ရာသီဖွားများ၏ သရုပ်များ

ဗေဒင်

 

 ယခု ဖော်ပြခဲ့သော ရာသီခွင်အဟောများသည် ယေဘူယျ အကျဉ်းချုပ်သဘောမျှသာဖြစ်ပြီး လူတိုင်း အတွက် မှန်ကန်မည် မဟုတ်ပါ


မိဿရာသီဖွား (သို့) အလှမ်းကျယ်၍ အလယ်လပ်ကြသူများ

အင်္ဂလိပ်ရက် မတ်လ (21)ရက်ကနေ ဧပြီ (19)အတွင်း မွေးဖွားကြသူများဟာ မိဿရာသီဖွားများဖြစ်ကြပါတယ်။

မိဿရာသီဖွားများဟာ အကြံကြီးတယ်၊ ရည်မှန်းချက်ကြီးတယ်၊ ဦးဆောင်လိုတယ်၊ စိတ်မြန်တယ်၊ ခုဆို ခုမှ ဆိုတဲ့ လူစားမျိုးတွေဖြစ်တယ်။ အင်္ဂါဂြိုဟ်ဟာ စိတ်ဇောကြီးစေပေမယ့် စနေဂြိုဟ်နိစ်မူလို့ အားမရှိတဲ့အတွက် ၀ီရိယ အားနည်းသူများဖြစ်တယ်။ ဟုန်းကနဲ ထတောက်လွယ်ပေမယ့် ငြိမ်းလွယ်တဲ့ ကောက်ရိုးမီးလို လူစားမျိုးတွေဖြစ်တယ်။ အချိန် မှန်မှန်လုပ်ရတဲ့ အလုပ်တွေ ၊ အချိန်ယူလုပ်ရတဲ့ အလုပ်တွေကို ငြီးငွေ့တတ်သူတွေဖြစ်တယ်။ ခရီးသွားလာရခြင်း၊ စွန့်စား ရခြင်းများကို ၀ါသနာထုံတယ်။ စိတ်ရှည်မှု၊ သည်းခံမှု နည်းသူများဖြစ်တယ်။ အချစ်စိတ်၊ ရာဂစိတ်ပြင်းထန်တတ်ကြပေမယ့် အလွန်အကျွံမဖြစ်အောင်လည်း ထိန်းသိမ်းနိုင်စွမ်းရှိကြသူများတယ်။ စည်းစနစ်ကျနမှု နည်းပြီး ကပျစ်ကညစ်နေတတ်ကြသူ များဖြစ်ကြတယ်။ ဒါကြောင့် မိဿရာသီဖွားများဟာ အောင်မြင်လိုစိတ်၊ ကြီးပွားလိုစိတ် ပြင်းထန်ကြပေမယ့် စေ့စပ်သေချာမှု အားနည်းတတ်ကြသူများဖြစ်ပါတယ်

ပြိဿရာသီဖွား (သို့) ပေသီးခေါက်လွန်းကြသူများ


အင်္ဂလိပ်ရက် ဧပြီ (20) မှ မေ (20)အတွင်း မွေးဖွားလာကြသူများဟာ ပြိဿရာသီဖွားများ ဖြစ်ပါတယ်


ပြိဿရာသီဖွားများဟာ အပြောင်းအလဲ နှေးကွေးတတ်သူများဖြစ်ပြီး အရာရာကို အလွယ်တကူ လက်မခံတတ်ကြသူများ ဖြစ် ပါတယ်။ အရာရာကို စွဲစွဲမြဲမြဲ ရှိတတ်ကြပြီး စည်းကမ်းသေ၀တ်ကြသူများလည်း ဖြစ်ပါတယ်။ ဘ၀ကြီးပွားရေး၊ စီးပွားရေး တွေမှာ စိတ်လောမကြီးတတ်ကြဘဲ “ဖြေးဖြေး မှန်မှန် ၊ နည်းလမ်းမှန်” ဆိုတဲ့ သဘောတရားမျိုးကို ခံယူကျင့်သုံးတတ်ကြ သူများဖြစ်ပါတယ်။ အပြောင်းအလဲနှေးကွေးတဲ့ သူများဖြစ်ပြီး တစ်ချို့ဆိုရင် “ဘူးဆိုရင် ၊ ဖရုံ မသီး” တတ်ကြသူများဖြစ် ပါတယ်။ အရာရာမှာ သတိကြီးတယ်။ အမှတ်သည်းခြေ ကြီးတယ်။ လူစိမ်းတွေအပေါ်မှာ သတိကြီးကြီးထားပြီး ဆက်ဆံ တတ်တယ်။ ဘယ်သူ့ကိုမှ သိပ်မယုံတတ်ဘူး။ ငွေကြေးသုံးစွဲမှုမှာ စီစစ်ချွေတာ လွန်းတတ်ကြတာမို့ ကပ်စေးနှဲသူများလို့ အတူနေသူများက အသိအမှတ်ပြုခံရ တတ်ပါတယ်။ အရာရာမှာ တန်ရာတန်ကြေးကို သိပ်တွက်ပြီး ဈေးဆစ်တတ်ကြပါတယ်



မေထုန်ရာသီဖွား (သို့) တည်ငြိမ်အေးချမ်းမှု ကင်းမဲ့ကြသူများ


အင်္ဂလိပ်ရက် မေလ (21) မှ ဇွန်လ (20)အတွင်း မွေးဖွားလာကြသူများဟာ မေထုန်ရာသီဖွားများ ဖြစ်ပါတယ်


။မထုန်ရာသီဖွား များဟာ နာရီချိန်သီးလို ယောက်ယက်ခပ် လှုပ်ရှားနေကြသူများဖြစ်တယ်။ ဘယ်အရာကိုမှ စွဲစွဲမြဲမြဲ မရှိဘူး။ ဘာကိုမှ တိတိကျ ကျ မဆုံးဖြတ်နိုင်ဘူး။ ဉာဏ်ကောင်းတယ်။ စကားပြောကောင်းတယ်။ တင်္ခနုပ္ပတိဉာဏ်ကောင်းတယ်။ လူမှုဆက်ဆံရေး ကောင်းတယ်။ ဒါပေမယ့် ခိုင်မာတဲ့ ရည်မှန်းချက်၊ ဘ၀ခံယူချက်တွေ နည်းတယ်။ သူများစကား နားယောင်လွယ်တယ်။ ဇွဲမရှိဘူး။ ဇွဲ၊ ၀ီရိယနဲ့ လုပ်ရမယ့် အလုပ်ဆိုရင် သူတို့နဲ့ မတည့်လှဘူး။ အနုပညာဗီဇရှိတယ်။ အနုပညာနဲ့ ကျော်ကြားတတ် တယ်။ နေရာတစ်နေရာ၊ အလုပ်တစ်ခုခုမှာလည်း ကြာကြာမတည်မြဲတတ်ဘူး။ အပေါ်ယံ ကြည့်လိုက်ရင်တော့ ပျော်ပျော် နေတတ်သူများလို့ ထင်စရာ ရှိပေမယ့် တကယ်တော့ သူတို့ဘ၀ဟာ “တစ်ခုခုလိုအပ်နေပြီး” ၊ စိတ်ထားမတည်ငြိမ်ကြပါ

ကရကဋ်ရာသီဖွား (သို့) လောကကြီးကို ဂွတိုက်တတ်ကြသူများ

အင်္ဂလိပ်ရက် ဇွန်လ (21) မှ ဇူလိုင်လ
(22)အတွင်း မွေးဖွားလာကြသူများဟာ ကရကဋ်ရာသီဖွားများ ဖြစ်ပါတယ်

ကရကဋ်ရာသီ ဖွားများဟာ မိမိနေအိမ်မိသားစုကို ခင်တွယ်တယ်။ ကာကွယ်စောင့်ရှောက်တတ်တယ်။ တနင်္လာဂြိုဟ်ဖြစ်ပြီး “မိန်းမ” ရာသီ ဖြစ်လို့ မိခင်စိတ်ရှိသူများဖြစ်ကြတယ်။ အသိပညာ၊ အတတ်ပညာတွေကို ငွေကြေးဓနဥစ္စာထက် ပိုမို ခုံမင်တတ်တယ်။ ဒါပေမယ့် လက်မထောင်နေတဲ့ လယ်ပုဇွန်လုံးသရုပ်သကန်ကြောင့် “၀င့်ဝါတယ်၊ မောက်ကြွားတတ်တယ်”၊ အတွင်းစိတ်က နူးညံ့သိမ်မွေ့ပေမယ့် နှစ်လိုဘွယ်ရာ စကားမျိုးကို မပြောတတ်ဘဲ “ကန့်လန့်တိုက်တတ်ကြလို့” လူချစ်လူခင် သိပ်မများလှ တာကို တွေ့ရတယ်။ သူတစ်ပါးကို လှောင်ပြောင်ပြောဆိုတတ်တယ်။ ရန်သူပေါတယ်။ ဘေးကျကျပြောတတ်ပေမယ့် အင်္ဂါဂြိုဟ် နိစ်ဖြစ်တာမို့ တစ်ကယ်တန်းကျ သတ္တိနဲပြီး၊ သွေးငယ်တတ်သူများဖြစ်တယ်။ တနင်္လာဂြိုဟ်ရဲ့ ကသစ်အိမ် ဖြစ်ပြီး ကြာသပတေးဂြိုဟ် ဥုစ်မူတာကြောင့် “စန္ဒြဂုရုယုဂ်” ရတဲ့ ရာသီဖွားများဖြစ်လို့ စိတ်ထားဖြူစင်ကြပေမယ့် ဘယ်သူနဲ့ မှ ရေရှည်တည့်အောင် မပေါင်းနိုင်ကြပါဘူး


သိဟ်ရာသီဖွား (သို့) မြင့်မြတ်သော နှလုံးသား ရှိကြသူများ

အင်္ဂလိပ်ရက် ဇူလိုင်လ (23)ရက်ကနေ သြဂုတ်လ (22)အတွင်း မွေးဖွားကြသူများဟာ သိဟ်ရာသီဖွားများဖြစ်ကြပါတယ်။

ဦးစီးဦးဆောင် ပြုလိုစိတ် များကြသူ များဖြစ်တယ်။ သူတပါးကို သြဇာပေးလိုသူများဖြစ်တယ်။ ဘယ်သူ့ လွှမ်းမိုးမှုကိုမှ လက်မခံနိုင်ကြသူများ ဖြစ်တယ်။ ဒါပေမယ့် သဘောထားကြီးတယ်။ ပေးကမ်းစွန့်ကြဲတဲ့နေရာမှာ လက်လွယ်တယ်။ အပေါင်းအသင်းများအပေါ်မှာ အလွန်ဖြောင့်မတ်စွာ ဆက်ဆံကူညီတတ် ကြသူများဖြစ်တယ်။ အမှန်တရားကို မြတ်နိုးကြသူများဖြစ်တယ်။ မိသားစုကို ကာကွယ်စောင့်ရှောက် တတ်ကြတယ်။ များသောအားဖြင့် သည်းခံတတ်ကြသူများဖြစ်ပေမယ့် အလွန်အကျွံ စော်ကားခံရရင် တော့ ခြင်္သေ့လို ရဲရင့်စွာ တုန့်ပြန်တတ်ကြတယ်။ (၁၂)ရာသီခွင် အားလုံးထဲမှာ ဒီရာသီခွင်ဖွားများဟာ စိတ်သဘောထားကြီး သူတွေ၊ ခွင့်လွှတ်တတ်သူတွေ၊ ပြန်လည်တုန့်ပြန်မှုကို မမျှော်ကိုးဘဲ စိတ်ထားမှန်စွာ ကူညီတတ်ကြသူများအဖြစ် အတွေ့ရ များပါတယ်


ကန်ရာသီဖွား (သို့) စေ့စပ်သေချာလွန်းကြသူများ

အင်္ဂလိပ်ရက် သြဂုတ်လ (23)ရက်ကနေ စက်တင်ဘာလ (22)အတွင်း မွေးဖွားကြသူများဟာ ကန်ရာသီဖွားများ ဖြစ်ကြ ပါတယ်။

ကန်ရာသီ” ဖွားများဟာ ဉာဏ်ပညာအလွန် ထက်မြက်သူများဖြစ်ပါတယ်။ သိလွယ် တတ်လွယ်တယ်။ တင်္ခနုပ္ပတိဉာဏ် ကောင်းသူများဖြစ်တယ်။ အပြောအဟော၊ အရေးသား ကောင်းသူများလည်း ဖြစ်တတ်တယ်။ ပေါင်းသင်း ဆက်ဆံရေး ကောင်းကြတယ်။ ဒါပေမယ့် သူတို့ဟာ အရာရာကို အလွန်စေ့စပ် သေချာလွန်းကြသူများဖြစ်ပြီး သူများမမြင်တဲ့ အသေးစိတ်အချက်ကအစ အလွန်သိလွယ်မြင်လွယ်တာကြောင့် သူတစ်ပါးရဲ့ အားနည်းချက်ကို အလျှင်အမြန် ဖော်ထုတ်နိုင်စွမ်း ရှိကြသူများဖြစ်ကြတယ်။ နောက်ပြီး ဒီအားနည်းချက်ကို ထောက်ပြ ပြောဆိုဖို့လည်း လက်မနှေးကြတာကြောင့် ပတ်ဝန်းကျင်က သူတို့ကို အပြစ်ရှာတတ် ကြသူများအဖြစ် အသိအမှတ်ပြု ခံရတတ်ပါတယ်။ စည်းစိမ် ခံစားမှုကို ပေးနိုင်တဲ့ သောကြာဂြိုဟ်ကြီး “နိစ်မူ” ပြီး အားမရှိတဲ့အတွက် သူတို့ဟာ ချမ်းသာသည်ဖြစ်စေ ၊ မချမ်းသာ သည်ဖြစ်စေ ဇိမ်မခံနိုင်ကြဘဲ အမြဲပင်ပန်းကြီးစွာ အလုပ်လုပ်ကြရသူများလည်း ဖြစ်ပါတယ်။ အရာရာမှာ လက်တွေ့ကျပြီး ကံတရားကို သိပ်ပြီး ယုံကြည်ကြ သူများလည်း မဟုတ်တတ်ကြပါ။ မိမိအလုပ်ကိုလည်း စေ့စပ် သေချာစွာ လုပ်ကိုင်တတ် ကြတာမို့ သူတို့ဟာ အရာရာမှာ စေ့စပ်သေချာလွန်းကြသူများဖြစ်တတ်ကြပါတယ်



တူရာသီဖွား (သို့) သဘောထားမျှတကြသူများ

အင်္ဂလိပ်ရက် စက်တင်ဘာလ (23)ရက်ကနေ အောက်တိုဘာ (22)အတွင်း မွေးဖွားကြသူများဟာ တူရာသီဖွားများ ဖြစ်ကြ ပါတယ်။

တူရာသီဖွားများဟာ အေးချမ်းစွာ နေလိုတတ်ကြသူများဖြစ်ပြီး စည်းကမ်းသေ၀တ်ကြသူများ၊ တရားဥပဒေ ကို ရိုသေလေးစားလိုက်နာကြသူများဖြစ်ပါတယ်။ သောကြာဂြိုဟ် ကသစ်ရလို့ နှစ်လိုဘွယ်ကောင်းတဲ့ ရုပ်ရည်၊ ဥပတိရုပ်မျိုး ရှိတတ်ကြပြီး လူအများနှင့်လည်း သင့်မြတ်စွာ ပေါင်းသင်းနိုင်ကြပါတယ်။ သူ့ဖက်ကိုယ့်ဖက် မျှတတဲ့ အယူအဆမျိုး ရှိပြီး ကိုယ်ခြင်းစာတရား မြင့်မားကြသူများလည်း ဖြစ်ကြပါတယ်။ စနေဂြိုဟ်ဟာ “ဥုစ်မူ” ပြီး အားပြည့် တာကြောင့် ဇွဲကောင်းသူများ၊ လုံ့လ ၀ီရိယရှိသူများ၊ ရှေ့ရေးကို ကြိုတင်တွက်ဆပြီး ရေရှည်စီမံကိန်းများ ဆွဲတတ်ကြသူများလည်းဖြစ်ပါတယ်။ “စိတ်ရှည်၊ ဇွဲသန်၊ သည်းညဉ်းခံ” ဆိုတာ သူတို့ရဲ့ ဆောင်ပုဒ်လို့ တင်စားရမလိုပါဘဲ။ ဒါပေမယ့် “ချိန်ခွင်ရုပ်” ဟာ မျှတမှုကို ကိုယ်စားပြုသလို ချိန်ခွင်လျှာဟာ အတိမ်းအစောင်းမခံတဲ့ သဘာဝလည်း ရှိနေပါတယ်။ ဒါကြောင့် “တူရာသီဖွား” များဟာ အပေါင်းအသင်း မှားလို့ဖြစ်စေ၊ တစ်စုံတစ်ခုသော အကြောင်းအရာကြောင့် ဖြစ်စေ ချိန်ခွင်တစ်ဖက်ကို အလေးပစ်ထည့်လိုက်တဲ့အခါ ချိန်ခွင်လျှာ စောင်းသွားသလို အတွေးအခေါ် အယူအဆ တိမ်းစောင်း သွားတတ်ပြီး အစွန်းရောက်ခြင်း၊ အယူသည်းခြင်း၊ လမ်းမှားရောက်ခြင်းများ နှင့် ကြုံဆုံရတတ်တာကို အထူးသတိပြု သင့်လှပါတယ်။ ဘယ်လိုဘဲဖြစ်ဖြစ် “တူရာသီ” ဖွား အများစုဟာ ချိန်ခွင်ရုပ် သဏ္ဍန်နှင့် တူညီစွာ ပြုမူတတ်ကြပါတယ်



ဗြိစ္ဆာရာသီဖွား (သို့) လျှို့ဝှက်ပြီး အသိရခက်သူများ

အင်္ဂလိပ်ရက် အောက်တိုဘာလ (23)ရက်ကနေ နိုဝင်ဘာလ
(21)အတွင်း မွေးဖွားကြသူများဟာ ဗြိစ္ဆာရာသီဖွားများ ဖြစ်ကြ ပါတယ်။


ဗြိစ္ဆာရာသီဟာ “အင်္ဂါဂြိုဟ်” ပိုင်တဲ့ရာသီဖြစ်လို့ စွန့်စားခြင်း၊ တိုက်ခိုက်ခြင်း၊ အကြံကြီး ခြင်း၊ ရည်မှန်းချက် ကြီးခြင်းများ ရှိပေမယ့် “ရာဟုဂြိုဟ်” ဥုစ်မူတဲ့အတွက် လျှို့ဝှက်ခြင်း၊ တိတ်တဆိတ်ကြံစည်ခြင်း၊ အချစ်ရေး အိမ်ထောင်ရေး စတဲ့ ဘ၀ ရှုတ်ထွေးမှုများခြင်းများ ရှိတတ်ပါတယ်။ “တနင်္လာ” ဂြိုဟ် အားမရှိလို့ စိတ်ထားပျော့ ပြောင်း နူးညံ့မှု မရှိလှဘဲ လိုအပ်လာရင် ကိုယ်ခြင်းစာတရားကို လစ်လျူရှုနိုင်ကြသူများဖြစ်တယ်။ ညအခါ ဘက်မှာ ထွက်ပြီး ကျက်စားတတ်တဲ့ “ကင်းမြီးကောက်” နဲ့ သဏ္ဍန်တူစွာ လျှို့ဝှက်စွာ ကြံစည်လုပ်ကိုင်တတ်ကြသူများဖြစ်တတ်တယ်။ သူတို့ ရဲ့ အတွင်းသဘောကို အလွန်အသိရခက်ပါတယ်။ အင်္ဂါဂြိုဟ်ပိုင်လို့ စိတ်ဓာတ် ထက်မြက်ပေမယ့် “ထိရ” ရာသီဖြစ်လို့ မိဿရာသီဖွား များလောက် အရင်မလိုတတ်ကြဘဲ အချိန်ကောင်းအခါကောင်းကို စိတ်ရှည်စွာ စောင့်ဆိုင်းနိုင်ကြသူများ ဖြစ်ပါတယ်။ ကင်းမြီးကောက်ဟာ လက်မနှစ်ချောင်းကို အရောင်ပြပြီး အဆိပ်ပါတဲ့ အမြီးနဲ့ ထိုးတတ်သလို ဘ၀တိုက်ပွဲကို တိုက်ခိုက်ဖို့ အရာရာကို အဆင့်သင့်ပြင်ထားတတ်ကြသူများဖြစ်ပါတယ်။ ခက်ခဲနက်နဲတဲ့ အတတ်ပညာရပ်များ၊ ဂမ္ဘီရပညာ ရပ်များ၊ လျှို့ဝှက်မှုကို ဖော်ထုတ်ရတဲ့ပညာရပ်များကို လိုက်စားနိုင်စွမ်းရှိပြီး ထူးလည်း ထူးချွန်တတ်ကြပါတယ်။ သူတို့ဘ၀ ဟာ လျှို့ဝှက်ခြင်းများ၊ ကွယ်ဝှက်ထားခြင်းများရှိတတ်ပြီး သူတို့ရဲ့ အတွင်းစိတ်အမှန်ကိုလည်း အကဲခတ်ရန် ခက်ခဲလှပါတယ်

ဓနုရာသီဖွား (သို့) ဘ၀ စစ်သည်တော်များ

အင်္ဂလိပ်ရက် နိုဝင်ဘာလ (22)ရက်ကနေ ဒီဇင်ဘာလ (21)အတွင်း မွေးဖွားကြသူများဟာ ဓနုရာသီဖွားများ ဖြစ်ကြ ပါတယ်။

ဓနုရာသီဖွားများဟာ “ကြာသပတေးဂြိုဟ်” ကသစ်ရတဲ့ဂြိုဟ်ဖြစ်လို့ ဆရာသမား၊ အကြီးအကဲ၊ ဘာသာရေး ခေါင်းဆောင် ယုဂ်များ ရတဲ့ရာသီဖြစ်ပါတယ်။ ဓနုရာသီဖွားများဟာ ဘ၀တိုက်ပွဲကို အမြဲတိုက်ခိုက်နေကြသူများ၊ တိုက်ခိုက်နေကြလိုသူများ ဖြစ်ပါတယ်။ သူတို့ဟာ အမြဲတမ်း ဘ၀တက်လမ်း၊ ကြီးပွားရေး တိုးတက်ရေးများကို ကြံစည်နေ ကြသူများဖြစ်တယ်။ ဉာဏ်ပညာကြီးသူများဖြစ်ပြီး ဘယ်ပညာကိုမဆို အလွယ်တကူ တတ်မြောက်နိုင်ကြသူများ ဖြစ်ကြတယ်။ အမြဲတမ်း လေ့လာသင်ယူနေတတ်ကြသူများဖြစ်ပြီး အသက်ကြီးတဲ့အထိ အနားမယူကြတဲ့သူများထဲမှာ “ဓနုရာသီ” ဖွားများကို အများဆုံးတွေ့တတ်ပါတယ်။ ဒွေးဒေဟ ရာသီဖြစ်ပြီး မျက်နှာခြင်းဆိုင် (၇)တန့်ဘာဝ မှာ “မေထုန်ရာသီ” တည်နေလို့ ဓနုရာသီဖွားများဟာ အိမ်ထောင်ဆက် များတတ်ကြသူများ ဖြစ်တတ်ပါတယ်။ သာယာချမ်းမြေ့တဲ့ အိမ်ထောင် ရေးမျိုးကို ဓနုရာသီဖွားတွေမှာ တွေ့ရခဲလှပါတယ်။ ဓနုရာသီဖွားများရဲ့ အကြီးဆုံးအားနည်းချက်ကတော့ သူတို့နဲ့ သဘောမတွေ့သူကို စကားဆိုရာမှာ “ပိသာလေး နဲ့ ဘေးကိုပစ်သလို” ပြောတတ်ကြလို့ လူချစ်လူခင် မများလှသူများလည်း ဖြစ်လေ့ ရှိတတ်ပါတယ်။ ဘာဘဲဖြစ်ဖြစ် သူတို့ဟာ အမြဲတမ်းတက်ကြွလှုပ်ရှားနေသူများ ဖြစ်ကြပြီး ဘ၀တက်လမ်းကို အမြဲတမ်း ကြံစည်လုပ်ကိုင်နေတတ်ကြပါတယ်

မကာရရာသီဖွား (သို့) ပညာရှိသော်လည်း သတိဖြစ်ခဲလှသူများ

အင်္ဂလိပ်ရက် ဒီဇင်ဘာလ (22)ရက်ကနေ ဇန်န၀ါရီလ (19)အတွင်း မွေးဖွားကြသူများဟာ မကာရရာသီဖွားများ ဖြစ်ကြ ပါတယ်။

“စိတ်ဓာတ်တက်ကြွလျှင်မြန်မှု” နဲ့ချင့်ချိန်ဝေဖန်နှိုင်းနှိုင်းဆဆလုပ်တတ်မှု” နှစ်ခုအကြားမှာ ပဋိပက္ခဖြစ်နေကြသူများ အဖြစ် တွေ့ရပါတယ်။ တစ်ခါတစ်ရံမှာ အလွန်တက်ကြွလျှင်မြန်သလို တစ်ခါတစ်ရံမှာ အလွန်ဖင့်နွဲ လေးကန် တတ်ကြသူများ ဖြစ်နေကြပြန်ပါတယ်။ ကုန်းသတ္တ၀ါ နဲ့ ရေသတ္တ၀ါ တို့ရဲ့ ပေါင်းစပ်မှုကြောင့် ကုန်းမှာ မှာလည်း အပြည့်ကျက်မစားနိုင်၊ ရေမှာလည်း အပြည့်ကျက်မစားနိုင်တာကြောင့် ဟိုမရောက်သည်မရောက်နဲ့ ဘ၀ကံကြမ္မာ တိုးလို့တန်းလန်းဖြစ်နေတဲ့ မကာရ ရာသီဖွားတွေကို အတွေ့ရအလွန်များပါတယ်။ အတွေးအခေါ်မြင့်မားပြီး လူကဲခတ် အလွန်ကောင်းကြသူများဖြစ်လို့ လူဆိုး/လူကောင်းခွဲခြားရာမှာ အလွန်တော်သူများဖြစ်ကြပါတယ်။ ဘာသာရပ်ပေါင်းစုံကို နှံ့စပ်ကျွမ်းကျင်ကြသူများဖြစ်လို့ ဘယ်လိုလူမျိုးနဲ့မဆို စကားအခြေအတင် ဆွေးနွေးပြောဆို နိုင်ကြပြီး အပေါင်းအသင်း အလွန်ဆန့်ကြသူများ ဖြစ်တတ် ကြပါတယ်။ လူစိမ်းများနှင့် ချက်ခြင်းမိတ်ဆွေဖြစ်လွယ်ပြီး တစ်ဖက်သား,ကျလောက်အောင် ပြောဆိုတတ်လို့ အပေါင်း အသင်း များသူများ၊ လူသိများသူများ ဖြစ်ကြပေမယ့် နေရာတစ်ကာ ဆရာလုပ်လိုတဲ့ “ဉာဉ်လေး” ရှိတတ်တာမို့ ရေရှည်မှာ အပေါင်းအသင်းမိတ်ဆွေများနှင့် ဆက်ဆံရေး မခိုင်မြဲတတ်တာကို တွေ့ရတတ်ပါတယ်။ ဒီလို လူမှုဆက်ဆံရေး ချို့ယွင်းလာကြောင့် ရေရှည်မှာ စီးပွားရေး၊ ကြီးပွားရေးတွေကို ထိခိုက်လာတတ်ပါတယ်။


ကုံရာသီဖွား (သို့) သဲထဲရေသွန် ဖြစ်ရသူများ

အင်္ဂလိပ်ရက် ဇန်န၀ါရီလ (20)ရက်ကနေ ဖေဖေါ်ဝါရီလ (18)အတွင်း မွေးဖွားကြသူများဟာ ကုံရာသီဖွားများ ဖြစ်ကြ ပါတယ်

။ကုံရာသီဟာ သိပ္ပံခေတ်ကြီးရဲ့ အမှတ်သင်္ကေတဖြစ်တဲ့ “ယူရေးနပ်” ဂြိုဟ် ပိုင်ဆိုင်တဲ့ ရာသီဖြစ်လို့ ကုံရာသီဖွားများဟာ ခေတ်မှီခြင်း၊ အမြင်ကျယ်ခြင်း၊ ပွင့်လင်းလွတ်လပ်ခြင်း၊ အယူအဆဟောင်း အတွေးအခေါ်များကို တော်လှန်လိုခြင်း၊ သူများနှင့်မတူ ထူးခြားသွင် အသွင်သဏ္ဍန်ရှိခြင်း၊ လွတ်လပ်စွာနေထိုင်လိုခြင်း၊ ပတ်ဝန်းကျင်ကို ဂရုမစိုက် တတ်ခြင်း စတဲ့ ဂုဏ်အင်္ဂါများ ရှိကြပါတယ်။ သူတို့ဟာ လူမှုရေးစိတ်ဓာတ် ရှိသူများဖြစ်ပြီး လူမှုပတ်ဝန်းကျင်ကို အကူအညီ ပေးလိုကြသူများ ဖြစ်ကြပါတယ်။ လူမှုရေးလုပ်ငန်းများကို တက်တက်ကြွကြွလုပ်ကိုင်လိုကြပြီး မိမိစီးပွားရေး၊ ကြီးပွားရေး များထက် ပိုမိုစိတ်ဝင်စားသူများ ဖြစ်တတ်ကြပါတယ်။ သဘောထားကြီးပြီး ဖြောင့်မတ်မှန်ကန်သူများ၊ မိမိဘ၀ကို အခြားသူများအတွက် ပေးဆပ်ထားသူများကို “ကုံရာသီ” ဖွားများမှာ အများအပြား တွေ့ရတတ်ပါတယ်။ ယူရေးနပ်စ်ဂြိုဟ်ရဲ့ သဘာဝကြောင့် သူတို့ဘ၀ဟာ အခက်အခဲများ၊ ဘေးဥပဒ်များနှင့် ပြည့်နှက်နေတတ်ပါတယ်။ မိမိလုပ်ကိုင်ခဲ့သမျှကို မိမိပြန်လည် ခံစားခွင့်မရှိတတ်ခြင်း၊ မိမိလုပ်ထားတာကို မိမိဘဲ ပြန်ဖျက်တတ်ခြင်း၊ အသုံးအစွဲလက်ဖွာခြင်း၊ ပစ္စည်းဥစ္စာ စုဆောင်းမိလျှင်လည်း အကြောင်းအမျိုးမျိုးကြောင့် ကုန်ဆုံးတတ်ခြင်း တို့ကြောင့် သူတို့ဘ၀ဟာ ကုံရာသီရဲ့ အရုပ် နှင့်
သဏ္ဍန်နှင့် တူညီလှပါတယ်


မိန်ရာသီဖွား (သို့) တရားတစ်ဖက် ဒါးတစ်လက် ပြုတတ်ကြသူများ`

အင်္ဂလိပ်ရက် ဖေဖေါ်ဝါရီလ (19)ရက်ကနေ မတ်လ (20)အတွင်း မွေးဖွားကြသူများဟာ မိန်ရာသီဖွားများ ဖြစ်ကြ ပါတယ်

နက်ပကျွန်းဂြိုဟ်ရဲ့ သတ္တိကြောင့် မိန်ရာသီဖွားများဟာ ခရီးသွားလာ ခြင်း၊ ရေကြည်ရာမြက်နုရာ ရှာတတ်ခြင်း၊ မိမိမွေးရပ်မှာ မနေထိုင်ရတတ်ခြင်း၊ ထူးဆန်းထွေလာ နှင့် ဂမ္ဘီရပညာရပ်များကို ၀ါသနာထုံခြင်း၊ ဘာသာတရားအစွန်းရောက်တတ်ခြင်း စတဲ့ စရိုက်သဘာဝများ ရှိတတ်ပါတယ်။ သောကြာဂြိုဟ် “ဥုစ်” မူတဲ့ ရာသီဖြစ်လို့ “ကာမဂုဏ် အာရုံ” များကို အလွန်အမင်း လိုက်စားတတ်ပြီး၊ နေရာတစ်ကာမှာ “အကောင်းကြိုက်” သူများလည်း ဖြစ်တတ်ပါတယ်။ ဘ၀မှာ “အနေချောင်လှသူများ” ဖြစ်တတ်ပြီး သက်သက်သာသာ စည်းစိမ်ရှိရှိ နေထိုင်တတ်ကြရသူများ လည်းဖြစ်တတ်ပါတယ်။ ပင်ပင်ပန်းပန်း လုပ်ကိုင်စားရတဲ့ မိန်ရာသီဖွား အရေအတွက် နည်းလှပါတယ်။ ဗုဒ္ဓဟူးဂြိုဟ် “နိစ်မူ” ခြင်းကြောင့် ရံဖန်ရံခါ စကားမတည်ကြည်ဘဲ မုသားကို အလွယ်တကူ သုံးတတ်သူများ အဖြစ်လည်း တွေ့ရတတ်ပါတယ်။ “နက်ပကျွန်းဂြိုဟ် နဲ့ ရေရာသီ” ပေါင်းစပ်မှုကြောင့် အကဲခတ်ရခက်သူများဖြစ်ပြီး စိတ်အပြောင်းအလဲ မြန်ဆန်ကြသူများ လည်း ဖြစ်ပါတယ်။ ဦးတည်ရာမတူတဲ့ ငါးနှစ်ကောင်ဟာ မတူညီတဲ့ စရိုက်သဘာဝနှစ်ခုကို တပြိုင်တည်း ကျင့်သုံးတတ်တာ ကို ပြဆိုပြီး “အပြော နဲ့ အလုပ် ဆန့်ကျင်ဘက်ဖြစ်ခြင်း” ကိုလည်း အဓိပ္ပါယ်ဆောင်ပါတယ်။