03 September 2013 |
- By Popular News
“ဒီဇာတ်ကားက ပင်ပန်းတယ်။ အထိ အခိုက်လည်း များတယ်။ သန်လျင်မှာ ဖိုက်တင် ခန်းတွေလည်း ရိုက်ရတယ်။ တစ်သက်လုံး လေ့ကျင့်ခန်းလည်း မလုပ်ခဲ့တဲ့ သူဆိုတော့ ဒီတစ်ပတ်လုံးက ကိုယ်တွေ လက်တွေ ကိုက်ခဲနေ တာပဲ။ အိမ်ပြန်ရင် လမ်းတောင် ကောင်းကောင်း မလျှောက်နိုင်ဘူး။ ဒါပေမဲ့ ပျော်စရာကြီး။ လူကြမ်းမင်း သားတွေနဲ့ ဒါရိုက်တာက ဖိုက်တင် သင်ပေးတယ်။ ထရီဇာလည်း ကြိုးကြိုး စားစားနဲ့ သူတို့သင်ပေးတဲ့ အကွက် ကလေးတွေကို မိမိရရလေး လိုက်နိုင် အောင် လုပ်တယ်။ မှတ်မှတ်ရရ ကားပေါ်က နေခုန်ချ လိုက်တာ ထိခရုံးပင်ပေါ်တ ည့်တည့် ခုန်ချတယ်။ ထိခရုံးပင် ဆိုတော့ ခြေထောက်ထဲ ဆူးဝင် သွားတယ်။
ဒီဇာတ်ကားက အမှတ်တရ များတယ်။ ယုန်လေးက ထရီဇာ့တံခါး ကိုလာ ခေါက်တော့ ယုန်လေးကို သတ်ပြီး ယုန်စွပ် ပြုတ်လုပ်တိုက်တဲ့ အခန်းဆိုရင် ယုန်လေးကို နားရွက်ကနေ ချီရတာ တအား သနားတော့ တအား ငိုလိုက်ရတယ်။ ယုန်လေးကို နားရွက် ကနေဆွဲမတာ သူ့သဘာဝလို့ ဒါရိုက်တာက ပြောတယ်။ ယုန်လေးက မနာဘူး။ နားရွက် ကနေဆွဲရတယ်။ ဒါပေမဲ့ ယုန်တွေရဲ့ အခံကိုက သူတို့ က ကြောက်တတ်၊ ထိတ်လန့် တတ် တော့ ထရီဇာ ဆွဲလိုက်တဲ့ အချိန်မှာ သူတို့ တုန်နေတာက သူတို့ဖီလင် က ကိုယ့်ဆီကူးပြီး တအား ဝမ်းနည်းခဲ့ရတယ်” လို့ တိရစ္ဆာန်လေးတွေကို ချစ်တတ်တဲ့ ချစ်သုဝေက ပြောပါတယ်။
ချစ်သုဝေက ဇာတ်ကားရိုက်ဖို့ အတွက် လိုအပ်တဲ့ အဝတ်အစားတွေကို စက်တင်ဘာ ၁ရက်ကနေ ၃ရက်အထိဘန်ကောက်မှာသွားဝယ် မှာဖြစ်ကြောင်း ပြောပါတယ်။ ဗီဒီယို ဇာတ်ကားတွေကို ဆက်တိုက် ရိုက်ကူးဖြစ်နေပြီး မီးအိမ် ကဗျာ ဗီစီဒီအ တွက်လည်း ရိုက်ကူးဖြစ်သလို ဒုတိယ တစ်ကိုယ်တော် အခွေ အတွက်လည်း သီချင်းတွေ စုနေပြီဖြစ်ကြောင်း သိရပါတယ်။ ဒီအခွေ ထဲမှာ ကလေးတွေနဲ့ဆိုင်တဲ့ သီချင်းတချို့၊ လူမှုရေးနဲ့ဆိုင်တဲ့ သီချင်းတချို့လည်း ပါဝင်မှာဖြစ်ကြောင်း ချစ်သုဝေကပြော ပါတယ်။
ခိုင်ဝေလွင်
No comments:
Post a Comment