-
11 September 2013 |
- By Good Health
အနံ့တစ်ခုကို ခွဲခြမ်း စိတ်ဖြာရာမှာ မှတ်ဥာဏ်က အရေးကြီးပါ တယ်။ ကျွန်မတို့ဟာ ဘယ်အနံ့က ဘာဆိုတာကို မွေးကတည်းက တွဲပြီး မှတ်လိုက်တာမျိုး၊ ထင်းမီးလောင်တဲ့အနံ့ကို အနီးအနားမှာ မီးလောင်နေ တယ်လို့ မှတ်လိုက် တာမျိုးလို အနံ့နဲ့ အဖြစ်အပျက်၊ အရာဝတ္ထုတို့ကို တွဲပြီး မှတ်ထား တတ်ကြပါတယ်။ မှတ်Óဏ်နဲ့ အနံ့ကြားက ဆက်စပ်မှုက ဘာနံ့ လဲဆိုတာကို ခွဲခြမ်းစိတ်ဖြာတာထက်ပိုပါတယ်။ တစ်ခါတစ်ရံမှာ အနံ့တွေ က မှတ်Óဏ်တွေကို ပြန်ခေါ်တဲ့ နေရာမှာ ကောင်းလွန်း တာကြောင့် ဖြစ် ပျက်ခဲ့သမျှကို ကွက်ကွက် ကွင်းကွင်း ပြန်မြင်ယောင်မိတဲ့အထိ ဖြစ်တတ်ပါ တယ်။ ငယ်စဉ်က အဖြစ်အပျက်တွေကို ပြန်မှတ်မိတဲ့အထိ အနံ့တွေက စွမ်းဆောင်မှု အားကောင်းလွန်းလှပါတယ်။
ဘာကြောင့် ဒီလောက်တောင် မှတ်မိနိုင်စေသလဲ ဆိုတာကို သိပ္ပံ ပညာရှင်တွေ အနေနဲ့ သေချာ မသိပေမယ့် အနံ့ခံ အာရုံတွေက မှတ်ဥာဏ်နဲ့ စိတ်ခံစား မှုတွေကို ထိန်းချုပ်ပေးတဲ့ ဦးနှောက် အစိတ် အပိုင်းတွေနဲ့ ဆက် စပ်နေတာကို လေ့လာတွေ့ရှိထားကြ ပါတယ်။ တချို့ပညာရှင်တွေ ကတော့ အနံ့တွေက ဖြစ်ရပ်တွေကို ပြန်ခေါ်ပေးနိုင်ခြင်းဟာ စိတ်ခံစားမှုတွေနဲ့ ဆက်စပ်နေတာကြောင့်လို့ ယူဆထားကြ ပါတယ်။ လေ့လာချက်တွေ အရ ဝမ်းသာခြင်း၊ စိတ်လှုပ်ရှားခြင်းတို့လို ခံစားချက်တွေ ဖြစ်ပေါ်နေချိန်မှာ ထူးခြားတဲ့ အနံ့တစ်ခုကို ရှူရှိုက်မိရင် နောင်အဲဒီ အနံ့ရတိုင်း အဲဒီခံစားချက် တွေ ပြန်ပေါ်လာတာကို တွေ့ရပါတယ်။
တခြားလေ့လာ ချက်တွေ အရ စာမေးပွဲဖြေဖို့ စာကျက်နေတဲ့ ကျောင်းသားတစ်ယောက်က စာကျက်နေစဉ်မှာ စံပယ်ပန်းလိုအနံ့တစ်မျိုး မျိုးကို ရှူရှိုက်ပြီး ကျက်ပါက စာမေးပွဲခန်းထဲမှာလည်း အဲဒီအနံ့ကို ရှူပြီး ဖြေရင် စာပိုမှတ်မိတယ်လို့လည်း တွေ့ရှိရပါတယ်။
ဒေါက်တာနုမြတ်
No comments:
Post a Comment