ရန်ကုန်၊ သြဂုတ်၂၁
၂၀၁၄ တွင် ကျင်းပမည့် ကမ္ဘာ့ဖလား ဘောလုံးပွဲ လက်မှတ်များကို ဖီဖာ
ဝက်ဘ်ဆိုက်တွင် စတင် ရောင်းချသည့် ပထမ ခုနစ်နာရီအတွင်း အွန်လိုင်းမှ
တစ်ဆင့် လက်မှတ် ဝယ်လိုကြောင်း လျှောက်ထားသူ တစ်သန်းကျော် ရှိကြောင်း ကမ္ဘာ့
ဘောလုံးအဖွဲ့ချုပ် ဖီဖာက သတင်း ထုတ်ပြန်ထား သည်။ ဝယ်လိုကြောင်း
လျှောက်ထားသူ အများစုသည် ဘရာဇီး နိုင်သားများ ဖြစ်ပြီး အာဂျင်တီးနား နိုင်ငံသားများ၊ အမေရိကန်ပြည်ထောင်စု၊ ချီလီနှင့် ဗြိတိန်နိင်ငံမှ ဘောလုံး ဝါသနာအိုးများ ပါဝင်ကြောင်း ဆက်လက် ထုတ်ပြန်ထားသည်။
၂၀၁၄ ခုနှစ် ဇွန်လ ၁၂ ရက်နေ့တွင် ကစားမည့် အဖွင့် ပွဲစဉ်နှင့်
ရီယိုးဒီဂျနဲရိုးမြို့က မာရာကားနား ဘောလုံးကွင်းတွင် ကစားမည့်
ဗိုလ်လုပွဲစဉ်များသည် လူအဝယ်များသည့် ပွဲစဉ်များ ဖြစ်သည်။ ကမ္ဘာ့ဖလား
လက်မှတ်များကို အောက်တိုဘာ ၁၀ ရက်နေ့အထိ ဖီဖာ ဝက်ဆိုက်ဘ်မှ တစ်ဆင့်
ဝယ်ယူနိုင်ပြီ ဖြစ်သည်။
Subscribe to:
Post Comments (Atom)
No comments:
Post a Comment