လက်ထောက်ဆရာဝန်ရာထူး လစ်လပ်နေရာ ၁၀၀၀ ကျော်အတွက် လျှောက်လွှာများ ခေါ်ယူနေပြီး ယခုနှစ် မတ်လအထိ ဘွဲ့ရပြီးသူများ လျှောက်ထားနိုင်

ကျန်းမာရေး ၀န်ကြီးဌာန ကျန်းမာရေး ဦးစီးဌာနတွင် လစ်လပ်လျက်ရှိသည့် လက်ထောက်ဆရာဝန်ရာထူး ၁၁၆၄ နေရာအတွက် လျှောက်လွှာများ ခေါ်ယူလျက်ရှိပြီး ၂၀၁၃ ခုနှစ် မတ်လအထိ M.B.B.S ဘွဲ့ရပြီးသူများပါ လျှောက်ထားနိုင်ကြောင်း ပြည်ထောင်စု ရာထူးဝန်အဖွဲ့ ထုတ်ပြန်ချက်အရ သိရသည်။

လျှောက်ထားသူများ အနေဖြင့် ပြည်ထောင်စုသမ္မတ မြန်မာနိုင်ငံသား ဖြစ်ရမည်ဖြစ်ပြီး ၂၀၁၃ ခုနှစ် စက်တင်ဘာ ၁၇ ရက်တွင် အသက် ၃၅ နှစ်ထက် မကျော်လွန်သူ ဖြစ်ရမည်ဖြစ်ကြောင်းနှင့် ကျန်းမာရေး ကောင်းမွန်ပြီး နေရာဒေသမရွေး သွားရောက်တာဝန် ထမ်းဆောင်နိုင်သူ ဖြစ်ရမည်ဖြစ်ကြောင်း သိရသည်။

လျှောက်လွှာများကို ပြည်ထောင်စု ရာထူးဝန် အဖွဲ့ရုံး ရုံးအမှတ် (၁၇)နေပြည်တော် (သို့) သက်ဆိုင်ရာ တိုင်းဒေသကြီး/ပြည်နယ်အစိုးရ အဖွဲ့ရုံးများ၌ ၀ယ်ယူလျှောက်ထားနိုင်ပြီး စက်တင်ဘာ ၁၇ ရက် နောက်ဆုံးထား၍ လူကိုယ်တိုင် (သို့) စာတိုက်မှတစ်ဆင့် ပေးပို့လျှောက်ထား ရမည်ဖြစ်ကြောင်း သိရသည်။

လျှောက်ထားရာတွင် မိမိတို့ အမှန်တကယ် ရေးဖြေစာမေးပွဲ ဖြေဆိုမည့် နေပြည်တော် (သို့) သက်ဆိုင်ရာ တိုင်းဒေသကြီး/ပြည်နယ်စာစစ်ဌာနကို တိတိကျကျ ဖော်ပြလျှောက်ထား ရမည်ဖြစ်ပြီး အဆိုပါ စာစစ်ဌာန၌သာ ရေးဖြေစာမေးပွဲကို ဖြေဆိုခွင့် ပြုမည်ဖြစ်ကြောင်းနှင့် လျှောက်လွှာပိတ်ရက်ထက် ကျော်လွန်ပေးပို့လာသည့် လျှောက်လွှာများကို လက်ခံသွားမည် မဟုတ်ကြောင်းလည်း သိရသည်။

ရေးဖြေစာမေးပွဲများကို နေပြည်တော်နှင့် တိုင်းဒေသကြီး/ပြည်နယ်စာစစ် ဌာနများတွင် ကျင်းပမည်ဖြစ်ပြီး ၂၀၁၃ ခုနှစ် ဒီဇင်ဘာ ၇ ရက်နှင့် ၈ ရက်တို့တွင် မြန်မာစာ၊ အင်္ဂလိပ်စာနှင့် အထွေထွေဗဟုသုတ ဘာသာများကို ဖြေဆိုရမည်ဖြစ်ကြောင်း သိရသည်။

စာမေးပွဲဖြေဆိုခွင့် ကတ်ပြားများကို ၂၀၁၃ ခုနှစ် ဒီဇင်ဘာ ၅ ရက်မှစ၍ နေပြည်တော်နှင့် တိုင်းဒေသကြီး/အစိုးရ အဖွဲ့ရုံးများတွင် ထုတ်ပေးသွားမည်ဖြစ်ပြီး အသေးစိတ် သိလိုပါက ပြည်ထောင်စုရာထူးဝန် အဖွဲ့ရုံးသို့ ဆက်သွယ်စုံစမ်းနိုင်ကြောင်း သိရသည်။

Eleven