အသက် ၁၈ နှစ်ပြည့်မှ ဖတ်ပါ ဆေးစာများ - Abortion Complications ကိုယ်ဝန်ဖျက်ခြင်းရဲ့ နောက်ဆက်တွဲများ

အသက် ၁၈ နှစ်ပြည့်မှ ဖတ်ပါ (၃၆)

အမျိုးသမီးတွေမှာ ကိုယ်ဝန်ဆောင်-ကလေးဖွါးတာဟာ အသက်ဖက်နဲ့ ထုပ်ထားရသလို အန္တရာယ်ကြီးလှတယ်။ ဒီလို မျိုးပွါး-ကျန်းမာရေး ကိစ္စတွေနဲ့ သေဆုံးကြရတဲ့ ထိပ်ဆုံးအကြောင်းရင်းတွေထဲမှာ သားပျက်ရာ ပိုးဝင်တာလဲပါတယ်။ တိုင်းပြည်တိုင်းတော့ မဟုတ်ဘူး လူတွေ အများဆုံး နေကြရပြီး၊ အများဆုံး ဆင်းရဲမွဲတေမှုတွေရှိတဲ့ နေရာဒေသတွေမှာ ပိုများနေတာကို ပြောတာ။ ဒီအထဲမှာ တရားမဝင် သားဖျက်ရာကနေ ဖြစ်ကြရတာက တကမ္ဘာလုံးမှာ တနှစ်ကို အမျိုးသမီးပေါင်း ၆၈ဝဝဝ ယောက်ရှိတယ်။ အမေရိကားမှာ ၇ ယောက်သာရှိလို့ လူတွေ အဲလိုနိုင်ငံတွေကို သွားချင်ကြတာ အပြစ်ဆိုလို့ မရတော့ဘူး။

Septic abortion ဆိုတာ ကိုယ်ဝန် ပျက်ရင်း-ဖျက်ရင် ပိုးဝင်လာတာကို ခေါ်တာ။ ပိုးက နည်းအမျိုးမျိုးနဲ့ ဝင်နိုင်တယ်။ ဝင်သွားလို့ သားအိမ် အတွင်းဆုံးအလွှာ ရောင်ရင် Endometritis ဖြစ်မယ်။ သေသေခြာခြာ ဆေးမကုရင် ပိုးက ဆက်ပျံ့နှံ့ လိမ့်မယ်။ နောက်ဆုံး ဗိုက်ကိုအထဲမှာ ဖုံးထားပေးနေတဲ့ အလွှာကို ရောင်စေတဲ့ Peritonitis ဖြစ်တာဟာ အရေးပေါ် ခွဲစိတ်ရောဂါ တခုပါ။ အများဆုံး ဖြစ်မှာတော့ Pelvic inflammatory disease (PID) တင်ပါးဆုံတွင်း အင်္ဂါတွေ ရောင်တာ ဖြစ်ပါတယ်။

သားပျက်ရာ ပိုးဝင်သူတွေ ရာသီထိန်မယ်၊ ဖျားမယ်၊ ချမ်းမယ်၊ ဗိုက်နာမယ်၊ မွေးလမ်းကနေ သွေးဆင်းမယ်၊ ဆင်းတာက အနံ့ရှိမယ်၊ ခါးကိုက်မယ်၊ သွေးဖိအား ကျနေမယ်၊ ကိုယ်မပူဘဲ အေးနေတာလဲ ရှိတတ်တယ်၊ ဆီးအောင်တာ ဖြစ်ဖြစ် ဆီးနဲတာ ဖြစ်ဖြစ် ရှိမယ်၊ အသက်ရှူတာ ခက်မယ်၊ လိင်ကတဆင့် ကူးစက်ရောဂါ လက္ခဏာတွေနဲ့ တွဲနေတတ်တယ်၊

ကိုယ်လဲပူ၊ ဗိုက်လဲ အတင်းနာလို့ Acute Appendicitis အူအတက်ရောင်တာနဲ့ မှားတတ်တယ်။ ပုံမှန်ကိုယ်ဝန် ဆိုတာလဲ မမေ့ရဘူး။ Urinary Tract Infections ဆီးလမ်း ပိုးဝင်တာတွေနဲ့ ဆင်တူတာကို ခွဲခြားရမယ်။ Dysfunctional Uterine Bleeding သွေးဆင်း ပုံမမှန်တာ၊ Shock ရှော့ခ်ရတာ နဲ့ Septic သွေးထဲ ပိုးဝင်တာတွေနဲ့လဲ ဆင်တူတတ်တယ်။ Dysmenorrhea ရာသီလာချိန် နာတာ၊ Trauma ထိခိုက်မိတာ။ ဒါတွေအပြင် Ovarian Cysts မျိုးဥအိမ် အလုံး၊ Vaginitis မွေးလမ်းကြောင်း ရောင်၊ Ovarian Torsion မျိုးဥအိမ် လိမ်နေတာ၊ Pelvic Inflammatory Disease တင်ပါးဆုံတွင်း အင်္ဂါတွေ ရောင်တာ၊ Pregnancy ရိုးရိုးကိုယ်ဝန်၊ Ectopic သားအိမ်ပြင် ကိုယ်ဝန်တည်တာ၊ တခြား ရှားပါးတာတွေလဲ ရှိသေးတယ်။

ဆေးရုံ-ဆေးခန်းတွေမှာ လုပ်တာရပေမဲ့လဲ ကိုယ်ဝန်ဖျက်ခြင်းမှာ နောက်ဆက်တွဲတွေ မကင်းပါ။ ရောဂါနောက်ဆက်တွဲ၊ မေ့ဆေး နောက်ဆက်တွဲ၊ ဆေးဝါး နောက်ဆက်တွဲ၊ ခွဲစိတ်မှု နောက်ဆက်တွဲ။ တချို့မှာ Uterine perforation သားအိမ် ပေါက်ထွက်သွားတာ တွေ့ရတတ်တယ်။ Bowel injury အူထိခိုက်ထားတာ၊ Bladder injury ဆီးအိမ် ထိခိုက်တာတွေလဲ ဖြစ်နိုင်တယ်။ ပိုးက သွေးထဲရောက်သွားတာလဲ အတော်ဆိုးတယ်။

ဘာလို့ဖြစ်ရသလဲ
• သားပျက်လို့ ထွက်ရမဲ့အရာတွေက သားအိမ်ထဲမှာ ကျန်နေရာကနေလဲ ဖြစ်တယ်။
• ဖျက်ဘို့သုံးတဲ့ ပစ္စည်း-နည်းတွေ ကြောင့်လဲ ဖြစ်တယ်။
• မွေးလမ်းကြောင်း ထဲမှာ အမြဲလိုလို ရှိနေကြတဲ့ (ဗက်တီးရီးယား) တွေက အထက်ကို တက်လာရာကနေ ပိုးဝင်နိုင်သလို လိင်ကတဆင့် ကူးစက်ရောဂါပိုးတွေကြောင့်လဲ ဖြစ်တယ်။ ပိုးအမျိုးအစားတွေကတော့ E coli, B beta-hemolytic Streptococci, Staphylococcal, Bacteroides, Neisseria gonorrhoeae, Chlamydia trachomatis, Clostridium perfringens, Mycoplasma hominis နဲ့ Haemophilus influenza တွေ ဖြစ်တယ်။

ဘာတွေလုပ်မရမလဲ
• Ultrasund အာလ်ထွာ-ဆောင်း ရိုက်၊
• Beta-human chorionic gonadotropin (hCG) ကိုယ်ဝန် ဆီးစစ်တာ လုပ်မယ်။
• Septic abortion ပိုးဝင်နေရင် တခါတည်း D and C သားအိမ် မခြစ်သေးဘဲ နေရသေးတယ်။ ဒါမှမဟုတ်
• Oxytocin ဆေးသွင်းတာနဲ့ ကျစေရမယ်။
• လိုအပ်ရင် Dextrose Water, Dextrose Saline, Ringer’s Lactate, Normal Saline ဆေးသွင်းပေး၊
• အောက်စီဂျင်လဲ လိုခြင်လိုမယ်။
• ဆေးရုံ ရောက်တာနဲ့ ဆေးစစ်-သွေးစစ်တာတွေ လုပ်မယ်။
• နာနေတာ၊ ဖျားနေတာတွေ အတွက် Antibiotics ဆေးတွေ ပေးမယ်။
• မေ့ဆေးအတွက် ပြင်ဆင်မယ်။
• သွေးသွင်းဘို့ လိုနိုင်တယ်။
• Uterine atony သားအိမ်က အလုပ်မလုပ်ရင် Oxytocin ဆေးသွင်းပေးမယ်။ ဒါမှမဟုတ် Intracervical vasopressin or Carboprost tromethamine ဆေးကို သားအိမ်အဝထဲထည့်ပေးမယ်။
• D and C သားအိမ်ခြစ်တာ လုပ်ရနိုင်တယ်။ ခြစ်ပြီးနောက်မှာလိုလို့ ထပ်လုပ်ရတာလဲ ရှိတယ်။
• မရတဲ့အဆုံး သားအိမ် ထုတ်ပြစ်ရသူလဲ ရှိနိုင်သေးတယ်။

Management of Septic Abortion ကိုယ်ဝန် ပျက်ရင်း-ဖျက်ရင်း ပိုးဝင်လာတာကို ဘယ်လိုကုသမလဲ
• အရေးပေါ်မီးယပ်ရောဂါလို့ သတ်မှတ်တယ်။ ပိုးအမျိုးတွေကများလို့ အသုံးပြုတဲ့ ပဋိဇီဝဆေးတွေကလဲ များလှတယ်။ Antibiotics Tripple Regime ပိုးသေဆေး (၃) မျိုး တွဲပေးရတယ်။ (၁) Ampicillin 1-2G တနေ့ ၄ ကြိမ်၊ ၂၄-၄၈ နာရီ။ (၂) Metronidazole 500 mg တနေ့ ၃ ကြိမ်၊ ၂၄-၄၈ နာရီ။ (၃)Gentamycin 80 mg တနေ့ ၃ ကြိမ်၊ ၅ ရက်။ (၄) Other useful Antibiotics တခြားပိုးသေဆေးတွေကတော့ Cephalosporins IV Cefuroxime 750-1500 mg တနေ့ ၃-၄ ကြိမ်၊ ၂၄-၇၂ နာရီ။ Ofloxacin, Ciprofloxacin 400 mg တနေ့ ၁ ကြိမ်။

• D and C ပိုးသေဆေးပေးပြီး သားအိမ်ခြင်းခြင်း၊
• မေ့ဆေးနဲ့လုပ်မယ်။ သားအိမ် ပေါက်မသွားအောင်အထူးသတိထားပါ။
• နာတာသက်သာအောင် IM Pethadine 100 mg ၄-၆ နာရီတခါထိုးပေးပါ။ Promethazine 25 mg ၈-၁၂ နာရီတခါ၊ ၂၄-၄၈ နာရီအထိ တွဲထိုးပါ။
• ATT 0.5 mg + Human Immuno Tetanus Globulin 250-500 IU မေးခိုင်ကာကွယ်ဆေး (၂) မျိုးထိုးပေးပါ၊

Complications နောက်တွဲဖြစ်နိုင်တာ
E. Coli, Klebsiella, Proteous, Bacteroids ဆိုးတဲ့ပိုးတွေကနေထွက်တဲ့ အဆိပ်အတောက်ကြောင့် Septic Shock (ရှော့ခ်) ဖြစ်နိုင်တယ်။ အရေးပေါ်ဆေးကုသမှုလုပ်ရမယ်။

Medical abortion ကိုယ်ဝန်ဖျက်ဆေးတွေရဲ့ ဘေးထွက်-ဆိုးကျိုးများ
(၁) Cytotec Side Effects ဘေးထွက်-ဆိုးကျိုးများ
အန်၊ လေတက်၊ ဝမ်းချုပ်၊ ခေါင်းကိုက်၊ ရာသီလာစဉ်နာခြင်း၊ ရာသီမမှန်ခြင်း

(၂) Mifepristone (Mifeprex ) ဘေးထွက်-ဆိုးကျိုးများ
ပျို့၊ အန်၊ ဝမ်းပျက်၊ အားနည်း၊ ခေါင်းမူး။ ဒီလိုဖြစ်နောက ၂၄ နာရီကျော်အထိကြာရင် ဆရာဝန်ပြပါ။
သွေးဆင်းမယ် (ကိုယ်ဝန်အရင့်အနုအပေါ်မူတည်မယ်)၊ ကြွက်တက်သလိုနာမယ်။ ဗိုက်နာမယ်။ တချို့မှာ ဖျားမယ်။

(၃) Methotrexate (စားဆေး) ဘေးထွက်-ဆိုးကျိုးများ
အန်၊ အစာမကျေ၊ ခေါင်းကိုက်၊ ခေါင်းမူး၊ မောပန်း၊ မျက်စိကြည့်မကောင်း။ အရေအတွက်နည်းသူတွေမှာ (အလာဂျီ) ရတာနဲ့ ဆိုးဝါးတာတွေဖြစ်နိုင်။

ဒေါက်တာတင့်ဆွေ
၁၄-၁-၂ဝ၁၁