ဝါဆိုမည်ဆန်း မြတ်သင်္ကန်း လှူဒါန်းမြဲလျှင် သောတာပန်နှယ် ဂုဏ်ရည်ကြွယ် အပါယ် လွတ်ကင်းစင်။
ဤကား ဝါတွင်းကာလ အခါ သမယတွင် မြင်တွေ့ ကြားသိရမြဲဖြစ်သော ဝါဆိုသင်္ကန်း လှူဒါန်းမှုနှင့်စပ်လျဉ်း သည့် အဆိုအမိန့် ကလေး တစ်ခုပင် ဖြစ်ပါသည်။ ဗုဒ္ဓ ဘာသာဝင်တို့ အထွတ်အမြတ် ထားရာ ရတနာ မြတ်သုံးပါး ဖြစ်သော ဘုရားရတနာ၊ တရားရတနာ၊ သံဃာ ရတနာတို့တွင် ဒါနကောင်းမှု ပြုကြမည့် သူများအတွက် ဘုရားရှင် ကိုယ်တော်တိုင် နှုတ်မြွက် ဟောကြား ညွှန်ပြခဲ့သည်မှာ သံဃာရတနာ ဖြစ်ပါသည်။ သံဃာကို လှူခြင်း သည် ငါဘုရားနှင့် တကွ ပွင့်တော်မူ ပြီးကုန်သော ဘုရားရှင် အဆူဆူတို့ကို လှူခြင်း မည်၏ဟု ဟောကြား ခဲ့ပါသည်။ ဤတွင် သံဃာကို ကြည်ညို နိုင်စေရန် သံဃာ့ဂုဏ်တော် ကိုးပါးကို ဦးစွာ ဖွင့်ဆိုကြပါမည်။
၁။ သုပ္ပဋိပန္နော ဘဂဝတော သာဝကသံဃော၊ ဘဂဝတော မြတ်စွာ ဘုရား၏ သာဝက သံဃော တပည့်သား အပေါင်း သံဃာတော် သည် လောဘ၊ ဒေါသ၊ မောဟကင်းကြောင်း သီလ၊ သမာဓိ၊ ပညာအကျင့်ကောင်း တို့ကို ကောင်းစွာ ကျင့်တော်မူသော သံဃာတော်မြတ် တို့၏ဂုဏ်။
၂။ ဥဇုပ္ပဋိပန္နော၊ ကိုယ်နှုတ်စိတ်ထား အကောက်သုံးပါး ကင်းရန် ဖြောင့်မှန်စွာ ကျင့်တော်မူသော သံဃာတော် မြတ်တို့၏ဂုဏ်။
၃။ ဉာယပဋိပန္နော၊ ဆင်းရဲငြိမ်းရန် နိဗ္ဗာန် အလို့ငှာ သင့်လျော်စွာ ကျင့်တော်မူသော သံဃာတော် မြတ်တို့၏ဂုဏ်။
၎။ သာမိစိပ္ပဋိပန္နော။ သူများက ပြုသည့် ရိုသေမှုနှင့် သင့်တင့် ထိုက်တန်အောင် ကျင့်တော်မူသော သံဃာတော် မြတ်တို့၏ ဂုဏ်တို့နှင့် ပြည့်စုံတော် မူကြပါပေ၏။
ထိုဂုဏ်တော်တို့နှင့် ပြည့်စုံတော် မူကြသော မဂ္ဂဌာန် ပုဂ္ဂိုလ် လေးပါး၊ ဖလဌာန် ပုဂ္ဂိုလ်လေးပါးဟု ဆိုအပ်သော ရှစ်ပါးသော အရိယာ သံဃာတော်တို့နှင့် တကွ ယခုရှိတော် မူကြကုန်သော သမုတိ သံဃာတော် အရှင်မြတ် အပေါင်း တို့သည်-
၅။ အာဟုနေယျော၊ အရပ်ဝေးမှ သော်လည်း ဆောင်လာ၍ ပေးလှူ ပူဇော်ထိုက် ပေးလှူသည်ကို ခံယူတော် မူထိုက်ပါပေ ၏။
၆။ ပါဟုနေယျော၊ ချစ်မြတ်နိုး အပ်သော ဧည့်သည်များ အတွက် အထူးပြုပြင် ထားသော စားကောင်း သောက်ဖွယ်ကို သော်လည်း ပေးလှူ ပူဇော်ထိုက် ပေးလှူသည်ကို ခံယူတော်မူ ထိုက်ပါပေ၏။
၇။ ဒက္ခိဏေယျော၊ နောင်တမလွန် လောက၌ ကောင်းကျိုး ရမည်ဟု ယုံကြည်၍ ပေးလှူသည်ကို ခံယူတော် မူထိုက်ပါပေ၏။
၈။ အဉ္ဇလီကရဏီယျော၊ ကောင်းကျိုးချမ်းသာ မှန်စွာရ မည်ဟု ယုံကြည် မျှော်ကိုးလျက် လက်အုပ်မိုး၍ ရှိခိုးထိုက်ပါ ပေ၏။
၉။ အနုတ္တရံပုည ခေတ္တံလောကဿ၊ ကောင်းမှုမျိုးကို စိုက်ပျိုးရန် အလို့ငှာ သတ္တဝါ အပေါင်းတို့၏ အကောင်းဆုံး လယ်ယာမြေ ဖြစ်တော် မူပါပေ၏။
အထက်ပါ ကြည်ညိုဖွယ်ရာ ဂုဏ်တော်တို့နှင့် ပြည့်စုံ တော်မူသော သံဃာတော် အပေါင်းအား ရည်မှန်းလျက် သံဃိက ဒါနအဖြစ် လှူဒါန်း ဖွယ်ရာများ ဖြစ်သော ဆွမ်း၊ သင်္ကန်း၊ ကျောင်း၊ ဆေးပစ္စည်း လေးပါး လှူဒါန်းကြရာတွင် ကာလဒါန ဟု ခေါ်ဆိုအပ်သော အချိန်အခါနှင့် သင့်လျော်အောင် လှူဒါန်းခြင်း ဖြစ်သည်။ ယခုလို မိုးရာသီကာလ အခါသမယတွင် အသုံးပြုရန် လိုအပ်လှစွာသော ဝါဆိုသင်္ကန်း (ဝါ) မိုးရေခံ
သင်္ကန်းကို လှူဒါန်းရခြင်းသည် အလှူခံ ပုဂ္ဂိုလ်၏ လိုအပ်မှု အတိုင်းအတာ အလျောက် လှူဒါန်းခြင်း ဖြစ်သဖြင့် ယခုဘဝ တွင်သာမက သံသရာ ခရီးတိုင်အောင် အကျိုးကြီးမား လှပေ သည်ဟု ကျမ်းဂန်များတွင် မိန့်ဆိုပါသည်။
လူမှာအဝတ် တောင်းမှာအကွပ် ဆိုသည့်အတိုင်း အဝတ်မရှိလျှင် ဖြစ်စေ၊ အဝတ် ဟောင်းနွမ်း ညစ်ပေနေလျှင်ဖြစ်စေ မတင့်တယ်ပါ။ အဝတ်အစား လှလှ ဝတ်ဆင်ရလျှင် တင့် တယ်လှပလာ၏။ ထို့ကြောင့် အဝတ်အထည်နှင့် သင်္ကန်းလှူခြင်းသည် အဆင်းကို လှူဒါန်းသည်နှင့် တူ၏။ (သံ၊ ၁။၁၉။ သံ၊ဌ၊၁။၇၈)
အလှူရှင်သည် တူသော အကျိုးကို ရမည်ဖြစ်သည်။ အဝတ်အစား လှူသူသည် ဘဝအဆက်ဆက်၌ အဝတ်အစား ပြည့်စုံမည်ဖြစ်သည်။ သင်္ကန်း လှူသူသည် အလားတူ အကျိုး ရရှိမည့်အပြင် မြတ်စွာဘုရား ဧဟိဘိက္ခုခေါ်လျှင် သင်္ကန်း ပရိက္ခရာ အပြည့်အစုံ ရရှိနိုင်သည်။(ဓမ္မ၊ဌ၊၁။၂၄၉)
ထို့အပြင် အမျိုးသမီး ဘဝဖြင့်လည်း မဟလ္လတာ တန်ဆာကဲ့သို့ တန်ဖိုးကြီးမား မွန်မြတ်လှသော အဝတ်တန်ဆာကို ဆင်ယင်သုံးစွဲခွင့် ရရှိနိုင်သည်။ လူတိုင်းလူတိုင်း မိမိတို့ သွားရဦးမည့် သံသရာ ခရီးသည် မည်မျှ ရှည်လျား ဦးမည်ကို မသိရှိနိုင် ကြပေရာ အနည်းဆုံး အပါယ်လမ်းမှ လွတ်ကင်းဖို့ တော့ ကြိုးစား ကြရပေမည်။ အပါယ်လမ်းမှ လွတ်ချင်လျှင် လွတ်နိုင်သည့် ကုသိုလ်ကောင်းမှုများ ရှိပါသည်ဟု ဘုရားရှင်က ဟောကြား ထားခဲ့ရာ အပါယ်မလား ရောက်စေနိုင်သော ကုသိုလ်မှာ ခုနစ်မျိုး ရှိပါသည်။ ထိုကုသိုလ် ခုနစ်မျိုးတွင် နှစ်စဉ် ဝါဆိုသင်္ကန်း လှူဒါန်းခြင်းသည် ကုသိုလ်တစ်မျိုး အဖြစ် ပါဝင်နေပါသည်။
အပါယ်မလား စေနိုင်သောကုသိုလ် ခုနစ်မျိုးမှာ ၁။သရဏဂုံ သုံးပါးမြဲသူ၊ ၂။ ငါးပါးသီလ မြဲသူ၊ ၃။ နှစ်စဉ် သံဃာတော်များအား စာရေးတံမဲ လှူဒါန်းသူ၊ ၄။ နှစ်စဉ် သံဃာတော်များအား ဝါဆိုသင်္ကန်း လှူဒါန်းသူ၊ ၅။ သံဃာတော် များအား ဆယ့်ငါးရက် တစ်ကြိမ် ဆွမ်းဝတ်မြဲသူ၊ ၆။ ရေတွင်း၊ရေကန် လှူဒါန်းသူ၊ ၇။ သံဃာတော် များအား ရည်မှန်း၍ သံဃိကဒါန ကျောင်းဆောက်လုပ် လှူဒါန်းသူ ဤကုသိုလ်ခုနစ်မျိုးကို စွဲမြဲစွာပြုသူများကို အပါယ်မကြောက် ခုနစ်ယောက်ဟူ၍ ဟောကြားထားသည့် ကုသိုလ်များ ဖြစ်ပါသည်။
ဤမျှအရေးပါသော သံဃိကဒါန၊ သတ္တဝါအပေါင်းတို့ ၏ လက်ရှိဘဝနှင့် သံသရာ ဘဝခရီးတို့ အတွက် အကောင်းဆုံး လယ်ယာမြေ ဖြစ်တော်မူသော ဤသံဃိက ဒါနကို ပြုသူ သည် သောတာပန် ပုဂ္ဂိုလ်နှင့် ထပ်တူထပ်မျှ မြတ်သော အကျိုးကို ရရှိနိုင်ပေသည်ဟု ဆိုပါသည်။
ဤတွင် ဝါဆိုသင်္ကန်း လှူဒါန်းခြင်းနှင့် သောတာပန် အရိယာပုဂ္ဂိုလ် မည်သို့မည်ပုံ ဆက်စပ် နေပါသနည်းဟု သိလို၍ မေးမြန်း လာခြင်းများ ရှိနေပါသဖြင့် မိမိနားလည် သဘောပေါက်သလို ကုသိုလ်ဖြန့်ဝေခြင်း ဖြစ်ပါသည်။ ဆရာကြီး လုပ်လို၍ ရေးသားခြင်း မဟုတ်ကြောင်း ကြိုတင် ဝန်ခံထားပါမည်။
သောတာပန် ဆိုသည်မှာ အဘယ်နည်း။
ထေရဝါဒ ဗုဒ္ဓသာသနာတွင် ဝိပဿနာ တရားအလုပ် အားထုတ်ကြသော သူတော်ကောင်းတို့ ရည်မှန်းရာ နိဗ္ဗာန်သို့ သွားရာခရီးသည် အဆင့်လေးဆင့်ဖြင့် ရောက်အောင် သွားရ၊ အားထုတ် ကြရပါသည်။ ပထမအဆင့် အနေဖြင့် သောတာပန်၊ ဒုတိယ အဆင့် သကဒါဂါမ်၊ တတိယ အဆင့် အနာ ဂါမ်၊ စတုတ္ထ အဆင့် ရဟန္တာဟူ၍ ဖြစ်ပါသည်။ ပထမအဆင့် သောတာပန်ဟူသည့် သောတာပတ္တိ မဂ်ဉာဏ်ကို ရရှိပြီဆို လျှင်ပင် ထိုသောတာပန် ပုဂ္ဂိုလ်သည် ငရဲ။ တိရစ္ဆာန်၊ ပြိတ္တာ၊ အသူရကာယ် ဟူသော အပါယ်လေးဘုံမှ ကင်းလွတ်ပြီး ဖြစ်ပါတော့သည်။
အရိယာစစ်ဖြစ်၊ မဖြစ်ကို ရှစ်ချစ်ဘုရား အပထား၍ တခြားသူငါ သိဖို့ရာ လွန်စွာ ခဲယဉ်းသည်ဟူသော ဆိုစကားအရ သောတာပန် ပုဂ္ဂိုလ်ဖြစ်၊ မဖြစ်ကို မိမိကိုယ်မိမိပင် ဆန်းစစ်လေ့လာ ကောက်ချက်ချရမှာ ဖြစ်သည်။ ဝိပဿနာ တရားအားထုတ်သူ ယောဂီသည် ၁။ မြင်ရာ၊ ကြားရာ၊ နံရာ၊ စားရာ၊ ထိတွေ့ရာ၊ တွေ့ကြုံရာ၌ ကောင်း၊ မကောင်း ခံစားရာ ၌ ငါစွဲအတ္တ တိတ္ထိ၊ သက္ကာယ တိတ္ထိ ကင်းလွတ်ကွာသည့် အဆင့် ရှိရမည်။ အတ္တတိတ္ထိကွာသည်ဟု ခေါ်ပါသည်။ ၂။ ရတနာ မြတ်သုံးပါး၌လည်းကောင်း၊ အစွန်းသုံးပါး၌ လည်းကောင်း၊ မိမိ အားထုတ်နေသော ဝိပဿနာ အကျင့်မြတ်၌ လည်းကောင်း၊ ပဋိစ္စသမုပ္ပာဒ်၌ လည်းကောင်း ယုံမှား သံသယ ကင်းရှင်းရမည်။ ဝိစိကိစ္စ ကင်းသည်ဟု ခေါ်ပါသည်။ ၃။ အဂတိ လိုက်စားမှု၊ ဘက်လိုက်မှု လုံးဝမရှိခြင်း၊ ကျေးဇူး မကန်းတတ်ခြင်း၊ မိမိထက် သာသူကို ဂုဏ်တုဂုဏ်ပြိုင် မပြုလိုခြင်း၊ မိမိ၌ မရှိသော ဂုဏ်ဖြင့် မကြွားဝါလိုခြင်း၊ ကိုယ့်ထက်သာသော သူကို မနာလိုမှု မရှိခြင်း၊ ဝန်တိုမှု ကင်းခြင်း၊ အရာရာကို ဖြစ်ပျက်မြင်မှုနှင့် အဆုံးသတ်ခြင်း၊ ပြုမိသော မကောင်းမှု ကို မဖုံးကွယ်ခြင်းတည်း ဟူသော သီလပဗ္ဗတပရာဟာသ ကင်းပြီးသော အဖြစ်နှင့် ပြည့်စုံခြင်း ဖြစ်သည်။
ဤသို့ ဂုဏ်ရည်ပြည့်စုံပြီ ဆိုလျှင် မျက်မှောက် ဘဝ၌ပင် ငြိမ်းအေးမှု ရရှိ၍ သူတော်ကောင်း ဥစ္စာရတနာ ခုနစ်ပါးဖြစ်သော သဒ္ဓါ၊ သီလ၊ သုတ၊ စာဂ၊ ပညာ၊ ဟီရိသြတ္တပ္ပ တို့နှင့် ပြည့်စုံကာ အရိယာပုဂ္ဂိုလ် ပထမဆုံး အဆင့်ဖြစ်သော သောတာပန် အဆင့်သို့ ရောက်ပြီဟူ၍ မိမိကိုယ်မိမိ မှတ်ယူနိုင်သည်။ ကျန်အဆင့် သုံးဆင့်ကို ဆက်လက် ကြိုးပမ်းလျှင်ကား ကိလေသာ အပြတ် ဝေးသည့် ငြိမ်းအေးသော နိဗ္ဗာန်ချမ်းသာ ဖြစ်သည့် သဥပါဒိသေသ နိဗ္ဗာန်ကို ခံစား ရရှိနိုင်ပေသည်။
ဤသို့ဤနှယ် ဂုဏ်ရည်ကြွယ်သော သောတာပန် အရိယာ ပုဂ္ဂိုလ်နှင့် အလားသဏ္ဌာန် တူစွာ အပါယ်လေးပါး မှ လွတ်ကင်းနိုင်သော ကုသိုလ် ခုနစ်မျိုးကို ကြိုးစား ဆည်း ပူးသင့်သည် မဟုတ်ပါလား။ ယင်းကုသိုလ် ခုနစ်မျိုးတွင် တစ်မျိုးအပါအဝင် ဖြစ်သည့် သံဃာတော် များအား နှစ်စဉ် ဝါဆိုသင်္ကန်း(ဝါ) မိုးရေခံ သင်္ကန်း လှူဒါန်းခြင်း ကုသိုလ်ကို အချိန်ရှိခိုက် လုံ့လစိုက်ကာ မလွတ်တမ်း ဖမ်းဆုပ် အရယူ နိုင်ကြ ပါစေကြောင်း စေတနာကောင်းဖြင့် ရေးသား လိုက်ရပါသည်။ ။
မြဝတီ
No comments:
Post a Comment