အမေရိကန်ကောလိပ် သိသင့်စရာများ

အမေရိကန်ပြည်ထောင်စုမှာ ကောလိပ်ပညာသင်တော့မယ်ဆိုရင် နှစ်မျိုးခွဲပြောရမယ်။ တမျိုးက အခြေချနေထိုင်သူလား ဒါမှမဟုတ် နိုင်ငံခြားကလာပြီး ပညာသင်ကြားမည့်သူလား ဆိုပြီးရှိတယ်။  ကျနော်နှစ်မျိုးလုံးကို တင်ပြပေးပါ့မယ်။ အခြေချနေထိုင်သူများအတွက် ပညာရေးထောက်ပံ့မှုရံပုံငွေ လျှောက်ထားနိုင်ပုံများကိုလည်း တင်ပြပေးသွားပါမည့်။ ပညာသင်ကြားကြမည့် ညီအကိုမောင်နှများ အောင်မြင်ရာလမ်းကြောင်းကို အလွယ်တကူရရှိစေလိုသည့် ရည်ရွယ်ချက်ဖြစ်ပါတယ်။ ဒီလိုတင်ပြခြင်းဖြင့် အခြေချနေထိုင်သူများထဲမှာ ပညာရေးစိတ်ဝင်စားသူများနှင့် မြန်မာနိုင်ငံမှ လေ့လာလိုသူများအတွက် အထောက်ကူပြုစေရန် မျှော်လင့်ပါတယ်။

အမေရိကန်ပြည်ထောင်စု ပညာရေးပေါ်လစီ

 အမေရိကန်ပြည်ထောင်စုပညာရေးစနစ်က မသင်မနေရ ပညာရေးစနစ်ဖြစ်ပြီး။ အစိုးရမှ အထက်တန်းကျောင်း အထိ ထောက်ပံ့မှုပေးပါတယ်။ ဒီနေရာမှာ ချွင်းချက်အဖြစ် ရှေးရိုးခရစ်ယာန် ထုံးလမ်း အစဉ်လာများဖြင့် နေထိုင်သူ Amish များကိုတော့ သူတို့ရဲ့တောင်းဆိုမှုအတိုင်း Amish ကလေးငယ်များကို လေးတန်း သို့မဟုတ် ဆယ်နှစ်သားအထိသာ ပညာသင်ယူခွင့်ပြုထားပါတယ်။

ဒီနေရာမှာ ဗဟုတုတအဖြစ် တင်ပြလိုတာက Amish များကို ဒီလို သီးခြားအခွင့်ရေး ပေးထားတော့ သာတူညီမျှမှု ကို ထိပါးစေတယ်လို့ ပြောလို့မရပါဘူး။ Amish များသည် အမေရိကန်ဖွဲ့စည်းပုံအရ ဘာသာရေး လွတ်လပ်ခွင့်ရှိသည်ဆိုသည့် အချက်အရ  သူတို့ယုံကြည်ရာ ဘာသာရေးအယူဆကို ရပ်တည်ပိုင်ခွင့်ရှိသည်။ Amish လူမျိုးများသည် ခေတ်သစ်ယဉ်ကျေးမှု အသိုင်းဝိုင်းမှ သီးခြားခွဲနေခြင်းမှာ လည်းကောင်းတို့၏ ဘာသာရေးယုံကြည်ချက် ဖြစ်သောကြောင့် အမေရိကန်ပြည်ထောင်စုအစိုးရမှ Amish ကလေးငယ်များ ပညာရေးကို ဖိအားပေးပိုင်ခွင့် မရှိပါ။  (ဓါတ်ပုံမှာ Amish မိသားစုတစုပုံ ဖြစ်ပါတယ်။)

အမေရိကန်ပြည်ထောင်စုမှာ လူတိုင်း မိမိကိုယ်ပိုင်ရွေးချယ်ပိုင်ခွင့် လွတ်လပ်မှုအရ အသက်(၁၆) နှစ်ပြည့်သူ လူငယ်လူရွယ်တိုင်းလည်း မိမိဆန္ဒအလျှောက် ပညာသင်ကြားမှုမှ နှုတ်ထွက်ခွင့်ရှိပါတယ်။ ဒါကတော့ အမေရိကန်ပြည်ထောင်စုပညာရေး နိဒါန်းပါ။

ပညာရေးထောက်ပံ့မှု ခံစားပိုင်ခွင့်
ပြည်ထောင်စုအစိုးရမှ ပညာရေးထောက်ပံ့မှု နှင့် ပြည်နယ်အစိုးရ ပညာရေးထောက်ပံ့မှု ဟူ၍ နှစ်မျိုးရှိပြီး။ ပညာရေးထောက်ပံ့မှုကို ပြည်ပမှ လာရောက်ပညာသင်ကြားသူ ကျောင်းသားများ ခံစားပိုင်ခွင့်မရှိပါ။ သို့သော် ပညာရည်ချွန် ဆုကြေးကိုတော့ မည့်သည့်ကျောင်းသားမဆို ခံစားပိုင်ခွင့် ရှိပါသည်။  အမေရိကန်အစိုးရ ထောက်ပံ့ကြေးကို အမေရိကန်နိုင်ငံသား သို့မဟုတ် တရားဝင်အမြဲတမ်းနေထိုင်ခွင့်ရှိသူများ ခံစားပိုင်ခွင့် ရှိပါတယ်။

ပညာရေးထောက်ပံ့ကို လူတဦးချင်း၏ ၀င်ငွေပေါ်မူတည်၍ ထောက်ပံ့တာဖြစ်သောကြောင့် ၀င်ငွေကောင်းသူများအဖို့ ခံစားခွင့်နည်းပါးသည်။  ပြည်ထောင်စုထောက်ပံ့ကြေးကို Federal Pell Grant လို့ခေါ်ပြီး တနှစ်ဝင်ငွေ ဒေါ်လာ ၁၂၀၀၀ အောက်ရှိသူများမှ ၀င်ငွေ လုံးဝမရှိသူများ အထိ အဆင့်ဆင့် ခွဲခြားပေးထားပြီး။ ပညာရေးထောက်ပံ့ကြေးရံပုံငွေကို လူတဦးစီ၏ ဆိုရှယ်နံပါတ်ဖြင့် စစ်ဆေးပေးအပ်သွားတယ်။ အမေရိကန်ပြည်ထောင်စုရှိ ပြည်သူများနဲ့ နိုင်ငံခြားသား အားလုံးကို ထိန်းချုပ်တဲ့ဌာန တခုက SSA ( United States of America Social Security Administration ) ဖြစ်ပါသည်။ သူကဂဏန်းသင်္ကေတ ကိုးလုံးနဲ့ လူတိုင်းကို မှတ်သားထားပြီး။ နိုင်ငံသားမှတ်ပုံတင်ဌာနနှင့် သတ်သတ်စီ သီးခြားစီမံခန့်ခွဲတဲ့ စနစ်ဖြစ်ပါသည်။ မွေးဖွါးခြင်း လက်ထပ်ခြင်း သေဆုံးခြင်း စသည်မှ စပြီး ပုဂ္ဂိုလ်တဦးတယောက်စီ၏ ဆိုင်ရာအချက်အလက်များ (Public Record Profile ) များမှစပြီး ထိုသူ၏ အစိုးရပိုင်းဆိုင်ရာအစီရင်ခံစာ အချက်အလက်များ၊ ပြည်ထောင်စု စုံစမ်းစစ်ဆေးရေးဗျူရိုဖိုင်များ အပါဝင် အထွေထွေ အချက်အလက် မှတ်သားရာတွင် အသုံးပြုသော သင်္ကေတဂဏန်း အမှတ်သားဖြစ်ပါသည်။ ဌာန၏ အကျိုးသက်ရောက်ပုံမှာ လူပုဂ္ဂိုလ်၏ လူမှုရေး စီးပွါးရေး နိုင်ငံရေး ဘဏ်စာရင်း ရာဇ၀တ်မှုမှတ်တမ်း အသက်အာမခံခံစားခွင့် အသက်ပြည့်ပင်စင်စားခွင့် ကျန်းမားရေးပင်စင်စားခွင့် အထိဘယ်နေရာမှမကျန်တဲ့ အကျိုးသက်ရောက်မှုပါ။ဆိုရှယ်နံပါတ်အကြောင်း မသိသေးသူများ ပိုသိလိုပါက ကျနော်အရင်က ရေးထားပေးဖူးတယ် ဒီမှာနှိ်ပ်ပြီး ဖတ်ပါ။ ပညာရေးထောက်ပံ့မှုကိစ္စလေး ဆက်ရအောင်။

Federal Pell Grant ကျောင်းသားတယောက်ကို တနှစ်လျှင် အမြင့်ဆုံး ဒေါ်လာ ၅၅၆၀ ထောက်ပံ့ပြီး။ မိမိတို့ ပြည်နယ်အလိုက် State grant များလည်း သီးခြားရှိပါသေးတယ်။ Federal Pell Grant ဖြင့်ရရှိတဲ့ ထောက်ပံ့ငွေက ပြန်ပေးစရာမလိုပါ ၀င်ငွေနည်းသည့် ကျောင်းသားတိုင်း အတွက် အစိုးရ၏ ထောက်ပံ့ငွေပါ။ ချေးငွေ (Loan) မဟုတ်ပါ။ ဒီနေရာမှာ တွေးစရာရှိပါတယ်။ ဒီလိုထောက်ပံ့တော့ ငွေတွေကို ကျောင်းသားက အလကားထိုင်သုံးနေရင် ဘယ်နှယ့်လုပ်မလဲ ဆိုတဲ့အချက်ပါ။ ကျောင်းသားတိုင်းကို Academic Progress Standards policy နှင့် စောင့်ကြည်နေပါတယ်။ ပေါ်လစီအရ လိုအပ်တဲ့ ကျောင်းခေါ်ချိန် အမှတ်များ မပြည့်မှီပါက Federal Pell Grant ကို ရုတ်သိမ်းပါတယ်။ ဒါကြောင့်နှင်းထူထူ လေမုန်တိုင်းကျကျ ကျနော်တော့ ကျောင်းကို အရောက်သွားပါတယ် (အဟီး ကြော်ငြာ ထိုးခြင်း)။


 နောက်တခုက Federal Pell Grant က ဒီဂရီတခု အထိသာပေးပါတယ်။ ဒီဂရီတခု ရပြီးသွားရင် ရှေ့လျှောက်သွားသမျှ ကိုယ်ရှင်းရပါတယ်။ အဲဒီမှာလည်း ကျောင်းသားက ဒီဂရီမယူဘဲ အတန်းတွေကို အကြာကြီးတက်နေလို့ရင်ကော ဆိုတာမျိုးလည်း မတွေးပါနဲ့။ ကျောင်းသားတိုင်းကို Educational Development Plan နှင့် ကွပ်ကဲနေတဲ့ Academic advisor ရှိပါတယ်။ ပြီးတော့ အချိန်ကာလသတ်မှတ်ချက်ရှိပါတယ်။ ဒီဂရီတခုကို သတ်မှတ်ထားတဲ့ အချိန်အတွင်းမှာ ပြီးအောင်တက်ရပါတယ်။ သို့မဟုတ်ရင် Federal Pell Grant မှ ထောက်ပံ့မှုကို ရပ်ဆိုင်းလိုက်ပါတယ်။ ထောက်ပံ့ကြေးလျှောက်ထားပုံ ပညာရည်ချွန်ဆုနှင့် ပတ်သက်သည့် အသေးစိတ်ကိုလည်း သီးခြားရေးပေးပါမယ်။   



အတန်းတက်ရန်
အသက်(၂၁) နှစ်အောက် အခြေချလာသူများအဖို့ ကောလိပ်ပညာရေးအတွက် GED ( General Education Diploma ) လိုအပ်ပါတယ်။ အသက် (၂၁) နှစ်နှင့် အထက်များနှင့် နိုင်ငံခြားမှ ကျောင်းလာတက်သူ (Under graduate) များအတွက်  အရင်ဆုံး ၀င်ခွင့်ဖြေရပါတယ်။ မိမိတက်မည့် ကျောင်းတည်ရှိရာ ပြည်နယ်အလိုက် အနည်းငယ်ကွဲပြားမှု ရှိသည်မှလွဲပြီး အကုန်လုံးတူပါတယ်။ အရေးကြီးဆုံးက အင်္ဂလိပ်စာ အရေးနှင့်အဖတ်ကို ပထမဦးစားပေးစစ်ပါတယ်။ အဲဒီမှာ လိုအပ်တဲ့ အဆင့်မရသေးရင် ESL ( English Second Language) program ကိုတက်ရပါတယ်။ ကိုယ့်အင်္ဂလိပ်စာ အဆင့်တန်းပေါ်မူတည်ပြီး  ESL သက်တမ်းကြာမြင့်ပါတယ်။

ဒီနေရာမှ တခုအမှတ်မှားနေကြတာလည်းရှိသေးတယ်။ တချို့အခြေချလာသူများက အမေရိကန်ကောလိပ်နှင့် တက္ကသိုလ် ၀င်ခွင့်နှင့် ESL အတူတူထင်နေကြခြင်းပါ။ အထင်မှားပြီး အင်္ဂလိပ်လိုရေးနိုင်ဖတ်နိုင်ရင် အမေရိကန် ကောလိပ်တက်လို့ရတယ်လို့ ထင်နေကြသူများလည်းရှိတယ်။ လုံးဝ မှားနေပါတယ်။ ESL အဆင့်က အမေရိကန် ကောလိပ်ဝင်ခွင့်အတန်းတွေကို ၀င်ရောက်ဖြေဆိုနိုင်ဖို့ သင်ကြားခြင်းသာဖြစ်ပြီး။

ESL အဆင့်တွေပြီးသွားရင် မိမိလျှောက်ရာ ဘာသာရပ်အတွက် စံနှုန်းသတ်မှတ်ထားတဲ့ ဘာသာရပ် အမှတ်တွေရအောင် အတန်းတက်ပြီး ဖြည့်ရပါသေးတယ်။  ဆိုပါစို့ဗျာ သိပ္ပံတွဲယုမည့်သူက သချာင်္၊ နိုင်ငံရေး၊ ကောလိပ်အဆင့်စာရေးတန်း၊ ဘိုင်အိုနှင့် ဆိုရှယ် စသည်ဖြင့် မိမိဘာသာရပ်ပေါ်မှုတည်၍ သတ်မှတ်ထားတဲ့ စံနှုန်းပြည့်အောင် ဖြေပေးရပါတယ်။

နိုင်ငံခြားမှ ကျောင်းလာတတ်သူများက မိမိတို့ဆိုင်ရာ တိုင်းပြည်မှ အောင်လက်မှတ်များပြသော်လည်း Required ဘာသာရပ်အမှတ်တွေ အတွက် ကျောင်းက Entrance ဖြေခိုင်းလေ့ရှိတယ်။ အဲဒီမှာ မိမိအမှတ်က သတ်မှတ်ထားတဲ့ စံနှုန်းမှီလျှင် မိမိဘာသာရပ်အတန်းများကို စတင်တက်ရောက်နိုင်ပါပြီ။ မမှီဘူးဆိုပါက အဲဒီ Required classes များကို တက်ရပါအုန်းမယ်။ အခုကျနော်ပြောတာ အမေရိကန်အစိုးရကျောင်းတွေပါ။ နောက်မှ အပြင်ကျောင်းတွေ ကိစ္စသတ်သတ်ရှင်းမယ်။ 


( အပျင်းကြီးတာကြောင့်အဆုံးမသတ်နိုင်ပါ ဆက်ရေးပေးသွားပါအုန်းမည် )

ရဲမင်းထွန်း

Ye Min Tun