ဆရာခင်ဗျာ အမျိုးသမီးတွေမှာ ညအိပ်ရင် ဘရာစီယာဝတ်ပြီးအိပ်ရင် ရင်သားကင်ဆာဖြစ်ပွားနိုင်ခြေကို မြင့်တက်စေတယ်ဆိုတာ ဟုတ်ပါသလား။
(ဘရာစီယာ) ဝတ်ရင် (ဘရက်စ်) ကင်ဆာဖြစ်ပါသလား မေးရင် (နိုး) လို့သာဖြေပါမယ်။ ဒါဖြင့်ဘာလို့ စာတကြောင်းထဲ မဟုတ်ဘဲ တပုဒ်ရေးနေရပါသလဲ။
ရင်သား-ကင်ဆာကိုဖြစ်စေတဲ့ အကြောင်းရင်း မဟုတ်တောင် ဆက်စပ်နေတဲ့ အကြောင်းခံတွေက ဘာဖြစ်မလဲ လေ့လာမှု၊ ဆန်းစစ်မှုတွေ လုပ်နေခဲ့တာ ဆယ်စုနှစ်တွေ ကြာခဲ့ပါပြီ။ အစားအစာ နဲ့ ကိုယ်လက် လေ့ကျင့်ခန်းနည်းလို့ ဆိုတာလဲပါတယ်။ (ဘီတယ်လ်) အဖွဲ့ခေါင်းဆောင် (ပေါလ်-မက်ကာနေ) နဲ့ လက်ထပ်ပြီး၊ ဒီရောဂါနဲ့ ကွယ်လွန်သွားတဲ့ ၁၉၉၈ မှ သေးဆုံးသွားရရှာတဲ့ Linda McCartney (လင်ဒါ) ဟာ ရင်သား-ကင်ဆာနဲ့ ၃ နှစ်သာနေသွားခဲ့ရတယ်။ သူမဟာ အသက်သတ်လွတ်သာစားပြီး လေ့ကျင့်ခန်း လုပ်ရမှာ ပျင်းသူဖြစ်နေလို့ အစာအာဟာရ နဲ့ ကိုယ်လက်လေ့ကျင့်ခန်း (သီအိုရီ) ကို ခိုင်မာစေခဲ့တယ်။
သုတေသန တခုကနေ ရင်သား-ကင်ဆာဖြစ်သူတွေဟာ (ဘရာစီယာ) ကို ကြာကြာနဲ့ ကြပ်ကြပ် ဝတ်ကြသူတွေ ဖြစ်တယ်တဲ့။ တနေ့မှာ ၁၂ နာရီကြာ (ဘရာ) ဝတ်တယ်။ ၁၈% ဟာ အိပ်ရာထဲမှာလဲ (ဘရာ) ဝတ်တယ်တဲ့။ ရင်သား-ကင်ဆာ မဖြစ်သူ (မဖြစ်သေးသူ) အုပ်စုထဲကတော့ တနေ့မှာ ၁၂ နာရီသာဝတ်ပြီး၊ ၃% ကသာ အိပ်နေရင်းလဲ ဝတ်ကြတယ်။ ဆေးလိပ်နဲ့ အဆုပ်-ကင်ဆာ ဆက်စပ်မှုထက်တောင်မှ ဒီတွေ့ရှိချက်က ၃ ဆ အထိ အားသာနေတယ်လို့ ထောက်ပြထားပါတယ်။
ရင်သားကို တင်းကြပ်နေအောင်လုပ်ထားခြင်းဟာ သွေး နဲ့ သွေးပြန်ရည် ခေါ်တဲ့ (လင့်ဖ်) သွားလမ်းတွေကို တားဆီး နှေးကွေးစေတယ်။ သွေးပြန်ရည်စနစ်ဟာ ကင်ဆာ မှန်သမျှ ပြန့်နှံ့စေတဲ့လမ်းကြောင်း ဖြစ်တာတော့ သေခြာပါတယ်။ အဲလို ရင်သားကို တင်းကြပ်နေတာ ကြာရင် ကင်ဆာ မဖြစ်တောင်မှာ နာတာ၊ ရောင်တာတွေ ဖြစ်မယ်။ အဆိပ်အတောက် ဖယ်ရှားမှုကို နှေးကွေးစေမယ်။ တချက်ရှိသေးတာက ရင်သားတွဲကျနေသူတွေက (ဘရာ) မဝတ်ရင် မရဘူး။ တင်းတင်းကြပ်ကြပ်ဖြစ်အောင် ရွေးဝတ်ကြရတယ်။
(ဖီဂျီ) မှာသွား စမ်းသပ်တော့ (ဘရာ) မပါသူတွေဟာ စမ်းသပ်ကာလအတွင်းမှာ ရင်သား-ကင်ဆာ မဖြစ်တာတွေ့ရတယ်လို့ ဆိုတယ်။ အဲဒီ ဖီဂျီသူ အားလုံးဟာ ရေမြသဘာဝအတူတူမှာနေ အစားအသောက် အတူတူစားကြတယ်။ ဒါနဲ့ (ဘရာ) ကိုဘဲ သတ္တုချလိုက်တယ်။ ကိန်းဂဏန်းတွေတော့ ရှိတယ်။ ဆေးပညာပိုင်းက လက်ခံထားတာတော့ မဟုတ်ပါ။
Myth or Fact အစွဲလား တကယ်လား
အထက်ကရေးခဲ့တာကို ဖတ်နေတဲ့ အမျိုးသမီး စာမဆုံးခင် ဝတ်ထားတဲ့ (ဘရာ) ချွတ်ပြစ်ချင်စိတ် ပေါ်လေမလား မသိပါ။ ဆရာဝန် အစစ်တွေက ပြန်ထောက်ပြတာကို ဆက်ဖတ်ပြီးမှ ဆုံးဖြတ်စေချင်ပါတယ်။
ရင်သားကို ဖိအားပေးထားလို့ သွေးပြန်ရည် သွားလာမှုကို နှေးကွေးစေတယ်ဆိုတာ ဟုတ်သလိုလိုနဲ့ မဟုတ်ပါ။ ရင်သားရဲ့ (လင့်ဖ်) အကြောလေးတွေဟာ Lymphatic system ပင်မ (လင့်ဖ်) စနစ်ထဲကို တိုက်ရိုက်စီးဝင်တာ မဟုတ်ပါ။ လက်မောင်းအောက်ခြေစီကိုသာ သွားပါတယ်။ ကြပ်နေတဲ့ (ဘရာ) ဝတ်ထားပေမဲ့ သွေးလှည့်တာကိုရော (လင့်ဖ်) စီးတာကိုပါ ဒုက္ခပေးနိုင်တဲ့အထိ မဖြစ်စေပါ။ Breast cancer ရင်သား-ကင်ဆာဆိုတာ Genetic mutations မျိုးဗီဇ ပြောင်းလဲမှုကနေဖြစ်ရတာပါ။ မျိုးဗီဇ ပြောင်းလဲမှုက ဘာလို့ဖြစ်ရသလဲ ဘယ်သူကမှ မသိကြသေးပါ။
သမိုင်းလှန်ရင် ရင်သား-ကင်ဆာဟာ ရှေးကတည်းကရှိခဲ့တာပါ။ ဓါတ်မှန်တွေ၊ ခွဲစိတ်ကုသနည်းတွေ မပေါ်ခင်ကတည်းက ဖြစ်တယ်။ (ဘရာစီယာ) ပေါ်တာ ဘယ်လောက် ကြာသေးလို့လဲ။ ရင်ကို တင်းကြပ်နေအောင် လူတယောက်ကနေ ကူညီစည်းပေးရတဲ့ Corset (ကော့ဆက်) ခေတ်နောက်ပိုင်း၊ ဒုတိယ ကမ္ဘာစစ်ကာလရောက်မှ Brassiere ကို ဝတ်ဘို့ အားပေးလာတာပါ။ ၁၈၆၃ မှာ Luman L Chapman ကနေ (ကောဆက်) မှာ Cups ခွက်ပုံစံဆိုတာ တီထွင်လာတယ်။ ၁၉၁၃ ရောက်မှ Mary Phelps Jacob ကနေ ပိုးလက်ကိုင်ပုဝါစ နှစ်ထည်ကို ဖဲကြိုးအနီလေးနဲ့ တွဲလာခဲ့တယ်။
Bras (ဘရာ) တွေရဲ့ ဘေးထွက်-ဆိုးကျိုးများ
• Breast pain ရင်သားနာမယ်၊
• Skin irritation အရေပြား ကသိကအောင့်နေမယ်၊
• Allergic to the metal (ဘရာ) မှာပါတဲ့ သတ္တုစတာနဲ့ မတည့်သူက မတည့်ဖြစ်မယ်၊
• အထဲမှာ Fibrocystic (ဖိုက်ဘရိုဆစ်စတစ်) ရောဂါရှိနေရင်၊ ကိုယ်ဝန်ဆောင်နေရင် ရင်သား ထွားထွားလာတာမို့ အနေရခက်မယ်။
• ရင်သား အရွယ်အစား သိပ်ကြီးသူတွေမှာ အနေတော် စနစ်တကျချုပ်ထားတဲ့ (ဘရာ) မဟုတ်ရင် ကျောအောင့်မယ်၊ ခါးနာမယ်၊ ခေါင်းကိုက်မယ်၊
American Cancer Society (ACS) အမေရိကန် ကင်ဆာအဖွဲ့ကတော့ "(ဘရာ) ကြောင့် ရင်သား-ကင်ဆာဖြစ်တာ သိပ္ပံနည်းကျ သက်သေပြနိုင်တာ မရှိပါ" တဲ့။ ဆန်းစစ်မှု လုပ်တော့ “ဟုတ်ပါတယ် အထက်ဗလာနေသူတွေထက် (ဘရာ) ဝတ်သူတွေမှာ ရင်သား-ကင်ဆာ နည်းနည်းလေးပိုတာ တွေ့ရတယ်။ တခုရှိတာက (ဘရာ) မဝတ်သူတွေဟာ အများအားဖြင့် လူကလဲ ပိန်ပါးပြီး၊ ရင်သား အရွယ်အစားကလဲ သူများထက် သေးကြတယ်။” ဒါ့ကြောင့် (ဘရာ) မဝတ်ဘဲနေချင်ရင် နေပါ။ (ဘရာ) ကို လာအပြစ်မရှာပါနဲ့။
ACS ကထုတ်ပြန်ထားတဲ့ ရင်သားကင်ဆာ အန္တရာယ်ဖြစ်နိုင်ချေ စာရင်းထဲမှာ (ဘရာ) မပါပါ။ အရက်-ဆေးလိပ် သောက်တာ၊ အဆီများ-အဝလွန်တာ၊ အေးတိအေးစက် လူနေမှုပုံစံတွေကိုသာ ထည့်ထားတယ်။ Estrogen (အီစထိုဂျင်) ဟော်မုန်းကိုတော့ အတော် သံသယကြီးကြီးထားတာ ဆရာဝန်တိုင်းကပါ။
(ဘရာစီယာ) ဟာ မရှိမဖြစ် ပစ္စည်းမဟုတ်ပါ။ သဘောပါဘဲ။ မဝတ်ဘဲနေချင်သပဆိုနေပါ။ ဒါပေမဲ့ ရင်သား-ကင်ဆာကို မဖြစ်စေပါ။ (ဘရာ) ကို ဒုံးကျဉ်လိုပုံ လုပ်ထားအုံးတော့ အသက်ကို ရန်မရှာပါ။
Dr. တင့်ဆွေ
၁ဝ-၂-၂ဝ၁၂
No comments:
Post a Comment