တွေးရခက်သော အင်္ဂလိပ်ဝေါဟာရများ ၂ - တက္ကသိုလ်ထင်ကြီး

မြန်မာစကား၌ “ရစ်သည်” ဟူသောကြိယာသည် “ပတ်လည်စည်းနှောင်သည်” ဟူ၍လည်း အဓိပ္ပာယ်ရသည်။ “အခေါက်ခေါက်အခါခါ တဝဲလည်လည်ပြုသည်” ဟူ၍လည်းရသည်။ ထို့အတူ အင်္ဂလိပ် စကား၌ cook (ချက်သည်) သည်လည်း ကွဲပြားသောအဓိပ္ပာယ်များ ပေးသည်။ ထိုမျှမကသေး၊ တင်စား၍ သုံးနှုန်းသောအခါ၌ အတွေးရပိုခက်လာသည်။

Cook one's goose; cook someone's goose ဆိုရာ၌ သာမန်အားဖြင့် “မိမိငန်းကို ချက်သည်၊ သူတစ်ပါးငန်းကိုချက်သည်” ဟူ၍ ဘာသာပြန်ရမည်ဖြစ်၏။ သို့သော် တင်စားသည့်အဓိပ္ပာယ်မှာ “မိမိသို့မ ဟုတ် သူတစ်ပါး၏ အောင်မြင်ရန်အလားအလာကို ဖျက်ဆီးပစ်သည်။ သို့ကြောင့် “ချောက်ကျသည်” ဟူ၏။

He will be cooking his goose if he is going to listen to that "experts" advice.

သူသည် “ပါရဂူ” ဆိုသူ၏ အကြံဉာဏ်ကို နားထောင်လျှင် သူ ချောက်ကျပြီဟုသာ မှတ်ပေရော့။

ဘာဖြစ်နေသလဲ၊ ဘာလုပ်နေသလဲဟုမေးရာ၌ What's cooking? (ဘာချက်သလဲ) ဟူ၍ ပြော လေ့ရှိသည်။

Find out what's cooking in the committee.

ကော်မတီတွေက ဘာဖြစ်နေသလဲဆိုတာ စုံစမ်းပါ။

စာရင်းများကို လိမ်ထားသည် (to falsify the account) ကို စကားပရိယာယ်ဖြင့် cook the books ဟု သုံးနှုန်းသည်။

The auditors found out that the accountant had cooked the books.

စာရင်းကို စာရင်းများလိမ်ထားသည်ကို စာရင်းစစ်က တွေ့ရှိသည်။

သို့ကြောင့် “လိမ်လည်ပြုလုပ်ထားသော” ဟူသည့် နာမဝိသေသနအတွက် cooked-up ဟူသော စကားလုံးကို သုံးသည်။

Don't give me a cooked-up yarn!

ငါ့ကို မဟုတ်က ဟုတ်ကတွေ လာမပြောနဲ့။

ကျောက်ဒိုးများ (marbles) နှင့် လူ့စိတ်မှာ မည်သို့အဆက်အသွယ်ရှိသည် မသိရသော်လည်း အင်္ဂလိပ်သုံးရိုးစကားအရ စိတ်မှန်သည်ဆိုလျှင် have all one's marbles (သူ့ကျောက်ဒိုးအားလုံးရှိသည်။) စိတ်မမှန်ဟုဆိုလျှင် lose one's marbles (သူ့ကျောက်ဒိုးတွေပျောက်ကုန်ပြီ) ဟု ပြောလေ့ရှိသည်။

Although my grandma is eighty years old she has all her marbels.

ကျွန်တော့်အဘွားသည် အသက် ၈၀ ရှိပြီဖြစ်သော်လည်း စိတ်မှန်ဆဲဖြစ်သည်။

"I'm eighty," my grandma says, "but that does not mean that I've lost all my marbles."

“ငါအသက် ၈၀ ရှိပြီ။ အဲဒါကြောင့် ငါစိတ်မနှံ့တော့ဘူးလို့ မထင်လေနဲ့” ဟု ကျွန်တော့်အဘွားက ပြောသည်။

“ဒေစီပန်းများကို အပေါ်သို့တွန်းနေသည်” (to be pushing up daisies) ဆိုရာ၌ မြေအောက်မှ တွန်းရမည်ဖြစ်သောကြောင့် အကြင်သူသည် သေပြီ၊ မြေမြှုပ်ပြီးပြီဟု တင်စား၍ ပြောခြင်းဖြစ်၏။

He is not worried about 20 years from now; in 20 years he would be pushing up daisies.

လာမည့်အနှစ် ၂၀ ဘာဖြစ်မည်ကို သူမပူ။ အနှစ် ၂၀ ကြာလျှင် သူသည် သေပြီ။ မြေအောက် ရောက်နေပြီဖြစ်သည်။

“သင်္ချိုင်းအလုပ်ချိန်” (graveyard shift) ဆိုသည်မှာ သင်္ချိုင်းနှင့် မည်သို့မှ မဆိုင်။ ညနက်သန်း ခေါင်မှ နံနက်စောစောအထိ အလုပ်ဆင်းရသည့်အချိန်ကို ဆိုလိုသည်။

As a security guard he is assigned two graveyard shift every week.

သူသည် လုံခြုံရေးအမှုထမ်းဖြစ်ရာ တစ်ပတ်လျှင် နှစ်ကြိမ် သန်းခေါင်မှ နံနက်စောစောအထိ ဆင်း ရသောအလှည့်ကျသည်။

အများမသိစေရန် လျှို့ဝှက်ဖုံးဖိထားသော ပြစ်မှု သို့မဟုတ် အခြားရှက်ဖွယ်ကိစ္စကို အင်္ဂလိပ်က “ဗီရိုထဲမှ အရိုးကောင်” (the skeleton in the cupboard) ဟု ခေါ်သည်။

The fact that his great grandfather was once a sea pirate was his family's skeleton in the cupboard.

သူ့အဘေးသည် တစ်ကြိမ်တစ်ခါက ပင်လယ်ဓားပြဖြစ်ခဲ့သည်ဆိုသောအချက်မှာ သူတို့မိသားစု၏ ဖုံးဖိချက်ဖြစ်သည်။

မြန်မာစကား၌ “ယောက္ခမသေမှ မြင်း ဝယ်စီးရမည်” ဟူ၍ရှိရာ ထိုသဘောနှင့် ခပ်ဆင်ဆင် အင်္ဂလိပ်သုံးရိုးမှာ wait for a dead man's shoes (သေသူ့ဖိနပ်များကို စောင့်မျှော်သည်) ဖြစ်သည်။ အဓိပ္ပာယ်မှာ အခြားသူသေကာမှရမယ့်ရာထူး၊ အကျိုးစီးပွားများကို စောင့်နေသည်ဟု ဆိုခြင်းဖြစ်သည်။

He is ambitious but does not want to work hard. He is just waiting for a dead man's shoes.

သူသည် ရာထူး၊ ဂုဏ်ထူးများကို လိုချင်သည်။ သို့သော် ကြိုးကြိုးစားစားမလုပ်ချင်။ သူတစ်ပါးသေမှ ထိုနေရာကို ရရန်စောင့်နေသည်။

သူတစ်ပါးကို ထိခိုက်စေမည့် အလုပ်တစ်ခုခုကိုလုပ်ရာ၌ စိတ်ထဲ၌ ဝန်မလေး၊ စိတ်ကိုမည်သို့မျှ မထိခိုက်သည်ကို make no bones about doing something ဟု ပြောရိုးရှိသည်။

They dismissed the disabled old man and made no bones about it.

သူတို့သည် ဒုက္ခိတအဖိုးကြီးကို အလုပ်ဖြုတ်လိုက်ရာတွင် သူတို့စိတ်၌ မည်သို့မျှ မထိခိုက်၊ ဝန်မ လေး။

There was no love lost between them. ဟူသော စကားရပ်ကို အဖြောင့် ဘာသာပြန်ရလျှင်-

“သူတို့အတွင်း ချစ်ခင်မှုပျောက်ဆုံးခြင်းမရှိဟု ဆိုရပါမည်။ သို့သော် အဓိပ္ပာယ်မှာ “သူတို့ တစ်ယောက်နှင့်တစ်ယောက်မတည့်ကြ” ဟူ၏။

After a violent quarrel, there was no love lost between her and her mother-in-law.

အကြီးအကျယ်ရန်ဖြစ်ကြပြီးနောက် သူမနှင့် သူမ၏ ယောက္ခမကြီးတို့ အပေါက်အလမ်းမတည့်ကြ တော့ပေ။

Scarce ဆိုသည်မှာ “လိုသလောက်မရ၊ ရှားသည်” ဟု အဓိပ္ပာယ်ပေးသည်။ make oneself scarce ဆိုလျှင် “မိမိကိုယ်ကို မိမိရှားအောင်၊ လိုသလောက်မရအောင် လုပ်သည်” ဟု အဓိပ္ပာယ်ထွက်စရာ ရှိသည်။ သို့သော် ထိုဝေါဟာရ၏ အဓိပ္ပာယ်မှာ “ရှောင်သွားသည်၊ ထွက်ခွာသွားသည်၊ လစ်သည်” ဟူ၍ ဖြစ်၏။

When the audience became more aggressive I made myself scarce.

ပရိသတ်က ပိုမိုကြမ်းလာသောအခါ ကျွန်တော် လစ်သည်။

တက္ကသိုလ် ထင်ကြီး

 
The Melting Pot 4 U - Learning English