မိုးကုတ် စက်ဝိုင်းသို့ လမ်းလျှောက်ခြင်း - ဂျူး

မိုးကုတ် စက်ဝိုင်းသို့ လမ်းလျှောက်ခြင်း

Written by ဂျူး

Tuesday, 04 December 2012 19:11

ဝင်လိုက် ရမည်လား၊ လှည့်ပြန် သွားရ မည်လား။ အ၀င်ဝတွင် ချိတ်ဆွဲ ထားသော ဆိုင်းဘုတ်ပြား ကလေးကို ထူးဆန်း သော အရာ တစ်ခု သဖွယ် ခပ်ငေးငေး ကြည့်ရင်းက တွေဝေ နေမိသည်။ ဒေါက်တာထား အမ်ဘီဘီအက်စ်(မန္တလေး) ဆိုသော စကားလုံး များသည် သူစိမ်း ပမာ ဖြစ်နေ သည်ကိုး။ တွေဝေ နေခိုက် မှာပင် ရင်က လှုပ်ခတ် တုန်ယင် လျက်ရှိ၏။ ၀င်လိုက်လျှင် ကောင်းမည်လား၊ အို ခုနေ လှည့်ပြန်လိုက်... အချိန်မီ သေးတယ်။ တွေးရင်းကပင် ဆေးခန်းထဲသို့ ခြေလှမ်း လိုက်ပြီး ဖြစ်နေ၏။ ထားက ဘယ်လို မျက်နှာဖြင့် ကြိုမှာ ပါလိမ့်။ ထိုအတွေး သည် မင်္ဂလာဆောင် အိမ်မှ ထွက်လာ ကတည်းက ခုထိ ရှိနေဆဲ။ မ၀ံ့မရဲ ပုံစံဖြင့် ၀င်လာ မိသော တွန့်ဆုတ်ဆုတ် ဟန် အမူအရာ ကို လိုက်ကာ နောက်မှ ထွက်လာသော အနီဝတ် ဆရာမ လေးက စူးစူး စမ်းစမ်း ကြည့်လေသည်။ လူနာအောက် မေ့ဟန်တူ၏။ “ထိုင်စောင့်ပါ”ဟု ခပ်တည်တည် ပြောကာ အထဲသို့ ပြန်ဝင်သွား သည်။  ထိုင်လိုက် ဖို့ကို သတိမရမိဘဲ မတ်တပ်ရပ် နေရင်းက ပြန်လှည့် သွားသင့် သည်လားဟု စဉ်းစားမိ ပြန်သည်။ လပေါင်း များစွာ မမြင်ရသော ထားအား မြင်တွေ့ ချင်စိတ်ကို ထိန်းသိမ်း၍ မရ။ တွေ့လိုက် ဦးမည်။ တွေ့ချင်၍ တမင် လာခဲ့သည် မဟုတ် လား။ အဖြူရောင် လိုက်ကာလေး လှုပ်သွား၏။ ထားမဟုတ် ချေ။ စောစောက ဆရာမလေး နှင့်အတူ လူနာ ထင်ရသော အမျိုးသမီး တစ်ဦးသာ ဖြစ်သည်။ အမျိုးသမီး ထွက်ခွာ သွား သည့်တိုင်အောင် ထား၏ အရိပ် အယောင် မမြင်ရချေ။ ထားက လူနာ စမ်းသပ်ခန်း ထဲမှာပဲလား။ အခန်းထဲမှာ လူနာ ကျန်သေးသည် လား။ “ကဲ ရှင်က” “ထားနဲ့” “ရှင်” “ကျွန်တော် ထားနဲ့ တွေ့ချင်လို့ပါ” ဆရာမ လေးက မျက်ခုံးပင့် ကြည့်ကာ ပြန်ဝင် သွားသည်။ ခြေစုံ ရပ်လျက် တွေဝေရင်းက မလှုပ်ရှားမိ။ ချစ်လှစွာသော ထား၊ ထားက မြင်လျှင် ချက်ချင်း များ လှည့်ဝင် သွားမည် လား။ သို့မဟုတ် စကားဖြင့် ခနဲ့ လေမည်လား။ တစ်ခုမှ မဟုတ်နိုင်ဟု တွေးမိ ပြန်သည်။ ထားက အင်မတန် စိတ်ခက်မာ ပြီး အေးစက် သော မိန်းကလေး ဖြစ်သည်။ ခန်းဆီး အဖြူလေး  လှုပ်သွား သည်။ ဆရာမလေး ထွက်လာ၏။ ရင်သည် လှိုက်ခုန် လာ ပြန်သည်။ မတွေ့ချင် ဘူးလို့များ အို... ထားက ဘယ်သူ ဆိုတာ မသိနိုင် ပါဘူး။ ထွက်တော့ လာမှာပါ။ ခဏ အကြာ၌ ရင်ခုန်ခြင်းက ရပ်တန့်သွား၏။ ထား ညင်သာ လွင့်ပါးစွာ လျှောက်လာ သူသည် ချစ်ရ သော ထား။ အနည်းငယ် တုန်ယင်လာသော လက်ဖျား တို့ကို လက်နောက် ပစ်၍ ကွယ်ဝှက် လိုက်မိသည်။ မလှုပ်မယှက် ရပ်လျက်က ထား ဆီက အကြည့်ကို စိတ် လှုပ်ရှားစွာ စောင့် နေလိုက် ရ၏။ ဆရာမလေး မျက်နှာ မူရာကို ထား အကြည့် က ပြောင်းလာ၏။ ထား မျက်နှာပေါ်မှာ အပြောင်း အလဲကို စူးစိုက် ငေးမော ရှာဖွေ ပေမဲ့ မတွေ့ရ။ ထား အကြည့်က ပူနွေးမှု လုံးဝ မပါသည်ကို၊ ထား၏ ကြိုဆိုမှုက လှိုက်လှဲမှု လုံးဝ မပါသည်ကို ဖျတ်ခနဲ ၀မ်းနည်း စွာ သိလိုက် ရလေသည်။ သည်အခိုက် အတန့် ကလေးကိုပင် ရက်ပေါင်း များစွာ ကတည်းက ကြိုတွေး တောရင်း ရင်ခုန်လှိုက် မောခဲ့ ရပါသည်။ သို့ပေမဲ့ ထားကတော့ မြင်လိုက်ရသော အခိုက် အတန့်၌ ကြာမြင့်စွာ ခွဲရသော အသိ မိတ်ဆွေကို မမျှော် လင့်ဘဲ တွေ့ရသည့် ခံစားမှု မျိုးလေးတောင် မခံစားရ တော့ပြီ လား။ ဆေးခန်းသို့ လာသော လူနာ အား စူးစမ်း ကြိုဆို သည့် အကြည့်မျိုးထက် အနည်းငယ်မျှ မပိုနိုင် တော့ပြီလား ထားရယ်။ ခြေအစုံသည် မြေကြီးနှင့် ကပ်နေ သည့်နှယ်။ အနည်း ငယ်မျှ လှုပ်ရှား ၍မရ။ အားလျော့စွာ ငေးကြည့် နေဆဲ မှာပင် ထားက ညင်သာ စွာ ပြုံးပြသည်။ ဧည့်သည် တစ်ယောက်ကို ဖိတ်ခေါ်သော အပြုံးမျိုး မဟုတ်လား ထား။ ပြန်ပြုံး မိသည် မထင်လိုက် ချေ။ “သြော်” တင်းကျပ် ဆို့နစ်မှုကို ခံစား လိုက်ရသည်။ မထူးဆန်း သော အသိ အမှတ်ပြု ရေရွတ်သံ တိုးတိုးလေးသည် ကြီးမား သော အရှိန်အဟုန်ဖြင့် နှလုံးသား ထဲသို့ ဆောင့်တိုး ၀င်သွား သည်။ မျှော်လင့်ချက် တို့သည် တစ်စစီ၊ တကွဲစီ ပျံ့လွင့်ကုန် သည်။ “မထိုင်ဘူးလား မောင် ထိုင်လေ” ရင်ခုန်သံသည် တစ်ချက်၊ နှစ်ချက် ကျယ်လောင်သွား ၏။ ထားမျက်နှာ လေးကို ခပ်ဝါးဝါး ငေးမော နေမိဆဲ။ “မောင်” တဲ့လား ထားရယ်။ ချစ်သော ထားက မောင်လို့ ခေါ်သေး သည်လား။ ကြည်လင်စွာ ပြုံးပြ နေသော မျက်လုံးတွင် ရွှင်မြူးရိပ် ကို မတွေ့ရ၊ တမ်းမက်မှုကို မတွေ့ရ။ သွယ်နွဲ့သော ခန္ဓာ ကိုယ်သည် ပို၍ သွယ်နွဲ့ နေသည်။ “လာ ထိုင်လေ။ လူနာပါး သွားပြီပဲ အေးအေး ဆေးဆေး ထိုင်ဦး။ သြော် သက်သက်ရေ ဒီနေ့ ဆေးတိုက် စောစောပိတ် မယ်။ သက်သက် ပြန်ချင်ပြန် တော့။ ထားတို့ ခဏနေရင် ပြန်မယ်။ သူက ထား ယောက်ျားလေ သက်သက်” “အို” အနီဝတ် ဆရာမ လေးက တအံ့တသြ လှမ်းကြည့်သည် ကို ပြုံးပြ မအား။ ထားအား ရင်ဖိုစွာ ငေးမော ကြည့်နေမိ သည်။ ဒေါက်တာ့ အမျိုးသားလား၊ သက်က မသိဘူး။ ဒါဖြင့် အဆိုတော် နိုင်အေး ပေါ့နော်။ စကားလုံးများ ကြားလိုက် ရသည်လို့ ထင်လိုက်သည်။ ခုမှပဲ မြင်ဖူး တော့တယ်။ ဓာတ်ပုံ ထဲကနဲ့ သိပ်မတူသ လိုပဲ။ ဒေါက်တာက နှင်မှပဲ အလိုက်သိသိ နဲ့ ပြန်ပါ တော့မယ် နော်။ သည်စကား များကို မကြားတစ်ချက် ကြားတစ်ချက်။ ထားအပြုံးသည် မိတ်ဆွေ အပြုံးလား။ ချစ်သူကို ကြိုဆိုသော အပြုံးမျိုးတော့ မဟုတ်ဘူးထင်သည်။ ထား ယောက်ျား လေတဲ့။ မောင့်ကို ထားက လင်ယောက်ျား အဖြစ် သတ်မှတ်သေး သည်လား။ ထားအနီး ကုလားထိုင်တွင် ခပ်ယောင်ယောင် ၀င်ထိုင် ရင်း ထား အပြုံးကို တမေ့ တမော ငေးမိ ပြန်သည်။ “မောင် ဘာနဲ့ လာတာလဲ” “ငြိမ်းချမ်းရေး အဖွဲ့နဲ့ လိုက်လာတာ။ ကားနဲ့ပဲ” “ဟာ ဒါဆို ည စုစုမွန်တို့ မင်္ဂလာဆောင်မှာ ကိုနိုင်အေး လည်း ဆိုမှာပေါ့ ဟုတ်လား” ခြင်းတောင်းလေး ဆွဲလျက် ထွက်ခွာ တော့မည့် ဆရာမ စကားကို ပြုံး၍ ခေါင်းညိတ် ပြလိုက်  ပေမဲ့ မျက်လုံးက ထား ဆမှ သိပ်ဝေးဝေး ခွာ၍မရ။ “ဒီလိုဆိုရင် လာနား ထောင်ဦးမယ်။ ဒေါက်တာ ရော၊ အဲလေ သက်နဲ့ ဘယ် လိုက်မလဲ ဟဲ ဟဲ” ထားက သက်သက် အား ပြုံးရယ်လျက်က မျက် စောင်း လဲ့လဲ့ဖြင့် ကြည့် သည်။ မောင် သိပ်အံ့သြသည် ထား။ တစ်ယောက်နှင့် တစ်ယောက် ကွဲရှင်းပြတ် စဲဖို့ ခွဲခွာ ကြပြီးသော လူတစ်ယောက် ကို ထားက ယောက်ျားလို့ သတ်မှတ်သေး သည်လား။ နှစ်ယောက် တည်းဟူသော အသိကြောင့် စောစောက ထက် ပိုမို၍ ရင်ခုန် လာသည်။ သို့ပေမဲ့ ထားအပြုံးက ရုတ် ခြည်း လျော့ပါး သွားသည်ကို မြင်ရ တော့ ထား လက်ခုံလေး ကို လှမ်းဆုပ် ကိုင်ဖို့ ကြံရွယ် ချက်ကို ဖျက်သိမ်းလိုက် ရ၏။ “တီးဝိုင်းနဲ့ လိုက်ရင်း လမ်းကြုံလို့ ၀င်လာ တာဆို ပါတော့” စူးရှသော နာကျည်းမှု ကြောင့် ကုလားထိုင် လက် ရန်းကို တင်းနေအောင် ဆုတ် ပစ်လိုက်မိသည်။ “မောင်က ငြိမ်းချမ်းရေး အဖွဲ့ထဲက မဟုတ်ဘူး ဆိုတာ ထား မေ့သွားပြီ ထင် တယ်။ လမ်းမကြုံပါဘူး ထား။ ရေနံ ချောင်းကို သွားရမယ် ဆိုတော့ မောင် ထားနဲ့ သိပ်တွေ့ချင် လို့” တစ်ဆုိ့ လာသော နာ ကျည်း ခြင်းဖြင့် စကားကို ရပ် ပစ်လိုက်မိသည်။ မောင့် အချစ်ကို ထား ယခုထိ အသိ အမှတ် မပြုသေး ဘဲကိုး။ အေး စက်စိမ်း ကားသည့် ကြိုဆိုမှု အောက်တွင် မောင် လူးလှိမ့် နေအောင် ခံစား ရသည်ကို လည်း ထား နားလည်နိုင် မည် မထင်ပါ။ “သိပ်တွေ့ချင်လို့” ထားက အံ့သြသလို ရေရွတ်တော့ မောင် ထားကို ဘယ်လို မျက်နှာဖြင့် ကြည့်ရ မည်လဲ။ တစ်နှစ်တာမျှ ပေါင်းသင်း ခဲ့ရသော ချစ်ဇနီး ကို သိပ်တွေ့ချင် တာ ထား အတွက် အံ့သြစရာလား။ ရှေ့ တည့်တည့် နံရံကို ငေးကြည့် နေသော ထား မျက်ဝန်းတွင် အချစ်ကို ဘယ်သို့မျှ ရှာမတွေ့နိုင်မှန်း သိလျက်နှင့် ရှာဖွေ မိပြန်သည်။ “ဟုတ်တယ်။ သိပ်တွေ့ချင်တယ်။ မောင်က သိပ်ချစ်တာ  ကိုး” ထားက ဖျတ်ခနဲ လှည့်ကြည့်၏။ ငဲ့အကြည့်သည် ဘယ် လောက် ခံပြင်းဖို့ ကောင်းလိုက် ပါလိမ့်။ မျှော်လင့် မထားသူ ဆီက မမျှော်လင့်သော စကားကို ကြား လိုက်ရသည့် အကြည့် မျိုး မဟုတ်လား။ တဖြည်းဖြည်း မဲ့ပြုံးပြုံး လာသော နှုတ် ခမ်းကို မုန်းတီး စိတ်ဖြင့် မျက်နှာလွှဲ ပစ်လိုက် မိသည်။ ဟုတ် တာပေါ့။ သည်အပြုံးသည် မောင့်ကို အမြဲလှောင် ခဲ့သည့် အပြုံးပေပဲ။ မောင် ဘာစကားမှ မပြော ချင်တော့ပါ ထား။ ပြောလျှင်လည်း ဘယ်သို့မှ အရာဝင် မည် မထင်ပါ။ မဲ့ပြုံးဖြင့်  အကြည့်ခံ ရရုံကလွဲ၍ ထား ဆီက မောင်ဘာမှ မျှော်လင့်၍ မရစကောင်း သည်ကို မောင်ခုမှ သိသည့် အတွက် အပြစ်တင် လျှင်လည်း ခံရုံပါပဲ။ မောင်က မျှော်လင့်ခဲ့ သည်လေ၊ ဟိုစဉ် ကလို မွတ်သိပ်စွာ မဟုတ် လျှင်တောင် နွေးထွေးစွာ မောင့်ကို ကြိုနိုင် မည်လို့ မောင် ထင်ထား ခဲ့သည်ကိုး။ “သြော် သိပ်ချစ်တာ တဲ့လား” အေးစက်သော စကားသံ သည် နှလုံးသားကို ဖျစ်ညှစ် ဆွဲထုတ် ပစ်နေသည် ထင်၏။ “မလှောင်နဲ့ ထား၊ ကျေးဇူးပြုပြီး မောင့်ကို...” “လှောင်တာ မဟုတ်ပါဘူး။ အံ့သြလို့ပါ။ မအံ့သြရ ဘူးလား။ နှစ်ဦး သဘောတူ လမ်းခွဲပြီးသား လူဆီက ဒီစကား ကြားရတာ အံ့သြခွင့် မရှိဘူးလား” “နှစ်ဦး သဘောတူလို့ မပြောပါနဲ့ ထားရဲ့။ ထားဆန္ဒ အရ” “ရှင်” ငဲ့ကြည့်တော့ ထားက စူးစူး စိုက်စိုက် ကြည့်နေခဲ့၏။ “မောင့်အိမ် ကနေ ထား ဆင်းသွား ခဲ့တာလေ။ ထား ဆန္ဒ မဟုတ် ဘူးလား” “မောင် ဒီလို လာတာ ဒီစကားတွေ ဆွေးနွေးဖို့လား၊ ဖြေရှင်း ကြဖို့လား၊ ဒီလောက် ကြာမှတော့ လိုသေးလို့လား၊ ဇာတ်လမ်းက ပြီးသွား...” “ထား အတွက် ကတော့ ဟုတ်မှာပေါ့။ မောင့်အတွက်က တော့ မပြီး သေးဘူး။ ထား မသိဘူးလားဟင်။ မောင်ထား ကို....” “မောင် ဘာဖြစ်လို့ ကျွန်မ ဆီကို လာတာလဲဟင်” နာကျင် စူးရှသော ဝေဒနာ သည် နှလုံး ဆီသို့။ ထိုမှ တစ် ဆင့် ခန္ဓာကိုယ် တစ်ခုလုံးသို့ ပျံ့သွားသည်။ နှုတ်ခမ်း တို့သည် နာကျင်စွာ တုန်ယင်လျက် ပြောချင်သော စကားများကို ပြန် လည်မြို သိပ် ထားလိုက်သည်။ ထွက်သွား သင့်ပြီဟု သိလျက် နှင့် ခွဲခွာ ရမှာကို မတွေးတောရဲ။ ထားကို မက်မော စိတ်ဖြင့် တစ်မိနစ်ပဲ ငေးမော ရပါစေ၊ မောင်ခင်တွယ်စွာ နေချင်သေး သည် ထားရယ်။ “ပြတ်စဲတဲ့ စာချုပ် အတွက် လာတာလား။ မောင့်အတွက် ကွာရှင်း စာချုပ် လိုပြီလား” တင်းထား ရသော ဝေဒနာသည် ခံနိုင် စွမ်းအားကို ကျော် လွန်သွား၏။ ထား ပခုံးကို ဆွဲကိုင်ပစ်လိုက်မိသည်။ ထား ကိုယ်ကို ဆွဲလှည့် လှုပ်ခါ ပစ်လိုက်သည်။ “ထား” စူးနင့်သော အသံသည် တုန်ခါ နေလိမ့်မည်။ အက်ကွဲ ၍ပင် နေလိမ့်ဦးမည်။ မော့ကြည့် နေသော ထား မျက်နှာတွင် နာကျင်သော ခံစားရိပ် ကိုမြင်မှ စိတ်ကို လျှော့လျက် လက်ကို အားလျော့စွာ ဖယ်ချ လိုက်ရ၏။ နူးညံ့သော ထား၏ လက် မောင်းစွန်း လေးများ နာသွားပြီလား။ ဖြူဖွေး နုထွေးသော လက်မောင်း စွန်းလေးများသည် ခပ်ကြမ်းကြမ် ဆုပ်ကိုင် လိုက်လျှင်ပင် လက်ရာ ထင်လျက် နီမြန်း သွားတတ် သည် မဟုတ်လား။ လက်မောင်းသားကို လုံခြုံစွာ ကာကွယ်ထား သည့် အင်္ကျီစ အောက်၌ လက်ရာထင် မထင် မောင် မသိနိုင် ပါ။ တုန်လှုပ်မှုကို  ထိန်းလျက် မောင် ငေးနေခိုက် ထားက မျက်လွှာ ချလျက်၊ ကုလားထိုင် လက်ရန်းကို လက်သည်းလေး များဖြင့် ခပ်ဖွဖွ ခြစ်ဆွဲလျက်။ ဖြူနုသော၊ သွယ်ပျောင်း လှပ သော လက်ဖျားလေး များကို ဆုပ်ကိုင် ဆွဲယူ၍ မက်မက်မော မော နမ်းရှိုက် ခွင့်သည် ပျောက်ကွယ် သွားခဲ့ပြီနော် ထား။ မောင်နှင့်ထား၏ အိမ်ထောင်ဘ၀သည် တစ်နှစ်နဲ့ပဲ ပြီးဆုံး သွားရတော့မည်လား။ မောင့်အတွက် ထားက သည့်ထက် အချိန်မပေးနိုင်ပြီလား။ “လွန်ခဲ့တဲ့ သုံးလေးလက မောင် ကျွန်မကို ဒီလို မေးခဲ့ဖူး ပါတယ်။ အဲဒီတုန်းက ကျွန်မ ဒီလောက် စိတ်ဆိုးခဲ့ သလား” မောင် မေးခဲ့ သားပဲ။ ထားကို လူကိုယ်တိုင် စကားပြော ချင်လွန်း၍ တယ်လီဖုန်းနှင့် လှမ်းမေး ခဲ့သည်လေ။ မောင် ကွာရှင်း ချင်၍ မဟုတ်ပါ ထား။ ထားသဘောကို သိချင်လွန်း လို့ တိုက်ရိုက် မမေးဝံ့၍ မေးခဲ့ ရခြင်းပါ။ “မောင် စိတ်မဆိုး ပါဘူး ထား။ စိတ်ထိခိုက် တာပါ” မောင်က ဘယ်သူနှင့် ယူတော့မှာမို့ ကွာရှင်း စာချုပ် လိုရမှာလဲ ထားရယ်။ ထားကို မေးခဲ့စဉ်ကတော့ ထား မောင့် ကို စိတ်မဆိုး ခဲ့တာ မောင် သိပါရဲ့။ စိတ်လည်း မထိခိုက်ခဲ့ ဘူး မဟုတ်လား။ ထား ကွာရှင်း စာချုပ် လိုပြီလား၊ လက်မှတ် ထိုးဖို့လိုရင် ကျွန်တော့်ကို ခေါ်လိုက်နော် ဟု ပြောခဲ့ သည်ကို ထားက တကယ် ထင်ခဲ့ သည်လေ။ ဟင့်အင်း ကျွန်မ အတွက်  ကတော့ မလိုပါဘူး။ ကိုနိုင်အေး လိုတဲ့ အချိန် ကျွန်မဆီ လာယူနိုင်ပါတယ်။ ကျွန်မ အတွက်က စာချုပ်တွေ ဘာတွေ ကို သိပ် အရေးထားတာ မဟုတ်ပါဘူး။ လူတစ်ယောက်လုံး ရဲ့ အပြုအမှု အဖြစ်အပျက် ထက်၊ ဘာမဟုတ်တဲ့ စာရွက်ပေါ် က စာလုံးတွေ လက်မှတ် တွေက တန်ဖိုး ရှိနေ ကြတာရယ် တော့ ရယ်စရာ ကောင်းတယ် နော်တဲ့။ ထားက အေးဆေး ညင်သာစွာ ပြောခဲ့ သည်လေ။ ထို့နောက်တော့ မောင် သိပ် စကား ပြောချင် နေသည့် ဆန္ဒကို မသိ၍လား... သို့မဟုတ် မသိ ကျိုးကျွန် ပြု၍လား...၊ သို့မဟုတ် မလိုအပ် ဘူးထင်၍ လား...၊ နှုတ်ပင် မဆက်ဘဲ ပြတ်တောက်စွာ ဖုန်းကိုချ သွားသည် မဟုတ်လား ထားရယ်။ ထိုနေ့ညက မောင် ဂစ်တာ ကို အဖော်ပြု၍ မူးယစ် အောင်ကြိုးစားရင်း ထားအား တမ်းတ မွတ်သိပ်မှုကို မေ့ပျောက် အောင် ချိုးနှိမ်ခဲ့ ရတာ ထား ဘယ်သိ နိုင်မှာလဲ။ “စိတ်ထိခိုက် တာလား၊ ဒါဆိုလည်း ပြောမိတဲ့ အတွက် ကျွန်မက တောင်းပန် ရမှာပေါ့” စကားသံ က ချိုသာသည်လား၊ အေးစက် သည်လား မခွဲ ခြား တတ်နိုင်။ အေးစက်စက် မျက်နှာထားကို နာနာ ကျင်ကျင်  စိုက်ကြည့်ရင်း ဖြစ်ပေါ်လာသည့် တောင့်တမှုကို ကျိတ်မှိတ် မျိုသိပ် လိုက်ရသည်။ ပန်းရောင် ဖျော့ဖျော့ နှုတ်ခမ်း နုနုလေးကို မကြည့်မိ အောင် မျက်စိ လွှဲလိုက်သော အခါ အင်္ကျီလွတ်သည့် လည်တိုင် နွဲ့နွဲ့နှင့် ခိုင်မာသော မေးရိုးကို ပီပီပြင်ပြင် မြင်နေ ရသည်။ နိုင်အေး အကြိမ်ကြိမ် နမ်းရှိုက် ခဲ့ဖူးသော လည်တိုင် နွဲ့နွဲ့လေးက ပို၍သွယ်ပြီး ပို၍ရှည်နေ သည်။ “ထား ပိန်သွားတယ်နော်။ နေမကောင်း ဘူးလား” လူချင်း စတွေ့စဉ် ပြောရမည့် ပဋိသန္ဓာရ စကားကို ခုမှ ဆိုဖြစ်သည် ကြောင့် ထင်သည်။ ထားက နှစ်နှစ် ခြိုက်ခြိုက် ပြုံးရယ် လိုက်လေသည်။ ထိုခဏ၌ ထား အပြုံးသည် လမ်းခွဲ ခါနီး လပိုင်းက အပြုံးမျိုး မဟုတ်ဘဲ ချစ်ခင် နှစ်လိုမှု ကိုပင် တွေ့နိုင် သလို ထင်မိသည်။ “နေကောင်း ပါတယ်။ ပိန်တာက ကွန်ထရာ ဆက်ပ် တစ်ဗ်စ်တွေ အဲ...” ထားနှင့် ချစ်သူ ဘ၀မှာ သုံးနှစ်၊ အိမ်ထောင်သည် ဘ၀ မှာ တစ်နှစ်၊ စုစုပေါင်း လေးနှစ် ရင်းနှီးခဲ့ ပြီးပေမဲ့ ထား သုံးနှုန်း သော ဝေါဟာရ များကို မောင် နားလည်အောင် မကြိုးစား မိတာ မောင့်ရဲ့လိုအပ်ချက် ပေါ့။ မောင် ၀န်ခံသည်လေ။ ထားက တော့ မောင့်ဂီတ ဝေါဟာရ တွေနှင့်လည်း အကျွမ်း ၀င်သည်။ ဂီတနှင့် ပတ်သက်သော လူများစွာ၊ အရာဝတ္ထု များစွာကိုလည်း အကျွမ်း ၀င်သည်ပဲ မောင့်ကို ခွင့်လွှတ်ပါ။ “ပဋိသန္ဓေ တားဆေးကို ပြောတာပါ။ အဲဒီဆေး ကိုဖြတ် ရင် ပိန်သွား တတ်တယ်လေ။ ဖြတ်ခါစက ဒါထက် ပိန်သေး တယ်။ အခု ၆ လလောက် ကြာလို့ နည်းနည်း ပြန်ပြည့်လာ တာ” ပြုံးရယ်လျက် ပြောနေသော ထားမျက်နှာကို မုန်းတီး စိတ်က ရုတ်ချည်း ပေါ်လာသည်။ ပဋိသန္ဓေ တားဆေး။ မောင် သိပ်မုန်းသော စကားလုံးကို ထားက ပြောဖြစ်အောင် ပြော သေးသည်နော်။ မောင်နှင့်ထား ကွဲခဲ့တာ ဒီကိစ္စလည်း အဓိက အကြောင်းထဲမှာ ပါသည်ပေါ့။ မောင်လိုချင် လျက်နဲ့ ထားက မှ ကလေး မပေးချင်ပဲလေ။ “တော်တော့ ထား မပြောနဲ့” မောင့်အသံ ပြတ် တောက်စူးရှ သွားတာ စိတ် မကောင်းပါ။ မောင်မှ သည် စကားတွေကို မကြား ချင်ဘဲ။ ကလေး မလိုချင်ဘူး ဆိုတဲ့ ထား၊ မိခင်စိတ် ဆိုတာ တစ်ပြားသားမှ မရှိတဲ့ ထား၊ ခက်ထန်သော ထား၊ ကလေး ဆိုတာ ထားတို့ ဘ၀မှာ မလို သေးပါဘူး နော်တဲ့။ ကလေး ရှိနေရင် တစ်ခုခု ဆုံးဖြတ်စရာ ရှိရင် နှောင့်နှေး တွန့်ဆုတ် တတ်တယ်တဲ့။ သည်က တည်းက ထားဆိုလို ချင်တာ ကို မောင်သိလိုက် သားပဲ။ နောက်ပြီး ကလေး သံယောဇဉ် ကြောင့် မရှိတော့ တဲ့သစ္စာကို မထိန်းချင်ဘဲ ဟန်ဆောင် အောင့်အည်းပြီး ထိန်းနေ ရတဲ့ အိမ်ထောင် မျိုးကို ထားမလို ချင်ဘူး တဲ့။ တစ်ယောက်ကို တစ်ယောက် မလို ချင်တော့ ရင် ဘာကိုမှ မငဲ့ဘဲ ပြတ်စဲ ကြစတမ်းတဲ့။ ထားရဲ့ လှပ သော နှုတ်ခမ်းလေး သည်မျှ အကျည်းတန်သော စကား များကို ပြောထွက် ခဲ့တာ မောင် အံ့သြ၍ မဆုံးပါ။ ချစ်စ ခင်စ ကြင်နာစ ဘ၀မှာ ပြတ်စဲ ကွာရှင်းမယ့် အကြောင်း တွေကို ပြောလာ ကတည်းက မောင် ထားကို ကြောက်ခဲ့မိ သည်။ ယုံကြည် မှုလည်း မဲ့ခဲ့သည်။ သစ္စာ ဖျက်သွား မည်လားလို့ စိုးရိမ် ပူပန်ခဲ့မိ သည်။ “မောင် စိတ်ထိခိုက် သွားတယ် ထင်တယ်။ ၀မ်း နည်းပါတယ်။ အစ ကတည်း က ချစ်သူဘ၀ မှာကတည်း က မောင့်ကို ကျွန်မ ပြောသား ပဲ။ မောင်နဲ့ ကျွန်မ လက်ထပ် ရင် သိပ်ပျော် ရမယ် မထင် ဘူးလို့၊ ဒီအကြောင်းတွေ မြင် ခဲ့လို့ ကျွန်မ ပြောခဲ့ တာပါ။ ကျွန်မ ပေးချင်တဲ့ အချစ်နဲ့ မောင်လိုချင်တဲ့ အချစ်နဲ့ မတူ ဘူး။ မောင် ကျွန်မကို ချစ် တယ်။ ကျွန်မက မောင့်ကို ချစ်တယ်။ ဒါပေမဲ့ အချစ် ချင်း မတူဘူး။ ကျွန်မလိုချင် တဲ့အချစ်မျိုးကို မောင်က မပေးနိုင် ဘူးလေ။ မောင်နဲ့ ကျွန်မနဲ့ လက်မထပ် ခဲ့ရင် ကောင်းမှာ” ကျင်ခနဲ စူးနင့် သွားခြင်းကို နှုတ်ခမ်း တင်းတင်းစေ့၍ ဖိနှိပ် ခံစားရင်း လက်ဖျားများကို ဆုတ်ချည် ဖြန့်ချည်ပြုကာ ငေးမော နေလိုက်သည်။ သည်ခဏ၌ ထားအား နာနာကျည်း ကျည်း တွန်းဖယ် ပစ်ချင် လာသည်။ “မောင်နဲ့ လက်ထပ် ခဲ့တာ သိပ်မှားတာပဲ” အော်ဟစ် ပေါက်ကွဲ ပစ်ချင်စိတ်ကို အတတ် နိုင်ဆုံး ထိန်းချုပ် ထားလိုက် ရ၏။ “ဘာလဲ ထားက လက်ထပ် ခဲ့တာ မှားတယ် လို့တောင် ထင်နေ ပြီလား။ အပျို ဘ၀ကို ပြန်လို ချင်ပြီလား၊ လက်ထပ်ခဲ့ တာကို နောင်တ ရဖို့ အကြောင်း အရာတွေ” “အပျို ပြန်ဖြစ်ချင်လို့ မဟုတ်ပါဘူး။ ကျွန်မ အထင်ပေါ့ လေ၊ အပျိုနဲ့ တစ်ခုလပ်နဲ့ မိန်းမဆိုတဲ့ ရောင်းကုန ပစ္စည်းအဖြစ် သာ တန်ဖိုး ကွာချင် ကွာမယ်။ လူ့လောကမှာ အကျိုးရှိစွာ နေထိုင် ဖို့အတွက် ကတော့ တန်ဖိုးချင်း အတူတူပါပဲ။ လင်မရ သေးတဲ့ ဆရာဝန်မ ထားနဲ့။ လင်နဲ့ ကွဲနေတဲ့ တစ်ခုလပ် ဆရာဝန်မ ထားဟာ ဘာများ တန်ဖိုး ကွာလို့လဲ၊ ကျွန်မ ပြောချင်တာက တခြားပါ။ ကျွန်မတို့ရဲ့ ချစ်သူ ဘ၀ ပျော်ရွှင်ချိန် တွေကို လက်ထပ်ခြင်း နဲ့အတူ ပေးဆပ် လိုက်ရတာ ကို ၀မ်းနည်းလို့ ပါ။ အဲဒါကို မှားတယ်လို့ ယူဆ တာပါ။ လက်ထပ်ခြင်းကို စဉ်းစား လာတဲ့ အချိန်က စပြီး မောင်နဲ့ ကျွန်မနဲ့ သဘောထား တွေ ကွဲလွဲ လာခဲ့ကြတယ် မဟုတ်လား။ “မောင်က လက်ထပ်ခြင်းကို သိပ်လိုချင်တယ်။ လက် ထပ်ခြင်းကြောင့် ကျွန်မတို့ နှစ်ယောက် သိပ်ကို သာယာ ကြည်နူးမယ်လို့ ထင်တယ်။ နောက်ပြီး မောင်က လက်ထပ် ခြင်းဟာ ချစ်ခြင်းရဲ့ အဆုံးသတ် အချစ်ဟာ လက်ထပ်ခြင်း ဆို တဲ့ ကဏ္ဍကို မလွဲမသွေ ရောက်ရ မယ်လို့ ယူဆတယ်။ ကျွန်မ က ဒီလိုမယူ ဆခဲ့ဘူး။ လက်ထပ်ခြင်းဟာ ချစ်ခြင်းရဲ့အနည်း ငယ်သော အစိတ် အပိုင်းလို့ ယူဆတယ်။ လက်ထပ်ခြင်းဟာ ချစ်သူတွေ အတွက် မရှိမဖြစ် လိုအပ်တဲ့ အရာ မဟုတ်ဘူးလို့ ယူဆတယ်။ အဲဒီကစပြီး ကွဲလွဲခဲ့ ကြတာ ပါပဲလေ” “လက်ထပ်ပြီး တဲ့အခါ ချစ်သူချင်း အတူ နေထိုင်ပေါင်း သင်းရတဲ့ ဘ၀ ကတော့ အင်မတန် တမ်းတ ဖွယ်ရာ၊ ပျော်ရွှင် ဖွယ်ရာပါပဲ။ ဒါပေမဲ့ လက်ထပ်တဲ့ အခါ အဲဒါ တစ်ခု ထဲရလာ တာ မဟုတ်ဘူး။ အသစ် ဖြစ်ပေါ် လာတဲ့ လူမှုရေး တာဝန်တွေ၊ အိမ်ထောင်ရေး တာဝန်တွေ၊ ကြီးလေး လှတဲ့ ၀တ္တရားတွေ၊ ဒါတွေပါ ပိုလာတာ။ အဲဒီတော့ အဲဒီ တာဝန်တွေ၊ ၀တ္တရား တွေကို လူမြင်လို့ တင့်တယ်အောင်၊ နေထိုင်လို့ သင့်လျော် အောင် ဆောင်ရွက် ကြတဲ့အခါ အနည်းနဲ့ အများ ချစ်ခြင်း ကိစ္စ ကို မေ့ထား ကြရတယ်။ (စိတ်မရှိနဲ့နော်) လင်မယား အတူတူ ညအိပ်ဖို့ လောက်ကိုပဲ အချစ်လို့ လွဲမှားစွာ ယူဆ လိုက်ဖို့ ရှိတော့တယ်။ အဲဒီလို ဘ၀ကိုမှလည်း အိမ်ထောင်သည် ပီသ တယ်လို့ သတ်မှတ်တယ် ထင်ပါရဲ့။ ကျွန်မကတော့ အချစ်ထဲ မှာပဲ နစ်မြှုပ် နေချင်သူ။ အချစ် အရသာကို သိမ်မွေ့စွာ၊ လွမ်းမက်စွာ ခံစား နေချင်သူ။ ကျွန်မလို လူမျိုးဟာ ဘယ်တော့ မှ လက်မထပ်ရင် အကောင်းဆုံးပဲ။ အိမ်ထောင်ဘက်ကို အချစ် သန့်သန့် တစ်ခုကလွဲပြီး ဘာတာဝန်ဝတ္တရားမှ ကျေကျေ ပွန်ပွန် လုပ်မပေး နိုင်ဘဲကိုး။ ဒါပေမဲ့ မောင့်ကို ကျွန်မ လိုက်လျော ခဲ့သားပဲ။ မောင့်သိပ်လို ချင်တဲ့ ဆန္ဒကို ကျွန်မ လိုက်လျော ခဲ့တယ်လေ။ မောင့်ကို ကျွန်မ လက်ထပ် ခဲ့တယ် လေ” တစ်ခါမျှ သည်သို့ ရှည်လျား သောစကားကို မဆိုခဲ့ သည့် ထားအား တအံ့ တသြ ငေးမော နားထောင်ရင်း ဟိုစဉ်က ဘာဖြစ်လို့ သည်စကားတွေ မပြောခဲ့ သလဲ။ စကားအလွန် နည်းခဲ့ သလဲဟု အပြစ်တင် ချင်လာသည်။ “အဲဒီလို လက်ထပ် ခဲ့တဲ့ အနှစ်သာရ ကတော့ ကျွန်မ လင်ရဲ့ စွန့်ပစ်ခြင်းကို ခံခဲ့ ရတာပဲ” “ဒီလို မပြောနဲ့ ထား မောင်က...” “နေပါဦး မောင်၊ ကျွန်မ စကားမဆုံး သေးပါဘူး။ နောက်ပြီး မောင်က သိပ်ကလေး လိုချင်တယ်၊ ကျွန်မက ကလေး မလိုချင်ဘူး။ ကလေးအတွက် ကျွန်မ အိမ်ထောင်ရေး မှာ နေရာ မပေး ချင်ဘူး။ ဒီတော့ ပဋိသန္ဓေ တားဆေးတွေ သုံးခဲ့တယ်။ မောင်က ကျွန်မကို အကြင်နာ မဲ့တယ်၊ မိခင်စိတ် ခေါင်းပါးတယ်၊ ယုတ်ညံ့တယ်လို့ စွပ်စွဲခဲ့ တယ်နော်။ ဒီအချိန် မှာတော့ ကလေး မရှိလည်း ဘ၀မှာ နေပျော် သေးသားပဲ။ နောက်ပြီး တူတွေ၊ တူမ တွေလည်း အရှိသားပဲ၊ ဘာပဲဖြစ်ဖြစ် ထားအတွက် ကလေး မလိုသေးဘူး။ နောက်ပြီး (စိတ်လည်း မဆိုးနဲ့ဦး) တကယ်တမ်း ကျတော့ လင်ဆိုတာလည်း ထား အတွက် မလိုပါဘူး။ လိုအပ် တာက ချစ်သူပဲ၊ တစ်သက်လုံး ချစ်သူအဖြစ် မောင့်ကိုပဲ လိုအပ် ခဲ့တယ်။ ကျွန်မက မောင့်ကို သိပ်ချစ် တာကိုး။ မောင်က လွဲရင် ဘယ် အရာကိုမှ နေရာ မပေး ချင်ပဲကိုး” ကြည်နူးစိတ်၊ လွမ်းမော စိတ်နှင့်အတူ ထား၏ အေးဆေး သော မျက်နှာလေးကို မက်မောစွာ မျက်နှာချင်း အပ်ထား ချင်လာသည်။ သို့ပေမယ့် တစ်ချိန် တည်းမှာပင် စိတ်ထိခိုက်မှု၊ နာကျည်းမှု များနှင့်အတူ ထားကို မျက်နှာ လွှဲပစ်လိုက်ချင် သည်။ ယုံချင်စိတ်နှင့် မယုံကြည် စိတ်သည် တစ်ခုနှင့်တစ်ခု အားပြိုင်နေ၏။ “မဟုတ်သေးဘူးလေ၊ မောင့်ကို ထား သိပ်ချစ်တယ် ဆိုရင် ထား ဘာလို့ မဆွေးနွေး ခဲ့သလဲ။ ဘာကို မကျေနပ် တာလဲဆိုတဲ့ စကားနဲ့တောင် မောင့်ကို ထား အသိအမှတ်ပြု ခဲ့လို့လား ထားရယ်” “မောင့်ကို ကျွန်မ ဘာမှ မပြောခဲ့ဘူး။ ဟုတ်တယ်လေ မောင်က ထားနဲ့တော့ အတူပေါင်းသင်းလို့ မဖြစ်တော့ဘူး ထင်တယ်ဆိုတော့ ကျွန်မ ဘာပြောရဦးမှာလဲ။ ကျွန်မ အစက တည်းက ဒီလိုထင်ခဲ့တာ မောင် အသိပဲ။ မောင်ထွက်သွား တာ ကျွန်မ တားဖို့ လိုလို့လား” “ဒါပေမဲ့ မောင်စိတ်တိုလို့ ထွက်သွားတဲ့ နေ့က အပြီး အပိုင် ထွက်သွား ပြီလို့ ထားကိုများ ပြောခဲ့လို့လား၊ ခါတိုင်း သီချင်း သွင်းဖို့ သွားသလို ထွက်သွား လိုက်တာပဲ၊ ရန်ကုန်မှာ မောင်နှစ်ပတ်တောင် မကြာခဲ့ ပါဘူး။ ထားနဲ့ မခွဲနိုင်လို့ မန္တလေးကို ပြန်လာခဲ့ တယ်လေ။ ဒါပေမဲ့ ထားက သိပ်စိတ် ဓာတ် အေးစက် ခဲ့တဲ့ ထားက မောင့်အိမ် ကနေ မိဘဆီ အပြီး အပိုင် ပြန်သွား ခဲ့ပြီလေ။ ဖြစ်ချင်ရာ ဖြစ်ဆိုပြီး လွင့်မျောနေ ခဲ့တဲ့ အချိန်တွေကို မောင်ခုမှ နှမြောခဲ့တယ်။ မောင်သာ ထား ကို အမြန်ဆုံး လိုက်ခေါ်နိုင်ရင် ဒီလောက်ထိ အေးလေ ဒီတုန်း က သစ်စိမ်း ချိုးချိုး ရက်လေခြင်းလို့ ထားကို မောင် နာကျည်း ခဲ့သေး တာကိုး။ နောက်ပြီး မောင် ထင်သွားတယ်၊ ထား မောင့်ကို စိတ်ကုန် သွားပြီလို့” “မောင့်ကို ကျွန်မက စိတ်ကုန် တာလား မောင်က ကျွန်မကို စိတ်ကုန် တာလား” “မောင် ထားကို စိတ်မှ မကုန်နိုင်တာ။ ထားရဲ့ ဆရာဝန် အဖြစ်ကို ဂုဏ်မက်တဲ့ မိဘတွေ ရဲ့သမီး အဖြစ်ကို မောင် စိတ်ကုန် ခဲ့တာ ၀န်ခံပါတယ်။ ဒါပေမဲ့ ထားရဲ့ ကဗျာ ဆရာမ အဖြစ်ကို မောင်စုံမက် တယ်လေ။ ထားကလည်း မောင့်ရဲ့ ဂီတသမား အဖြစ်ကို စုံမက် တယ်လို့ မောင် ထင်ခဲ့တာ” “ဟုတ်သားပဲ မောင်၊ ကျွန်မ ပတ်ဝန်းကျင် အသိုင်း အ၀ိုင်းနဲ့ မတိုက်ဆိုင် ပေမယ့် မောင်တစ်ယောက် နဲ့တော့ တိုက်ဆိုင်မှာ ပဲဆိုပြီး အချင်းချင်း ဖလှယ် ခဲ့တာပေါ့” “ဒါပေမဲ့ မောင် စိတ်တိုလို့ ပေါင်းသင်းလို့ မဖြစ်တော့ ဘူးလို့ ပြောလိုက် တာကို ထားက အသိအမှတ် ပြုဆွေးနွေး မယ်ထင်ခဲ့တာ မောင်အမှားပဲ။ ထားက ဒီအတိုင်း နေခဲ့တယ် လေ။ ဟုတ်လား မောင်လို့တောင် မေးဖော် မရဘူး။ အလွန် အေးစက်တဲ့ အကြည့်နဲ့ မောင့်ကို ထားရဲ့လူနာ ကြည့်သလို ကြည့်နေ ခဲ့တယ် နော်။ မောင် သိပ်ခံပြင်း လွန်းလို့ ထွက်သွား ခဲ့မိတာပါ။ နောက် ထား ထွက် သွားတော့ မောင် စာလှမ်းရေး ခဲ့တာကိုလည်း ထား မပြန်ခဲ့ဘူး နော်။ သိပ်စိတ်ကြီးတဲ့ ထား ကို မောင် ဘယ်လို တောင်းပန်မှ ကျေအေးမှာလဲ” “စာပြန်ဖို့ မလိုဘူး ထင်လို့ပါ၊ ခွဲခွာ သူချင်း နှုတ်ဆက်ရုံ စကားတွေ ကလွဲပြီး သိပ်အဓိပ္ပာယ်” “ဘယ်လိုပြောလိုက်တာလဲ ထား။ အဲဒီစာထဲမှာ နှုတ်ဆက် စကား တစ်ခွန်းမှ မပါဘဲ ထား ပြန်လာဖို့ ထား ထား မောင့်စာကို” “ဟုတ်တယ် မောင့်စာကို ထား မဖတ်ခဲ့ဘူး” “ထားရယ်” နာကျင် ထိခိုက် စေသည့် ထား အပြုအမူများ စိတ်ဓာတ် များကို ၀မ်းနည်းစွာ သိလိုက် ရချိန် နှလုံးဆီကို ပြင်းထန်စူးနစ် စွာ အကန်ခံ လိုက်ရသလို နာကျင် သွားသည်။ “လွယ်လှချည်လား ထားရယ် သိပ်ကို လွယ်လှချည် လား။ ထားအတွက် လင် မယား ကွဲတယ်ဆိုတာ လွယ် လှချည်လား” ထား နှုတ်ခမ်း၌ မဲ့ပြုံး ကို ထင်ရှားစွာ မြင်လိုက်ရ ၏။ မဲ့ပြုံးနှင့် ဆန့်ကျင်စွာ ထား မျက်ဝန်းမှာ မျက်ရည် တို့ ရစ်ဝိုင်းနေသည်ကို မြင် ရပြန်သည်။ နိုင်အေးကို မကြည့်ဘဲ လမ်းမ ဘက်ကို စိုက်ငေးရ၏။ “ထား မိဘတွေကို လည်း မောင် သိပ်ကြောက် သွားတယ်။ ဖွဲ့စည်းပြီးတဲ့ အိမ်ထောင် တစ်ခု လွယ်လွယ် လေးနဲ့ ပြိုကွဲမှာကို ဒီအတိုင်း ကြည့်နေ ရက်တယ် နော်။ မောင် ထားဆီး မလာရဲ ခဲ့ပါ ဘူး” “ဖေဖေနဲ့ မေမေက ထားနဲ့ မောင် ကွာရှင်းဖို့ အထိ ပြတ်စဲကြတာ ခုထိ မသိသေး ပါဘူး” “ဟင်” အံ့သြ တုန်လှုပ်စွာ ထား ကို လှမ်းကြည့် လိုက်မိသည်။ ထားက လမ်းမပေါ် ငေးဆဲ ပင်။ မဲ့ပြုံးက ပျောက်ပြယ် သွားလေပြီ။ “မောင် ရန်ကုန်မှာ သီချင်းကိစ္စ၊ တီဝိုင်းကိစ္စ အဆင်ပြေလို့ ရန်ကုန်မှာပဲ နေတယ်လို့ ပြောထားရ တယ်။ မောင့်မိဘ အိမ်မှာ မောင်မရှိဘဲ မနေခဲ့ချင်၊ ရန်ကုန်လည်း မလိုက်ချင်လို့ ရေနံချောင်း ပြန်လာပြီး ဆေး ခန်းဖွင့် ချင်တယ်လို့ ပြော ထားခဲ့တာ” “ယုံတယ်” “အစကတော့ မယုံ ဘူးလေ။ ကျွန်မလည်း နည်း နည်း မူပျက် ခဲ့တာကိုး။ လိုက်သွားဖို့ တိုက်တွန်း တယ်။ ကိုယ်က မိန်းကလေး ပဲ တောင်းပန် စရာရှိရင် တောင်းပန် ကျေအေးလိုက်  တဲ့၊ ကျွန်မက တောင်းပန် ခြင်းဆိုတာကို သိပ်မလုပ် ချင် ဘူး။ ခု ကျွန်မ မှန်တယ်လို့ ယူဆတော့ ဘယ့်နှယ် လုပ် ပြီး တောင်းပန် ရမှာလဲ။ မေမေတို့ကို တော့ ရယ်ရယ် မောမောနဲ့ ငြင်းထားလိုက် ရတာပေါ့။ ဣနြေ္ဒ မပျက် မောင့်မယား အဖြစ်နေခဲ့တာ ပေါ့” “ထား မှန်တယ် ဆိုတော့ မောင်မှား တယ်လား” “ဟင့်အင်း မောင် မမှားပါဘူး။ မောင်လည်း မှန်သား ပဲ။ ထားလည်း မှန်တယ်လေ။ တစ်ယောက်က မှားပြီး တစ်ယောက်က မှန်ရင် ဒီအိမ်ထောင်က ညှိလို့ ရသေးတယ်။ နှစ်ယောက် စလုံး မှန်ရင် ညှိဖို့ မလွယ်ဘူး ထင်တယ်” “အမှန် တရားဆိုတာ နှစ်မျိုး မရှိပါဘူး ထား” “ဟုတ်တာပေါ့။ ဒါပေမဲ့ တစ်မျိုးတည်း အတွက်သာ အမှန် နှစ်မျိုး မရှိတာ။ တစ်မျိုးစီ အတွက်တော့ အမှန် တစ်မျိုးစီ ရှိမှာပေါ့။ မောင်နဲ့ ကျွန်မက တူမှ မတူဘဲ။ မောင် ပေးတဲ့ အချစ်ကို ကျွန်မ မရဘူး။ ကျွန်မ ပေးတဲ့ အချစ်ကို မောင် မရဘူး။ ပေးတော့ ပေးနေ ကြတာပဲ။ မရကြ ဘူးလေ။ အယူ မတူတာတွေ ပြောရရင် တော့ ဆုံးမှာ မဟုတ်တော့ဘူး” “ထားက သိပ်ကို စိတ်ကူး ယဉ်တာကိုး။ ဆရာဝန်လုပ် ဖို့ မကောင်းဘူး” “မောင်ကလည်း သိပ်လက်တွေ့ များလွန်းတယ်။ ကိုယ် ကာယ ခံစားမှု များလွန်းတယ်။ မောင်လည်း ဂီတသမား အဆိုတော်ဖြစ်ဖို့ မကောင်းဘူး” ထားသည် နိုင်အေး အား အိမ်ထောင်သည် ဘ၀တုန်းက မဝေဖန် ခဲ့ဘဲ ခုမှ ဝေဖန် နေလေသည်။ ထို့နောက်တော့ တစ် ယောက်မျက်နှာ တစ်ယောက် မာနကင်းစွာ၊ ရန်လိုမှု ကင်းစွာ ကြည့်နိုင် လာပြီး ခပ်သဲ့သဲ့ရယ် မော မိကြ ပြန်သည်။ “ထားမှာ နောက်ထပ် တွယ်တာ ရမဲ့ အဲ့လေ တွဲဖြစ်သူ ရှိနေပြီလား” ထားသည် နိုင်အေး ထံမှ မျက်နှာလွှဲလိုက်၏။ ခေါင်းငုံ့ သွားကာ သူ့လုံချည်ပေါ်မှ ပန်းပွင့်သေးသေး လေးများကို လက်ညှိုးဖြင့် လိုက်ထောက် ဆော့ကစား နေရင်း ငြိမ်သက် နေ၏။ နိုင်အေးသည် ထားကို ကြည့်ရင်းရင်၌ တွန့်တိုခြင်း၊ နှမြောခြင်း၊ မွတ်သိပ်တောင့်တခြင်း တို့ဖြင့် ပူလောင်လာသည်။ “ဟင် ထား” “ဖေဖေနဲ့ မေမေသာ မသိတာ မဟုတ်ဘူး။ ဒီရေနံ ချောင်းတစ်မြို့လုံး ထားနဲ့ မောင် ကွဲခဲ့တာကို မသိကြပါ ဘူး။ ထားမှာ ယောက်ျားရှိတယ်။ အဆိုတော် နိုင်အေး ဆိုတာ လူတိုင်း” “ထား” စိတ်လှုပ်ရှားစွာ ထား လက်ဖျားလေး များကို ရုတ်တ ရက် ဖမ်းဆုပ် ထားလိုက်မိ၏။ “သတင်းစာ ထဲကနေ မပြတ် မစဲမချင်း သူတို့အမြင်မှာ ထားဟာ မောင့်မယားပဲ”တိုးတိတ်လွန်းသော ထား အသံ သည် လေသံ သဲ့သဲ့မျှသာ ဖြစ်သော်လည်း နိုင်အေး ကောင်းစွာ ကြားပါသည်။ “မောင် အဆိုတော် ဝေေ၀လွင်နဲ့ ယူမလို လိုထိ တွဲခဲ့တာ သူတို့ ကြားတော့ တစ်စွန်း တစ်စ မေးကြတယ်။ ထားက ရယ်ရယ်ပြုံးပြုံးနဲ့ နိုင်အေးက ထားကို ဘယ်တော့မှ ပစ်မှာ မဟုတ်ဘူးလို့ ပြောခဲ့ ရတယ်လေ။ ဒါပေမဲ့ တကယ်တမ်း တော့ အဲဒီလို မထင်ပါဘူး။ မောင် တစ်နေ့ လက်မှတ်လာ တောင်းမယ်ဆိုတာ သိသားပဲ” “ထားရယ် ဝေေ၀လွင်နဲ့ မောင် တွဲခဲ့ တာမှန်ပါတယ်။ ဒါပေမဲ့ ထားကလွဲလို့ မောင် ဘယ်သူ့မှ လက်မထပ်နိုင် ဘူး” ထားက ပြုံးမဲ့မဲ့ဖြင့် လက်ကလေးကို မသိမသာ ပြန် ဆွဲယူသွား၏။ နိုင်အေး ရင်သည် လှိုက်မော လျက်ရှိသည်။ ထားတွင် ဟိုစဉ်ကလို မောင့်အပေါ် တမ်းတမှုတို့ မရှိတော့ ပြီလား။ ထို့ပြင် မောင်က သည်ခြောက်လ အတွင်း စိတ်ပြေ လက်ပျောက် သဘောမျိုး တွဲခဲ့ ရင်းနှီး ခဲ့သလို ထားမှာ။ “ထား” ဖြည်းလေးစွာ မတင်လိုက်သော မျက်တောင်တို့ဖြင့် မျက်လွှာပင့် သွားသော အခါ မှုန်ဝေသော မျက်လုံး ညိုညိုတို့ ကို တွေ့ရသည်။ “ဒီကြားထဲမှာ ထား ဒီလိုပဲ နေခဲ့တာ လား ဟင်” မောင့် မေးခွန်းကို ထား နားလည်နိုင် ပါမည်လား၊ ပါးနပ်လှသော ထားက မောင့် စကားကို နားလည် ပါလိမ့် မည်။ “ဒီအတိုင်းပေါ့ နိုင်အေး မိန်းမ အဖြစ်နဲ့လေ” “မဟုတ်ဘူး။ မောင် မေးချင်တာက ထား တစ်ယောက် တည်း နေရတာ တစ်ခါ တစ်ခါကျတော့ တစ်ယောက် ယောက် ကို မတမ်းတဘူးလား” ထားက ရုတ်တရက် ပြုံးလိုက် သော်လည်း ပါးလျား သော ပါးပြင်သည် နီရောင် သမ်းသွားလေသည်။ “ဆောရီး ထားရယ်... မောင်က” “ကိစ္စမရှိပါဘူး။ မောင် မေးတာ ကျွန်မ သဘောပေါက် ပါတယ်။ ကျွန်မလည်း အရွယ်ရှိတဲ့ မိန်းမ တစ်ယောက်ပဲ။ သဘာဝ အလျောက် တစ်ခါ တစ်ခါတော့ တမ်းတတာပေါ့။ ဒါပေမဲ့ ကျွန်မတို့ မိန်းမတွေမှာ မောင်တို့လို လွတ်လပ်စွာ ခံစား နိုင်ခွင့် မရှိဘူးလေ။ ဒါပေမဲ့ တကယ်လို့ အဲဒီလို လွတ်လပ်ခွင့် ရခဲ့ရင် တောင်မှ ကျွန်မကတော့ မလိုပါဘူး။ ဘာဖြစ်လို့ လဲဆိုတော့ ကျွန်မ အတွက် မောင်က လွဲလို့ ဘယ်သူ့ ကိုမှ မလိုဘဲကိုး။ မောင်တစ်ယောက် ကိုတော့ တောင့် တမိတာပေါ့။ မောင်က လွဲရင်တော့ ဘာမှ မလိုချင်ဘူး” ကြည်နူး ဆွတ်ပျံ့မှုနှင့်အတူ လှိုက်ဖိုသော ခံစားမှုက ဆံဖျားမှ ခြေဖျားအထိ ပျံ့လွင့်လာသည်။ ငေးမောနေသော ထား မျက်တောင်တို့သည် စင်းလျက်ရှိ၏။ ရှက်ရိပ်ဖြင့် နူးညံ့နေသော နှုတ်ခမ်းနုလေးကို (မက်မောစွာ ဆွဲယူထိကပ် နမ်းလို စိတ်ကို ထား ရိပ်မိသွားမှာလည်း မကြောင့်ကြမိဘဲ) တမက်မောမော ငေးစိုက် ကြည့်နေလိုက်၏။ ထား မျက်နှာ အား ဆွဲ ယူနမ်းဖို့ စိတ်က ကြံရွယ်ဆဲ ထားက ပြုံးလေသည်။ နောက်ပြီး မောင်တို့ထက် ကျွန်မတို့ မိန်းမ တွေသာ တာ ရှိတယ်။ မောင်တို့က အတွေ့ ချစ်မှ ချစ်တတ်တယ်။ ကျွန်မတို့ မိန်းမ တွေက အငွေ့ချစ်နဲ့ လည်း စွဲစွဲမြဲမြဲ ချစ်နေနိုင် တယ်” မောင်လာ ခဲ့သော ဆန္ဒသည် သည်စကား တွေကြောင့် ပြည့်စုံပြီဟု သတ်မှတ် လိုက်တော့ မည်နော် ထား။ “ခြောက်နာရီ ထိုးတော့မယ်။ ဆေးခန်း ပိတ်ဖို့ ကောင်း ပြီ” ထားက အသာအယာ မတ်တတ် ရပ်တော့ နိုင်အေး လည်း လှိုက်မောသော ရင်ဖြင့် မတ်တတ် ရပ်မိသည်။ “မောင် ထားနဲ့ အေးအေး ဆေးဆေး တွေ့နိုင်ဦးမလား” ထားက ပြတင်းပေါက်ကို သွားပိတ် ရင်းမှ ပြုံးလေ သည်။ “မောင် အိမ်ကို လိုက်ခဲ့လေ” သည်တစ်ခါ တုန်ယင် မှုသည် ၀မ်းသာ စိတ်ကြောင့် ဖြစ်လေ၏။ “ဖေဖေနဲ့ မေမေက သူတို့ သမက်လို့ ယူဆထားသူ ရေနံချောင်း ရောက်လျက်နဲ့ အိမ်မှာ မတည်းရင် တစ်မျိုးထင် လိမ့်မယ်” “သြော် ထား မိဘတွေ တစ်မျိုး ထင်မှာစိုးလို့ ဖိတ် ခေါ်တာပေါ့” ထားက ပြန်လှည့် လာ၍ နိုင်အေးကို မျက်ခုံးပင့် ကြည့်သည်။ ချစ်လှ စွာသော ထား အကြည့်တွင် နိုင်အေး လိုချင်တာကို တွေ့ရသည်ဟု ထင်၏။ “အင်းလေ ဖေဖေတို့ရော၊ ပတ်ဝန်းကျင်ရော” “ထားကိုယ်တိုင်တော့ မောင့်ကို မဖိတ်ခေါ် ဘူးလား” “ဘယ်လို” “မောင့်ကို ထားကိုယ်တိုင် မဖိတ်ခေါ် ဘူးလားလို့ မောင် အဖြစ်နဲ့” “သြော်” ထား မျက်နှာက အပြုံးသည် အေးစက်သွား သည်လား။ “အရင် လိုလား” မဲ့ပြုံး၊ မောင် သိပ်မုန်းတီး သော မဲ့ပြုံးက မောင် တပ်မက် စွာ ငုံ့နမ်းဖို့ ကြံရွယ်နေသော ထားနှုတ်ခမ်း တွင် ခိုတွယ်လာ သည်။ “ရပါတယ် အရင်လို ပဲပေါ့၊ ထားနဲ့ မောင်နဲ့ တရားဝင် မပြတ်စဲ ရသရွေ့တော့ ထားဟာ မောင်တစ်ယောက်တည်း ပိုင်တဲ့ မိန်းမပဲပေါ့ မောင်ရဲ့ မောင်ပိုက်ဆံ ကုန်စရာ မလို ဘူးလေ” “အို ထား” မောင်ရပ် နေသော ကမ္ဘာ မြေကြီးသည် လှုပ်ခါသွားသည် ထား။ ထား၏ စကားသံသည် အေးစက်စွာ။ သို့ပေမယ့် မောင့် နှလုံးသားသို့ ပူလောင်စွာ ထိုးဖောက် ၀င်ရောက်သွား ခဲ့သည်လေ။ ရပ်တည် နေရာမှ ယိမ်းယိုင် သွားလောက် အောင် ထားစကား သံက ပြင်းထန်လှသည် ထားရယ်။ မောင့် မျက်ရည်သည် ရေနွေးဖြင့် ပက်ခံလိုက် ရသလို မောင့်ခန္ဓာ ကိုယ်သည် ချောက်ကမ်းပါး စွန်းမှ ကျသွားသူလို ပူလောင် လျက်၊ အေးစက်လျက်၊ လွင့်မျောလျက်... “ထားရယ် ကျွန်တော် ကျွန်တော်” ကျွန်တော် ဒီသဘောနဲ့ ပြောတာ မဟုတ်ပါ ဘူးလို့ ငြင်းလိုက်ဖို့ ကောင်းသည်။ သို့ပေမယ့် မငြင်းချင်၊ မောင့် စိတ်ကူးတွင် ထားနှင့်မောင် ဟိုအရင်ကလို အချစ်မျိုး ပြန်လည် ဖန်တီးဖို့ ကြံရွယ်ခြင်းကို မောင် မလိမ်ညာ လိုပါ။ သို့သော် ထား ပြောသလိုတော့ အို ထားရယ် သည်မျှ ယဉ်ကျေး လှသော ထားက သည်သို့ ကြမ်းတမ်းသော စကား ကို... ထားသည် မဲ့ပြုံး ပြုံးရင်းမှ တဖြည်းဖြည်း အပြုံး ပျောက်ကာ မျက်လုံးအိမ်၌ မျက်ရည်တို့က လျင်မြန်စွာ စိမ့်အိုင်လာသည်။ မျက်တောင် ဖျားမှာ စိုစွတ်ရုံ တွဲခိုပြီး ပါးပြင် ဆီသို့ လိမ့်ဆင်းသွားသော မျက်ရည်တို့သည် ဘယ်အတွက် ကျသည့် မျက်ရည်များလဲ။ ရပ်နေရာမှ ချာခနဲ လှည့်ထွက်၍ အတွင်းခန်းထဲ ၀င်ပြေး သော ထားနောက်သို့ ဖြည်းညင်းစွာ လိုက်ခဲ့မိသည်။ ထားက လူနာ စမ်းသပ်ခန်း၏ ဟိုဘက် ခန်းဆီးအပြာစ တပ်ထား သော အခန်းထဲသို့ ၀င်ရောက်သွားတော့ နိုင်အေး လိုက်သွား ရ ကောင်းနိုး၊ လှည့်ပြန်သွားရကောင်းနိုး၊ တွေဝေစွာငြိမ်ရပ် နေမိ၏။ ပူလောင် တုန်လှုပ်သော ရင်က ပြန်သွားဖို့ တိုက်တွန်း နေပေမယ့်၊ ကြေကွဲ လှိုက်မောသော နှလုံးက ၀င်သွားဖို့ တိုက်တွန်း နေလေတော့ ထားရှိရာ အခန်း ထဲသို့ လိုက်ဝင်ခဲ့ မိသည်။ အခန်းသည် လူနာအတွက် မဟုတ်နိုင်၊ စားပွဲကုလား ထိုင်နှင့် စားပွဲတင် ပန်းစိုက်အိုး ထဲမှ နှင်းဆီနီများ၊ စားပွဲပေါ် တင်ထားသော ကက်ဆက်ကိုလည်း မြင်ရသည်။ ဘေးနားက ပက်လက် ကုလားထိုင်သည် ထား လဲလျောင်း အနားယူရာ ဖြစ်လိမ့်မည်။ ထားသည် စားပွဲပေါ် လက်ထောက်ရင်း နံရံ ဘက်သို့ လှည့်နေသည်။ နိုင်အေး ထားအပါးသို့ ချဉ်းကပ် သွားလိုက်၏။ စားပွဲပေါ်၌ စီးကရက် ဗူးခွံများ၊ စီးကရက် အတိုအစများ ထည့်သော ကြွေခွက်၊ ထား ဆေးလိပ်သောက် တတ်နေပြီ လား၊ မောင့် ဆေးလိပ်နံ့ကို မခံနိုင်သော ထားက ဆေးလိပ် သောက်နေတာ မောင်မည်သို့ ယုံရမှာလဲ။ ထား ဘေး၌ မောင့် သီချင်း တိပ်ခွေများ ၄-၅ ခုကို ထပ်ထားသည်။ မောင့်ရင်မှာ ဆွတ် ပျံ့ကြင်လာသည်။ ထို့နောက် မောင် ဘယ်သို့မှ မျှော်လင့် မထားသော အရာကို မြင်လိုက် ရ၍ မောင့်နှလုံး အခုန်ခဏ ရပ် သွားရပါသည် ထား။ မောင်တို့ လက်ထပ်ပြီး ခါစက ရိုက်ခဲ့ သော ဓာတ်ပုံ။ မျက်နှာချင်းဆိုင်၍ တစ်ယောက်မျက်နှာ တစ်ယောက် ငေးပြုံး နေကြသော မောင်နှင့်ထား သည်ဓာတ်ပုံ ကို စားပွဲပေါ်၌ ထောင်၍ တင်ထား သည်နော်။ မောင့်ရင်ထဲက တစ်စုံ တစ်ခုသည် ရုတ်ခနဲ လွင့်ထွက်သွား သည်နှယ် ဟာသွား သည်။ ထားနံဘေးသို့ ကပ်လျက် ထားပခုံးကို အညင်သာ ဆုံး ဖက်ပွေ့လိုက်မိသည်။ ထား ကိုယ်သည် မောင့်ဘက်သို့ အနည်းငယ်မျှ ယိမ်း မလား၊ ပျော့နွဲ့ခြင်း ကင်းမဲ့သော ထားကို ပွေ့ဖက်ထားရာ မှ တိမ်းမူး လွမ်းမက်စွာ ပါးချင်း အသာကပ် ထားလိုက်သော အခါ ထားကိုယ်သည် ရုတ်တရက် တောင့်တင်း သွားသည်။ မရုန်းဖယ်သော်လည်း အလိုက်သင့် ပျော့ပျောင်းမှု မရှိသော ထားကို ပွေ့ဖက်ထားရင်း လှိုက်ဟာ၍ နာကျင်သော ရင်ဖြင့် ခဏငြိမ် နေခိုက် ထားကမူ နာကျည်းခြင်း ဖြင့် ငြိမ်နေသည် လား၊ စားပွဲပေါ် လက်ထောက် မပျက် နံရံသို့ စိုက်ငေးသော အကြည့်မပျက်။ ထားပါးပြင်နှင့် ထိမိသော မောင့်ပါးသည် ထားမျက်ရည် ဖြင့် အနည်းငယ် စွတ်စို အေးစက် သော်လည်း မောင့်မျက်လုံး မှကျလာသော မျက်ရည် တို့ကြောင့် ခဏချင်းမှာ ပူနွေးသွား ပြန်သည်။ “ထား” ထားသည် ငြိမ်သက် တောင့်တင်းစွာ ရပ်နေဆဲ။ ထားတစ်ကိုယ်လုံးကို တင်းတင်း ကျပ်ကျပ် ဖက်တွယ်ပြီး ထားမျက်နှာ တစ်ခုလုံးကို နေရာလပ် မရှိအောင် နမ်းရှိုက်ပစ် ချင်စိတ် ပေါ်လာ သော်လည်း ၀မ်းနည်းခြင်းက ခဏချင်းမှာ ဖုံးလွှမ်း သွားခဲ့သည်။ “ထားရယ်” ပါးချင်းကပ် ထားရာမှ ရင်ထဲ နာကျင်စွာ ပြန်၍ ခွာလိုက် ရသည်။ “မောင် သွားရ တော့မှာလား” ပင့်သက် တရှိုက်နှင့် အတူ တုံ့ဆိုင်းစွာ မေးမိသော်လည်း ထားက ခေါင်းမညိတ်၊ ခေါင်းမခါ။ ထားပခုံး ပေါ်သို့ ကပို ကယို ကျနေသော ဆံနွယ်ပျော့ လေးများကိုသာ ထားမရိပ်မိ အောင် တရှိုက်ခိုး ၍ နမ်းလိုက်ရင်း နောက်သို့ ဆုတ်လိုက်သည်။ ထားဆီက လှည့် အကြည့်ကို မ၀ံ့မရဲ စောင့်နေမိ သည်။ ထားက မတုန်မလှုပ် အေးစက်စွာ ကျောခိုင်း ရပ်နေမြဲ။ လေးပင်စွာ လှည့်ထွက် လိုက်သည်။ ထား မောင့်အချစ် ကို အသိအမှတ် ပြုလာပါလိမ့် ဦးမည်။ ခန္ဓာ ကိုယ်ချင်း ရင်းနှီး မှုမပါဘဲ မောင်လည်း စွဲမြဲစွာ ချစ်နိုင် သည်ကို ထား နား လည် လာပါ လိမ့်မည်။ တနေ့နေ့ မှာပေါ့ ထားရယ်။ “မောင် သွားမယ်နော်” ကိုယ်ခန္ဓာက ဖယ်ခွာ ထွက်ခဲ့သော်လည်း မောင့်ဝိညာဉ်က  ထားအပါးမှာ ကျန်ခဲ့သည်။ ဂျူး (ရွှေအမြုတေ မဂ္ဂဇင်း ဒီဇင်ဘာ ၂၀၁၂)