လာပါပြီ ဗမာပြည် လူမှုလိင်တစ်ပုဒ်

ကျွန်မလို့ပဲ ပြောပါရစေ။
ကျွန်မကို သူတို့ မကြိုဆိုကြဘူး။
ကျွန်မကို သူတို့ ရွံရှာစက်ဆုပ်တဲ့ အကြည့်နဲ့ ကြည့်တယ်။
ကျွန်မကို သူတို့ ပါးစပ်ကနေ မကြားတကြား လှောင်ပြောင်သရော်တယ်။
မဟုတ်ဘူး မဟုတ်ဘူး ကျွန်မကို သူတို့ထဲက တစ်ယောက်ယောက်
မဟုတ်ဘူး မဟုတ်ဘူး ကျွန်မကို သူတို့အားလုံးပဲ။
ကျွန်မ အပြာကားတွေ ကြိုက်တယ်။
ကျွန်မ အပြာကားတွေ မကြာခဏ ကြည့်ဖြစ်တယ်။
ကျွန်မ မိန်းခလေးသူငယ်ချင်းတွေကိုလည်း ခေါ်ပြဖြစ်တယ်။
အထင်မလွဲပါနဲ့။
ကျွန်မဟာ ဗမာမိန်းခလေးပါ။
ကျွန်မဟာ မိကောင်းဖခင်သားသမီးပါ။
ကျွန်မဟာ သာမန်တက္ကသိုလ်ကျောင်းသူတစ်ဦးပါ။
ကျွန်မအသက် ၁၈ နှစ်လည်း ပြည့်ပြီးပါပြီ။
ကျွန်မမှာ ယောကျာ်းလေးသူငယ်ချင်းတစ်ယောက်ရှိတယ်။
သူနဲ့ ကျွန်မ ကျောင်းကင်တင်းအတူထိုင်တယ်။
သူနဲ့ ကျွန်မ နေရာအတော်များများ တွဲသွားတွဲလာတယ်။
သူနဲ့ ကျွန်မ စကားတွေ အများကြီးပြောတယ်။
ဒါပေမယ့် သူနဲ့ ကျွန်မ ဘာမှ မဟုတ်ဘူး။
သူနဲ့ ကျွန်မ အပြာကားလည်း အတူမကြည့်ဖူးဘူး။
ကျွန်မဟာ မိကောင်းဖခင်သားသမီးလေ။


သူရည်းစားရသွားတော့ ကျွန်မဘယ်လိုမှ မခံစားခဲ့ရဘူး။
သူနဲ့လည်း ကျွန်မ အရင်လို သိပ်မတွဲဖြစ်တော့ဘူး။
ကျွန်မ အပြာကားတွေ ကြိုက်လို့ ကြည့်တာ၊
ကျွန်မရဲ့ ယောကျာ်းလေးသူငယ်ချင်း ရည်းစားရသွားလို့
ကျွန်မတို့ သိပ်မတွဲဖြစ်တော့တာ၊ စတဲ့ စတဲ့ ဖြစ်စဉ်တွေဟာ
ကျွန်မအတွက်တော့ ထမင်းစားရေသောက် သမာရိုးကျဖြစ်စဉ်တွေပဲ။
ဒါပေမယ့် အားလုံးက ကျွန်မအစား ၀ိုင်းခံစားကြတယ်။
အားလုံးက ကျွန်မကို ၀ိုင်းသနားကြတယ်။
ကျွန်မ ဘာတစ်ခုမှ မခံစားနေမှန်းသိတော့
သူတို့အားလုံး ကျွန်မအပေါ် အချိုးပြောင်းသွားပြန်တယ်။
ကျွန်မအပေါ် သူတို့အားလုံး ကြောက်စရာကောင်းလောက်အောင်
တစ်ဖက်သတ်ကောက်ချက်ဆွဲလိုက်တယ်။
ကျွန်မဟာ "စံ"လွဲနေတယ်။ ကျွန်မဟာ "တစ်ခု"လိုနေတယ်။
ကျွန်မဟာ လိင်နဲ့ပတ်သက်ရင် မိမိလက်မိမိ အထူးသာယာသူ။
ကျွန်မဟာ ကျွန်မရဲ့ လိင်စိတ်ကို အပြာကားတွေကြည့်ပြီး
လက်နဲ့ ဖြေဖျောက်ရာမှာ အစွန်းရောက်သူတဲ့။
ကျွန်မဆီကို သတင်းစကားတွေဟာ ပုံစံမျိုးစုံနဲ့
ဆိုက်ဆိုက်မြိုက်မြိုက်ပြန်ရောက်လာတယ်။


အခြေအနေက ပတ်တုပ်လို့ မရတော့ဘူး။
ကျွန်မရောက်လာရင် အခန်းထဲက ကောင်တွေက
ကျွန်မကို ခိုးခိုးကြည့်ပြီး တီးတိုးပြောကြတယ်။
ကျွန်မအနားက ကောင်မတွေကလည်း ရှောင်ဖယ်သွားတယ်။
ကျွန်မ ဒါကြီးကို ဘယ်သူ့ဆီ သွားရှင်းပြရမှာလဲ။
ကျွန်မ အဲသလို မရှင်းပြမိတာကပဲ အမှားလား။
ကျွန်မ နာကျင်လာတယ်။ ကျွန်မ ခံစားရတယ်။
ကျွန်မရဲ့ အဖြစ်သနစ်က အခန်းထဲတင်မကတော့ဘူး။
တစ်ကျောင်းလုံးကို ချက်ချင်းပျံ့နှံ့သွားတယ်။
ကျွန်မကို တွေ့တဲ့သူတိုင်း ကျွန်မကို နှခေါင်းရှုံ့ကြတယ်။
ကျွန်မကို တချို့ကောင်တွေ  မသိမသာ လက်ခလယ်ထောင်ပြကြတယ်။
ကျွန်မကို တချို့ကောင်မတွေ သိသိသာသာ မဲ့ရွဲ့ပြသွားကြတယ်။
ကျွန်မကို ပိုဆိုးတဲ့ တချို့က မမြင်ဖူးလို့တောင် လာခိုးကြည့်ကြတယ်။
ကျွန်မတက်တဲ့ ကျောင်းမှာ လိင်ကိစ္စနဲ့ပတ်သက်ရင်
ကျွန်မထက် ပိုကဲတဲ့ ကျောင်းသူတွေ အများကြီးရှိတယ်။
ဒါပေမယ့် ကျွန်မတစ်ယောက်ပဲရှိသလို ဖြစ်နေတယ်။
ကျွန်မ ပိုပိုပြီးနာကျင်လာတယ်။ ကျွန်မ ပိုပိုပြီးခံစားရတယ်။
ကျွန်မရဲ့ အဖြစ်သနစ်က ကျောင်းထဲတင်မကတော့ဘူး။
သမ္မတရေဒီယိုမိန့်ခွန်းလိုပဲ တစ်နိုင်ငံလုံးပြန့်သွားတယ်။
ကျွန်မလိုင်းကားစီးရင်တောင် ဘေးထိုင်ခုံက လူ
ကျွန်မကို လှမ်းကြည့်နေတဲ့ အဓိပ္ပါယ်က ဘာလဲ။
ကျွန်မ အိမ်ပြန်လမ်းမှာ ရပ်ကွက်ထဲကလူတွေ
ကျွန်မကို ရိပ်ခနဲလှမ်းကြည့်တဲ့ အဓိပ္ပါယ်က ဘာလဲ။


ဟင့်အင်း။ဟင့်အင်း။
ကျွန်မ စာသင်ခန်းထဲ မ၀င်ချင်ဘူး။
ကျွန်မ ကျောင်းထဲ မသွားချင်ဘူး။
ကျွန်မ ရပ်ကွက်ထဲ မသွားချင်ဘူး။
ကျွန်မ အခန်းပြင်တောင် မထွက်ချင်ဘူး။
ကျွန်မ အပြာကားတွေလည်း မကြည့်တော့တာ ကြာပြီ။
ကျွန်မ အခန်းထဲမှာ တစ်ယောက်တည်း ငိုနေတယ်။
ငိုင်နေတယ်။ ငူနေတယ်။ လူတွေနဲ့ တွေ့ရမှာ ကြောက်နေတယ်။
ကျွန်မရဲ့ ယောကျာ်းလေးသူငယ်ချင်းဟာ
ကျွန်မအိမ်ကို သူ့ရည်းစားနဲ့အတူ လာနှစ်သိမ့်တယ်။
ကျွန်မမိဘတွေနဲ့ မောင်နှမတွေက
ကျွန်မကို ကြည့်ပြီး စိတ်မကောင်းကြဘူး။
ကျွန်မ ဘာပြန်ပြောရမှာလဲ။ ကျွန်မ ဘာလုပ်ရမှာလဲ။
ကျွန်မ နေထိုင်တဲ့ လူမှုအဖွဲ့အစည်းကြီးဟာ မှားနေလား။
ဒါမှမဟုတ် ကျွန်မကပဲ မှားနေတာလား။
ကျွန်မ။
ကျွန်မ။        ။



လွန်းဆက်နိုးမြတ်
၁၀.၄.၁၃
ညနေ ၀၅း၄၀နာရီ

(ရည်ညွှန်း-ဖြစ်ရပ်မှန်တစ်ခုကို အခြေပြုသည်)