ်ဂိုးသာ လိုအပ်နေပြီး သွင်းဂိုးအများဆုံး ကစားသမားဖြစ်ရန် တစ်ဖြည်းဖြည်း နီးစပ်လာကြောင်း သိရသည်။
ယခုနှစ် ချန်ပီယံပြိုင်ပွဲတွင် နှစ်ပွဲကစားအပြီး ၅ ဂိုးသွင်းယူထားသည့် ရော်နယ်ဒိုသည် လက်ရှိတွင် ချန်ပီယံလိဂ် ပွဲစဉ်စုစုပေါင်း ၉၄ ပွဲ ကစားထားပြီး ၅၅ ဂိုးသွင်းယူထားသူ ဖြစ်သည်။
ထို့အပြင် ရော်နယ်ဒိုသည် ချန်ပီယံလိဂ် သွင်းဂိုးအများဆုံး စာရင်း၏ တတိယနေရာတွင် ရပ်တည်နေသည့် ပီအက်စ်ဗွီ၊ မန်ချက်စတာယူနိုက်တက်နှင့် မက်ဒရစ် ကစားသမားဟောင်း ရုဒ်ဗန်နစ္စတယ်ရွိုင်း၏ သွင်းဂိုးကို ကျော်ဖြတ်ရန် တစ်ဂိုးသာ လိုအပ်လျက်ရှိသည်။
နယ်သာလန် တိုက်စစ်မှူးဟောင်းသည် ချန်ပီယံလိဂ် ၇၃ ပွဲ ကစားအပြီး ၅၆ ဂိုး သွင်းယူကာ ချန်ပီယံလိဂ် သွင်းဂိုးအများဆုံး စာရင်းတွင် တတိယနေရာ၌ ရပ်တည်နေသူဖြစ်သည်။
ဘာစီလိုနာ ကြယ်ပွင့် လီယွန်နယ် မက်ဆီကမူ သွင်းဂိုးအများဆုံး စာရင်းတွင် ၈၁ ပွဲ ကစားအပြီး ၆၃ ဂိုးသွင်းယူထားကာ ဒုတိယနေရာ၌ ရပ်တည်နေသည်။ မက်ဆီအနေဖြင့် ၎င်း၏ ဂိုးသွင်းစွမ်းရည်ကို ဆက်လက် ထိန်းသိမ်းထားနိုင်ခဲ့ပါက ၁၄၄ ပွဲကစား ၇၁ ဂိုး သွင်းယူထားပြီး သွင်းဂိုးအများဆုံး စာရင်းတွင် ဦးဆောင်နေသော ရီးယဲမက်ဒရစ် ကြယ်ပွင့်ဟောင်း ရာအူးလ်ကို ကျော်ဖြတ်နိုင်ဖွယ် ရှိသည်။
Ref: Goal
soccermyanma
No comments:
Post a Comment