ခိုးမှု၊ ဖောက်ထွင်းမှုများဖြင့် ထောင်ဒဏ် ၈၃ နှစ် ကျခံနေရာမှ မွန်ပြည်နယ်၊ မုပ္ပလင် ရဲဘက်စခန်းမှ တရားခံတစ်ဦး ထွက်ပြေးပြီး ရန်ကုန်မြို့၊ အင်းစိန်မြို့နယ်ရှိ ဖုန်းဆိုင် တစ်ဆိုင်ကို ထပ်မံဖောက်ထွင်းမှု ကျူးလွန်ခဲ့ရာမှ ဖမ်းဆီးရမိပြီး ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ သိရသည်။
၎င်းကို အင်းစိန်မြို့နယ် ဖုန်းဆိုင်ဖောက်ထွင်း ခံရမှုနှင့် ပတ်သက်ပြီး မြောက်ပိုင်းခရိုင်၊ အထူးမှုခင်း နှိမ်နှင်းရေး ရဲတပ်ဖွဲ့က စုံစမ်းရာမှ ရန်ကုန်မြို့၊ ကြည့်မြင်တိုင်မြို့နယ်၊ အနောက်ပိုင်း ဆေးရုံအနီး၌ ၂၀၁၃ ခုနှစ်၊ စက်တင်ဘာ ၂၅ ရက် နံနက်ပိုင်းက ဖမ်းဆီးရမိ ခဲ့ခြင်းဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့ရုံးမှ စက်တင်ဘာ ၂၆ ရက်တွင် သိရသည်။
အဆိုပါ နှစ်ရှည် ထောင်ဒဏ် ကျခံနေသည့် အကျဉ်းသားဖိုးငို (ခ) ၀င်းနိုင် (ခ) ကျော်မင်းလွင်သည် ခိုးမှုများဖြင့် ၂၀၀၀ ပြည့်နှစ်တွင် ထောင်ဒဏ် ၈၃ နှစ် ကျခံနေသူ ဖြစ်ကာ ၂၀၁၂ ခုနှစ် ၁၁ လပိုင်းတွင် မွန်ပြည်နယ်၊ မုပ္ပလင် ရဲဘက်စခန်းမှ ထွက်ပြေး လွတ်မြောက်ခဲ့ပြီး ၂၀၁၃ ခုနှစ် စက်တင်ဘာ ၈ ရက်၊ ညပိုင်းတွင် အင်းစိန်မြို့နယ်၊ ဖော့ကန် ရပ်ကွက်ရှိ ဖုန်းဆိုင်တစ်ဆိုင်ကို ထပ်မံဖောက်ထွင်း ခဲ့ခြင်းဖြစ်ကြောင်း သိရသည်။
''ကျွန်တော်တို့ဆီကို မြောက်ပိုင်းခရိုင် ရဲတပ်ဖွဲ့က ဒီနေ့မှ လာအပ်တာပါ။ အဲဒါကြောင့် ကျွန်တော်တို့ သူ့ကို ပြည့်ပြည့်စုံစုံ မစစ်ဆေး၊ မမေးမြန်းရ သေးပါဘူး။ ပြည့်စုံအောင် စစ်ဆေးမေးမြန်းပြီးမှ ကျွန်တော် သူနဲ့ပတ်သက်တာကို တိတိကျကျ ဖြေကြားလို့ ရမှာပါ'' ဟု အင်းစိန်မြို့မ ရဲစခန်းမှ စခန်းမှူး ဒုရဲမှူး မောင်မောင်ဦးက စတ်တင်ဘာ ၂၆ ရက်၊ မွန်းလွဲပိုင်းက ဖြေကြားသည်။
ဆက်လက်၍ အဆိုပါ အကျဉ်းသားမှာ အင်းစိန်မြို့နယ်၊ ဖော့ကန်ရပ်ကွက်ရှိ ဖုန်းဆိုင်၏ အနောက်ဘက် ပြတင်းပေါက်အား သံတူရွင်းဖြင့် ကလော်ဖွင့်ပြီး အတွင်းရှိ သံပန်းတံခါး သော့ကို ဖျက်ဆီးဝင်ရောက်ကာ ဆိုင်အတွင်းရှိ လက်ကိုင်ဖုန်းများနှင့် ငွေဖြည့်ကတ်များကို ခိုးယူခဲ့ခြင်း ဖြစ်ကြောင်း ဒုရဲမှူးမောင်မောင်ဦးက ပြောကြားခဲ့သည်။
ဖြစ်စဉ်မှာ စက်တင်ဘာ ၉ ရက် နံနက် ၉ နာရီခန့်တွင် အေးသီတာတာလမ်း၊ ၃ ရပ်ကွက်၊ မရမ်းကုန်း မြို့နယ်နေ မ---(၃၂)နှစ်သည် အင်းစိန်မြို့နယ်၊ ဖော့ကန်ရပ်ကွက်၊ အောက်မင်္ဂလာဒုံလမ်းတွင် ဖွင့်လှစ်ထားသော ဖုန်းဆိုင်အား ဆိုင်ဖွင့်ရန် ရောက်ရှိပြီး ဆိုင်အတွင်း သော့ဖွင့်ဝင်ရောက်စဉ် ဆိုင်အနောက်ဘက် ပြတင်းတံခါးများ ပွင့်နေပြီး ပစ္စည်းများ ပြန့်ကြဲနေသဖြင့် စစ်ဆေးကြည့်ခဲ့ကြောင်း သိရသည်။
ထိုသို့ စစ်ဆေးကြည့်ရာ ကျပ် ၁၈၄ သိန်းကျော် တန်ဖိုးရှိ ဟန်းဆက် ၁၂၄ လုံး၊ တစ်သောင်းတန် ငွေဖြည့်ကတ် ၅၉ ကတ်နှင့် ကျပ် ၅၀၀၀ တန် ငွေဖြည့်ကတ် ၆၆ ကတ်တို့မှာ ပျောက်ဆုံးလျက် ရှိကြောင်း တွေ့ရှိခဲ့ရပြီး အင်းစိန်မြို့မ ရဲစခန်းသို့ တိုင်ကြားခဲ့ရာ ရဲစခန်းက (ပ)၉၇၄/၁၃ ပြစ်မှုပုဒ်မ ၃၈၀ ဖြင့် အမှုဖွင့်ပြီး ဆက်လက် စစ်ဆေးလျက် ရှိကြောင်း သိရသည်။
Eleven Media Group
No comments:
Post a Comment